السلام عليكم ورحمة الله
اتوقع الاغلب فيكم من مرتادي هالقسم سمع اوقرأ هنا عن الممرخة ام عادل اللي بجده بحي الجامعة...كانت وحده من الاخوات كاتبه موضوع هنا عنها والكل طار فيها يدور الرقم وانا من ضمنهم طبعا لحاجتنا واضطرارنا اللي مايعلم فيه غير رب العالمين؟؟
وبجهد جهيد جبت الرقم واتصلت عليها قبل شهرين اواكثر تقريبا ع رقم بيت..وردت علي حرمه كبيره بالسن وشكلها هي ام عادل والصراحة كان صوتها تعبان مره وتلهث ونفسها مسموع ..المهم سلمت وشرحت لها وضعي وقلت لها ابغى اجيها تمرخني ..فقالتلي والله يابنتي انا مريضة وقلبي تعبان وتوي خارجة من المستشفى كانت بالعناية تقريبا وقالتلي انا خلاص ماعاد امرخ لاني تعبانه ومافيني حيل و انا الله يهديني كنت مره متعلقة بالحرمه وابغاها تمرخني وبعد اخذ وعطا رحمتني وقالتلي اذا انك نحيفة امرخك بس لازم يدخل معك زوجك يرفعك او مدري وش قالت بالضبط المهم تبغاه يساعدها فيني بشي؟؟؟قلتلها ايوه انا نحيفة وماراح اتعبك ياخاله ان شاء الله و خلاص ان شاء الله اجيلك الخميس وقالتلي خلاص بس ترى انا اخذ 500 ريال مع العلاج قلتلها اوكي مو مشكلة؟؟
واستخرت رب العالمين كذا مره بهالمشيه وبهالحرمة ؟؟وسبحان الله يصيرضرف كبيرعندنا ونتاخر عن هالمشيه >>وانا الضعيفةعند عاطفةالامومة مافهمت ان هالتأخيرخيره من ربي؟؟وكان المفروض افهم بس ؟؟؟مكتوب اكمل المشوار واكون عظة وعبرة وأوعي غيري؟
والاسبوع اللي فات استخرت ربي ثاني مره في مشيتي لام عادل ويوم الاثنين اللي فات 30/6/1433ه اتصلت على بيتهم وردت علي وحده(تقول انها بنت ام عادل) وقلتلها ابغى ام عادل قالت تعبانة ونايمه وتصحى بعد الضهر...وقلت لها انا كلمتها قبل شهرين وكنت ابغى اجيها تمرخني وحصل ضرف وماقدرت اجي بس اذا في مجال ابجيها الخميس هذا ؟وسألتني عن اسمي وقلت لها اسمي؟؟>>>(هذي نقطة مهمة كشفتلي تلاعبهم) وسالتني كمان اذا اول مره اجيهم وقلت لها ايوه اول مره >>وكأنها انبسطت كمان علشان تحتال براحتها؟؟
حاولت الحرمة تقنعني ان ام عادل ماتمرخ وان مرة ولدها عادل تمرخ وممكن تمرخني اذا انا حابه فقلت لها لا انا ابغى ام عادل تحديدا وانا سبق وكلمتها واتفقت معها ورضيت تمرخني ولما اصريت اعطتني رقم جوال ام عادل قالتلي كلميها بعد ساعة ....وبعد ساعة اتصلت وردت علي حرمة& وانا وربي ع نيتي ماميزت اصواتهم لانها مبحوحه يعني مره ينعدل الصوت شوي ومره مبحوح&&&& وكلمتها ع طول وقلتلها كيفك ياخالة ام عادل و..و...و...الخ وقالتلي خلاص تعالي انتظرك الخميس..وقفلت على اساس خلاص كلمت ام عادل واتفقت معها وقلت لزوجي وقلنا خلاص بنمشي جدة يوم الاربعا علشان نجيها الخميس الصبح..وهالكلام الضهر وقبل العصر بشوي يدق علي رقم جوال تشككت شوي بس لان ارقامي ضايعه رديت ...؟؟؟؟؟؟؟؟ وهنا النقطة اللي كشفتلي النصب؟؟؟سبحان الله... وحسبي الله وكفى؟؟؟
كلمتني حرمة مدرعمة ع طول تسألني:انت تجيني المغرب؟؟؟ قلت لها مين انت؟؟ ووين اجيك؟؟قالت:انا حرمة عادل؟؟قلت لها: اها...لا اناكلمت ام عادل الضهر وقلت لها ابجيها الخميس؟؟ قالت:اهـا انت فلانة(اسمي)قلتلها ايوه..قالت بس ام عادل تعبانة وماتمرخ؟؟قهرتني هنا وقلت لها طيب انا كلمتها قبل شوي واتفقت معها ..؟؟؟ فقالت خلاص على راحتك بس ترى انا امرخ اذا تبغيني امرخك؟؟انتهت المكالمة >>>>الاخت تبغى تقنعني غصب بنفسها علشان اخليها تمرخني؟؟
بعده جلست اتذكر المكالمة واقول طيب ايش عرفها باسمي هذي مره عادل واللي قلت لها اسمي بنت ام عادل يعني هذا شغلهم وكم وحده تعدي عليهم ليش يعني عرفت اسمي على طول؟؟؟؟ يعني مو مهمه اسماء الحريم بشغلهم علشان يسولفوا فيها ويقولو لبعض الا تكون هي اساسا اللي كلمتني ومسويه نفسها مره بنت ام عادل ومره حرمة عادل؟؟؟والله يااخوات بعد هالتفكير دخلني شكك منهم وكنت ناويه اتصل عليهم مره ثانيه من جوال زوجي واشوف كمان مين يرد ووش يقولون؟؟ بس ماالله راد اني اتصل؟؟
ويوم الاربعاء صباحا مسكنا الدرب(علما ان المسافة اللي قطعناها من مدينتنا لجدة 900كم على حسك يام عادل)وبالطريق قلت لزوجي وش اشك فيه وعلمته بالسالفة كلها..وجلسنا ندعي رب العالمين انه يعطينا خيرهم ويكفينا شرهم وكل هذا وانا احس بخوف من هالمشوار وهالناس؟؟
المهم وصلنا جدة ويوم الخميس 3/7/1433 هـ صحيت بدري علشان اروح لهم ولما قربنا بحي الجامعة اتصلت انا على بيتهم ورد رجال وقلتله ابغى ام عادل؟قال:نايمة؟وعطيته زوجي يكلمه فعرف بنفسه انه عادل(عضوجديد بالعصابه) وامه تصحىا العصر فقال له زوجي احنا جايين من بعيد ونبغاها ضروري لان ورانا مشوار رجعة طويل كمان..فقال لزوجي خلاص تعالوا بعد الضهر..فقلنا اوكي خلاص... ولماقفل زوجي قلتله وش العجوز هذي اللي تنام للعصر انا اخبر العجايز يصحن بدري؟؟فجلسنا نضحك وقلنا يالله تعطينا خيرهم وتكفينا شرهم؟؟وطبعا زادت شكوكي اكثر؟؟رحنا تسوقنا وع الضهر دقيت انا عليهم وردت وحده(المره هذي بدور ام عادل)فقلت لها انت ام عادل قالت ايوه قلت لها ياخاله احنا الان عند جامع بن لادن اعطيني عنوان بيتكم فجلست توصفلي واحنا من شارع لشارع على وصفها ولما حسنا شوي بالوصف قالتلي خذي رقم عادل يوصفلكم احسن؟؟وعلى طول خالتنا العجوز المميزة حافظة االرقم ماشاءالله وتنقلني اياه بطلاقة وحفظ وانا اكتبه بجوال زوجي واتصلنا ووصف لزوجي البيت لحد ماوصلنا لين الباب...وطبعا مكان مخيف جدا وسط ازواق يادوبك سيارة وحدة تخش الشارع... قبل ماانزل جلست ادعي الله بخوف واضطرار وانا وربي قلبي مو مرتاح لهم وزوجي بعد كان مو مرتاح ونزلت وهو ياعمري يدعيلي بقلب...المهم دقيت الباب وفتحتلي حرمة اكبر من نص عمر قولو بالاربعينات تقريبا وكانت تتوضأ ع المغسله..(((وعلى اول صوت كلمني قبل شهرين واللي بداخلي كنت اقول انها هي ام عادل فعلا ماكان راكب انه يكون لهالمره اللي فتحتلي الباب)))وبنفسي قلت خير وكان ع صلاة الضهر ودخلتني غرفة وسالتها عن القبلةودلتني وصليت الضهر ودعيت الله بخوف واضطرار وماخيب رجاي؟؟؟؟؟؟
وانتظرت 10دقايق وجاتني نفس الحرمة اللي فتحتلي الباب؟مابغيت اقولها على طول انت ام عادل ولا لا علشان ماتكذب؟وسالتها وين ام عادل؟؟فردت بوقاحة وكذب:انا ام عادل...؟؟فخزيتها بنظرة قوية اني كاشفتها وقلتلها :لاموانت ام عادل...فتبسمت بخزي وقالت:ايوه انا مرت عادل..وهنا انا بديت اشتاط؟؟وقلت لها ليش طيب تقولي انك ام عادل؟؟:وانت طبعا اللي كلمتيني قبل شوي ومسوية نفسك ام عادل؟؟..قالت انا ماكذبت عليك وقلتلك:ام عادل مريضة وانا الحين امرخ؟قلت لها ليش الشغلة على كيفك؟؟قالت ماتبغيني امرخك بكيفك مااجبرك؟؟قلتلها ليش الحين السالفة اني ابغاك تمرخيني ولا لا؟؟ السالفة انك جايبتني من اخر الدنيا و تكذبي وتقولي انك ام عادل وجلست تقاوح وتقول انا ماكذبت عليك قلتلك ام عادل مريضة وقلتلها :ولما قلتلكم ابغى اكلمها ماقصرتي انتي سويتي نفسك انتي ام عادل وكذبتي علي وجبتيني كل هالمشوار ولاهمك شي؟وكل شوي تقولي ماتبغيني امرخك بكيفك وانا ابغى اخنقها من القهر؟وقلتلها لا طبعا ياحبيبتي ماراح اخليك تلعبي فيني وتمرخيني الشغلة مو وحده بدل وحده هذا شي يبغاله خبره وموعلشان الحرمة مريضه تستغلي خبرتها بهالشي وتضحكي ع الناس وكل شوي ترد و تعيدلي نفس الكلام وتقولي انا قلتلك ان ام عادل مريضة ؟واذا تبغي تشوفيها اوريكي ياها وانا من قهري قلتلها ايوه ابغى اشوفها وقامت بكل وقاحة وبرود وقمت وراها جوى وورتني حرمه ممددة ع السرير عجوووووز مره كانها مغيبه شعرها ممزع وبرتقالي ونايمه وفاتحة فمها يعني والله زي الناس اللي نشوفهم بالعناية المركزة؟؟؟؟شفتو كيف تستغل وضع هالحرمة؟؟؟وهنا انا طرطعت اكثر وعلي صوتي يعني ايش تبغى تثبتلي توريني الحرمة؟؟؟قلتلها الله يشفيها وانت ع الغش والاحتيال اللي سويتيه واستغلالك لسمعة الحرمة المريضة والله مااسامحك وانت لو وحده تخاف الله كان تعرفي ايش معنى هالكلام جايبتني من اخر الدنيا ولا همك كله ع كذبك واحتيالك انت وزوجك واخته؟؟وربي كلكم نصابين وماعندكم مخافة من الله وترى لعلمك حتى لو انك تعرفي تمرخي انت من منظرك انت انسانة مو مريحة ومالله عطاك قبول علشان الواحد يرتاحلك ويخليك تمرخيه واساسا لو تبغي الله يباركلك بهالشغلة ماتكذبي ع الناس وتستغليهم وهي تحاول تصفصف كلام وتقولي يااختي الحمل من الله مو من ام عادل ولاغيرها؟؟وقلتلها :ادري ياحبيبتي انه من الله ومو معناته انك تضحكي ع الناس وتسوي نفسك ممرخة والله ياشيخة لأفضحكم واللي جابني وعرفني فيكم النت والله لأكتب وافضحك انت وزوجك واخته فيه واحكي كل اللي صاروهي تقول ببجاحة كيفك اكتبي قلت ايوه اكتب وشوفي من اللي يجيك بعدها وطبعا جلست اهزئ بصوت عالي حتى زوجي برى سمعني وانخرع وخاف علي مره وجا جمب الباب مو عارف شسالفة ياحرام لين ماطلعت من الباب وانا اقول شغل احتيال ونصب وارزعلها الباب واطلع ولقيت زوجي عند الباب وطلعت السيارة وحكيتله الموضوع ووالله العظيم حمدت ربي وشكرته انه نجاني من هالحرمية النصابة وقسما بالله اني مازعلت ع المشوار ولا على نفسي وخيبة رجاي واملي قد مااني حسيت برضا وانشراح وسعادة ان الله حماني وحفظني منهم وبداخلي اردد واقول لعله خير ...ويالله غيرنا جو وتسوقنا......
وقسما بالله العظيم ان كل كلمة كتبتها صادقة فيها وكتبتها للعضة والعبره وللحذرمن هالشاكلة اللي تستغل الضعيفات مثلنا اللي تجري خلف كل امل بالحمل..وهم مايعرفون الا الفلوس وكم رح تكسب من ورى كل وحدة تدور الحمل؟؟
وآسفة ع الاطالة..وارجوكم واسالكم بالله ترفعون الموضوع للفائدة وللحذر..علشان كل البنات يقرون هالكلام ويستفيدون وماينغشون بهالناس ولا غيرهم وصلى الله وسلم على سيدنا محمد والحمد لله رب العالمين..
انتظارالفرج عباده @anttharalfrg_aabadh
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
حسبنا الله ونعم الوكييييييييييييييييل
الله يرزقك بالخلفه الصالحه بدون دايات ولامستشفيات قولي امين