18-07-1433 هـ, 04:13 صباحاً
السلام عليكم

انا عندي حبوب نفس لون الجلد تحت عيني نفس اللي بالصورة بالضبط ومخربة شكلي وانشرت الحين بخدي ومنطقة الشنب





المهم رحت لدكتورة قالت هذا اسمة milia حبوب عرقية
وماتروح الا بليزر والجهاز مو عندنا
واستشرت دكاكترة بتوتر قالو ميليا او اكياس دهنية

ورحت لديرما وقال الدكتور احمد العيسى ازيلها بليزر بس ما ازيل اللي تحت العين مباشرة (اللي ع الجلد الرقيق ) يعني اللي حوالين العين فقط وتروح بنسبة 50% << يعني مااستفدت شي
وحسيت ماعنده سالفة ولارجعت له


فيا سادة يا عرب
لي سنوات ابحث عن من يزيل هالحبوب والله تعبت من كثر مااسأل بهالمنتديات وافرفر العيادات لدرجة فكرت اسوي مسابقة للدكاترة اللي يزيلها اعطيه جائزة



قسسسم تعبت
اللي تعرف احد شالها يفيدني مااااله الا دعووووة بظهر غيب وشكرا



تكفون ابي احد يدلني على مستشفى يزيلها او اللي تعرف وحدة تعالجت منها تفيدني

ملييييييييييييت
18-07-1433 هـ, 04:39 صباحاً
ياقلبي الله يشفئك طيب جربتي العسل لحاله جربي ع منطقة صغيرة اسبوع واذا فاد كملي انا بنتي سنة رابع منتشر بوجهها مشوها مسكينة الله المستعان












للطلب والتفاصيل ارسال رسالة على جوال 0567440749واتس
لمتابعتنا انستغرام
THABETAH_MOOL
18-07-1433 هـ, 04:44 صباحاً
يا اختي ما لك الا ربك سبحانه
اقري عليها وامسحي عليها بمويه مقري فيها
انا احيانا تطلع لي دمامل في اي مكان من جسمي
في أذني وشفتي السفليه وصدري و مؤخرة الراس عند الحبل الشوكي
واكواعي الجافة تطلع فيها بعد و غيره وغيره
تصدقين اذا رحت لطبيب واخذت مضاد تخف بعد اسبوع بس يصير مكانها حبه صغيره تحت الجلد ما تروح ابد
واذا قريت عليها تختفي في يومين وما يبقالها اثر او تصبغ


معليش لو ما عجبك كلامي وحبيتي تتعالجين طبيا
الموضوع راجع لك طبعا
لكن احيانا ارقي ضروسي ويروح الالم

العلاج بيد الله مو بيد غيره
أسال الله ان يشفيك ويعافيك 
18-07-1433 هـ, 04:55 صباحاً
والله العسل جربت بس ماداومت

والمرة واكياس الشاهي بس كلها يومين

الدكتور قال هالحبوب مالها سبب وقالت امي ارقي نفسك وجبت زيت زيتون وقريت عليه واستعملته اكثر من اسبوعين وماااافاد
وصابني احباط

الله يفرجهااااا علي
18-07-1433 هـ, 04:58 صباحاً
خالة بيتر والله قريت على زيت الزيتون سورة البقرة والمعوذات وماشفت نتيجة
واقرا على الحبوب الفاتحة سبع مرات وماشفت تحسن

انا ماقلت طبي الا لاني جربت الرقية قبلها
18-07-1433 هـ, 05:01 صباحاً
الف الف سلامه عليك ياقلبي ربي يشفيك

شوفي نفس الحبوب هذي طلعت ب وحده من قريباتي المهم لاعمليه ولاشيء اخذت كحل اثمد اللي يجيك لونه احمر خذيه من العطار اطلبي اللي للعلاج < تقول اخذته من عطار عبدالله عمر بجده ,, المهم تحطي ب عود الاذن جواة عينك راح يحرقك بسس تحملي واستمري عليه لمن تختفي

^ هذي تجربتها

اذا نفعت معاك لاتنسيني من دعواتك
اللهم يامسهل الشديد ويا ملين الحديد ويا من منجز الوعيد يامن هو كل يوم في امر جديد اخرجني من حلق الضيق الى اوسع الطريق بك ادفع مالا اطيق ولا حول ولا قوة الا بالله
18-07-1433 هـ, 05:35 صباحاً
جربته الاثمد الاحمر بفترة من الفترات على اساس يكثر الرموش ويصفي العين

بس مافاااااااااد

بس مادري اذا فيه خاص بالعلاج وغير علاج وكلهن باللون الاحمر !!

يعطيك العافية
18-07-1433 هـ, 05:38 صباحاً
يبي لك تجربين شغلات تقشرها... انصحك تروحين لدكتوره جلديه توصف لك الـ رتن أ...
يبي لك تكونين جدا جدا جدا حريصة باستخدامه,,, لانه ممكن يسبب لك مضاعفات,,,
يعني ماتستخدميه بشكل يومي (مرة كل ثلاث ايام) وتبدئي باضعف نوعية موجودة (%0.025)
ولما تحسي ان البشرة صايرة حساسة, تاخذي فترة كم يوم من غير شيء.. وهكذا...

(قرأت بموقع انجليزي ان الرتن-أ احد المعالجات,,, وصاحبتي جربته وتحسنت, بس مدري اذا استمرت عليه او لا و وش صار عليها)
18-07-1433 هـ, 05:53 صباحاً
طيب بستشير دكتور ةاستخدمة لوجهي بس تحت العين مباشرة صعبة واخاف تأثر مااحب اغامر

صديقتك جربت تحت عينها او كيف؟

الله يجزاك خير ويعافيك
18-07-1433 هـ, 05:58 صباحاً
اي تحت عيونها,,, بس بحذر شديد,,, ولا تنسي لا تشتري اي نسبة,, اشتري الـ 0.025 واذا لقيتي 0.01 افضل وافضل
(انتبهي من الـ 0.05 والـ 0.1 هذول ماينحطون تحت العين ابدا)

ومثل ماقلت لك مو يوميا...


اخترنا لك هذا الموضوع:

اقرئي المزيد »

الساعة الآن 10:36 .

جميع الحقوق محفوظة - عالم حواء - 2015