شوفو قصتي مع زوجي وشلون تحولت من وحده بشعه الى ملكه جمال

العناية بالبشرة

سلاااااااام ياجميلااااااااااات حواء

انا قررت اقولكم قصتي مع العنايه والجمااال عشان اللي بعد ماتزوجو يتعضون واللي متزوجه تلحق على عمرها من ناحيه الاهتماام
البدايه والله كنت ماعرف بالاهتماااام شي كل همي الدراسه وشلون اطلع الاولى وبالعطله همي النوم والسهر واللعب ولما دخلت الجامعه ماعرف غير المكياج ولا بعد يفشل ماعرف احط ومكياجي ابو طقه الرخيص والله كل ماتذكر نفسي تحوم كبدي ههههههه
ماعرف غير الشامبو والشور جل بس الله يهداها امي ماعلمتنا شي ابداً وشعري تااللف من الصبغات واختار انواع رديئه وماعرف اختار التركيز المناسب
المهم اني تزوجت والله تحلفون اني سيلانيه عند خوات زوجي من السمار والحبوب بالوجه والضهر والنقاط بسيقان وسواد بكل انحاء الجسم والحواجب لحالهم سالفه والزيون والاسنان المايله ومن الضعف اخررررع والشعر تااااالف من الاصباااغ مع ان ملامحي ناعمه بس الله لايوريكم اهماااااااااال
لاتلوموني عيشه بيت كله عيال وامي جاهله ومهمله بنفسها وبس خايفه علي وماتخليني اخالط بنات واحد
والله ثم والله ثم والله انو صباحيه عرسي يوم غسلت المكياج انخرع زوجي مني وقالها لي (ليش شكلك كذا)اكيد مو قصده بس انصدم اول مره يشوف كذا خواته انوااااع الاهتمام بشرات وشعور واجساااااام حزا بخاطري كلمته وكل يوم اشوفه يتأمل البشاعه وانا استحي واقعد بالمكياااج اربع وعشرين ساعه فيه وحملت وزاد الضعف والكلف صرت على قوله امي اخرع البزران
طيب شسوي النت كان ممنوع عند اهلي وصديقات مافي اروح مع امي ساعتين وارجع
والحمد لله الله رزقني بزوج حنون وكريم بس انضلم معي
وانا على هالحاله الى ان جاء اليوم اللي قالي فيه فلانه انا عندي دوره بالامارات تروحين معي قلت لا مالي خلق وكنت حامل بالسابع وتعباااانه ومجهده قالي ليش امشي راح تنبسطين في اماكن يروحون لها خواتي صالونات وعيادات تجميل قلت لالا مالي بهالسوالف قالي ليش عاجيك بشرتك مذا امشي عالجيها وانا انصدم من كلامه قلت ليش مو عاجبتك قالي لا انتي حلوه بس محتاجه اهتمام
هذاك اليوم مانمت من البكاء وقاعده اتأمل نفسي والله انه صادق بكل كلمه ومن هذاك اليوم وانا من عياده لعياده ومن صالون لصالون
حمامات مغربيه وسنفرات وعالجت بشرتي عند عيادات وشلت ليزر وعالجت شعري وطولته وكل شهر احلى من اللي قبله حتى بنفاسي جبت انا اغراضي اللي راح استخدمهم والغسولات ونفست نفسي بنفسي
الاشياء اللي قدرت احلها حبوب الضهر اختفت من الاستحمام اليومي بصابونه الكبريت والقشره اختفت من شامبوات القشره وكل شهر لازم اغير الشامبو هذي نصيحه دكتور والحبوب اللي بالبشره اختفت من العلاج وتقشير بأحماض الفواكه وعلمني الطبيب شلون اعتني ببشرتي
بديت احلو عن قبل واشوف بعض البنات يقطون كلام انو خوات زوجي هم اللي علموني وهم ماعلموني شي بالعكس كانو يخبون علي وش يستخدمون بس ماعلي اعتمدت على نفسي وبديت افرفر بهالمنتديات والعيادات اللي ان وصلت للي ابي وراح اذكر لكم تجاربي الناجحه
شعري كل ثلاث شهور اقص اطرافه واستخدم ماسك صفار البيض والعسل وزيت السمسم واستخدم امبولات بيزلاين وفيتشي وعصير الجرجير وكلها رووووووعه والاحين صابغته اشقر ويجنن كثافه ونعومه ولمعه
بشرتي عالجتها بتقشير احماض الفواكه وعلمني الدكتور شلون اغسل وجهي ورقبتي وامسح بماء الورد واهم شي وقي الشمس افالون لاني ماطلع من البيت هو خفيف
وجسمي سنفرات كاب وملح الحليب ثلاث مرات بالاسبوع وصابونه الحليب يومياً بعد شور جل وارطب جسمي باي لوشن مبيض مثل فير اند وايت او بيزلاين واحياناً اخلط معه شوي زيت لوز مر وادهن جسمي فتح حييييييل وراحت الحبوب اللي بسيقان من السنفره والزيت وحمام المغربي بنسبه لركب واكواعي عالجتهم عند طبيبه سوت لي برنامج تقشير وتابعت على كريماتها الى ان خفو بنسبه كبيره
صرت بنت عاديه اللحين وصارو البنات يتلزقون فيني حتى زوجي اللي هو السبب في تغييري متجنن علىي
وتعلمت شلون احط ميكب صح من اليوتيوب وحالياً قاعده اسوي فينيرز للاسنان وافكر بأبر النضاره زياده جمااااال
اللي بقوله لاتعتمدون على احد غير انفسكم ولاتلمون الاهل او احد غير نفسكم ولاتقولون ماعندنا ماده حتى انا حالتي الماديه متوسطه بس احول اوفر اللي اقدر عليه عشان نفسي تصدقون حق الفينيرز لي ثلاث سنوات اجمع فيه
لاتسهرون ابدا وتقولون مافي نضاره انا مستحيل اسهر بعد الوحده حتى لو كنت بعطله الا اذا لاسمح الله مرض ولدي او زوجي
وسلطه يومياً قبل الاكل ومافي عذر للاهمال ابدا يعني حتى لو مسافرين خط طويل امسح وجهي باسكينول لان ماقدر اغسل زين

يتبع
523
540K

يلزم عليك تسجيل الدخول أولًا لكتابة تعليق.

تسجيل دخول

كاسات وفناجيل
صار الاهتمام من اولوياتي حتى لو اسافر يرمين اخذ معي كيس ملح الحليب الصغير اللي يكفي مره وحده وليفه جديده من كثر الليفات اللي عندي واخذ ماسك شعر من بيزلين حق استخدام واحد او مبوله وحده غير شور جل صغير وشامبو صغير حق استخدمين والفرشاه والمعجون وغسول الوجه والواقي يكون قوي شوي وماسك للوجه قبل النوم من فيس شوب بالليمون او الارز طبعاً الماركه هذي بدبي بس كل مارحت اخم منها او ماسك الاكسجين من بيزلين مافي عذر مسافره يعني اهمل لالالالا
مدري هو هوس او عقده او شي ثاني بس اللي اعرفه اني مرتاحه نفسياً وزوجي مبسوط مني
صرت كل ماسافرت اخذ الشي المميز بالديره اللي يستخدمونه بناتهم
ودلعت نفسي على الاخر جاكوزي بالحمام جبت وجاكوزي للقدمين وخيمه سونا وكل فتره اروح العطار والصيدليه وبودي شوب واخذ مستحضرات تجميل وغسولات وعده الخلطاااااا ت
واكثر شي قلبني فوق تحت هو







كبسولات زهره الربيع اكلها واحطاها علي وجهي وشرب الماء كميات كبيييييره
يتبع
ثمرة فؤادى
ثمرة فؤادى
مشكووووره ياعسل ومنكم نستفيد
اميره زوجي
اميره زوجي
روعه بسالك عن جلسات التقشير للركب والأكواع كم جلسه تحتاجين كم تكلفة كل جلسه
##توتي##
##توتي##
ماشاء الله ربي يتمم لك
كرزة بنفسجية
كرزة بنفسجية
ماشاء الله تبارك الرحمن

الله يزيدك وىيبارك فيك ياقلبي

كملي معاك