السلام عليكم
فى ليله قمراء
كنت سهرانه وضايق خلقى شويات
قلت يابنت خلينى اطلع السطح اتامل النجوم
واسولف شويات مع حمامتى الجميله
طبعا حمامتى الغاليه كاتمه اسرارى
اسولف عليها وبكل راحه دون خوف او تحفظ
فقد وجدت عندها شياء لم اجده فى البشر
المهم مالكم بالطويله
جلست وانا شارده الذهن افكر ببعض من الاحداث والمواقف
فقالت حمامتى شهودى ....شهودى ؟؟ وش فيك الليله
قلت ياقليبى شوى متضايقه
قالت افا ياذا العلم تتضايقين وانا موجوده ؟؟
امرى ياقلبي روحى لك فدا
لو تبينى مشوى على الفحم
لايردك شى
قلت يابعد الدنيا يحمامتى الله لايخلينى منك
ان شاء الله عدوك الى نشويه على الفحم ..
قالت حمامتى ياله ياله قومى
قلت وين ؟؟
قالت باخذك جوله نتمشى فى هالجو البديع وبوريك المناضر من فوق
توسعين صدرك وارجعك لبيتك
قلت ههههههههههههه
يا حبى لك ياحمامتى كيف تشيلينى ؟؟
قالت ايه يابعدى اشيلك اطلعى فوق ضهرى وانا بطير فيك مالك هم (لاتحقرن من النساء صغيره )
قلت ياله والله يعينك على الاثقال
بس اذا تعبتى علمينى علشان انزل .
ومير الله يسلمكم واطلع على ضهر الحمامه واتمسك زين وانا اتنافض خايفه انى اطيح
والله حمامتى قويه
طاااااااااااارت فووووووووووووق
ياسلالالالالالالام
ياحمامتى شوى شوى
قالت ماعليك ياقلبي
بمر هنا لصديقاتى
ونسولف معهم شوى ونكمل المشوار وش رايك ؟؟
قلت براحت انا معك
وقفنا على ذيك الشجره وفيها ذاك العش الى يهبل
الا تطلع لنا حمامتين متسلحات بالاسلحه
وانا تصكنى ام الركب قلت ياحمامتى وش سويت ليه جايبتنى هنا
قالت شهودى وش فيك انتى معى وتخافين احنا يالحمام مانغدر بصحابنا
خلى تقتك فينى كبيره
قلت ياحمامه لاتلومينى ترى شفت من الناس العجايب والصديق عندنا صاير ماله وجود
الا ماندروالثقه راااااااااااااااااحت بالبشر
وقفنا وعرفتنى على الحمامتين وقالت اعرفكم
هذى صديقتى شهودى من البشر
وهذولا ياشهودي صديقاتى وهم يطلق عليهم (العصابه الطياره)
قلت ليش عصابه ؟؟
قالت هذه الله يسلمك العصابه تتعامل مع البشر
يجون الناس ويتفقون معاهم على اعمال اجراميه قتل او خطف مقابل مبلغ مادى
قلت افا الحين من قل المجرمين الى فى الارض راحو الناس يتفقون مع عصابات الحمام
قالت ياحبيبتى هذولا متمكنين بعدين يعملون عملتهم ويطيرون ماحد يجيبهم ولا لهم بصمات
ولا حتى الانتر بول والناس كلهم صارو يتعاملون معاهم
وترى المبالغ الى يطلبونها كبيره
قلت طيب ليش جبتين عندهم ؟؟؟
قالت بس قولى لى من الى مضايقك وانا اخلى صديقاتى يجيبون خبره الحين ولعيونك بدون مقابل
قلت لالالا ياحمامتى بس خلينا نطير ونروح لمكان ثانى
ماحب الاجرام ضيقه وبتروح
سلمنا على خوياتها وانا ماصدقت اننا نطلع.... يمه منهم يروعون
وجلست حمامتى تفحط فينى فى السماء
ونضحك
وناااااااااااااااسه
شوى الا حمامتى تعبت وقامت تكح
وتلخبطت علومها وبدئ الخوف فى قلبي
حمامتى حمامتى وش فيك ؟؟
ماردت على
حمامتى حمامتى
مافيه صوت ولا حركه
ياقلبي حمامتى ماتت وانا فى السمااااااااااااااااااء
ياربى رحمتك
ويهتز التوازن
انا وحمامتى هبوط مفاجئ سريع
وانا اضغط على الحزام وهى تنفك المظله
وربكم سترونزلت سالمه غانمه
واناظر وش ذا المكان ماعرفه اول مره اشوفه
واجلس انادى على حمامتى وادورها مالقيتها
اه ياحمامتى الوفيه ماتت ضحت بحياتها علشان توسع صدرى
الله على الوفاء يالبيه مليون
والله بعذرها لوماتت تو قف القلب من الاحمال الى على ضهرها
المهم وانا بين حيره ادور على حمامتى وخايفه من بيرجعنى لبيتى
يالليل ابو لمبه انا وش مطلعنى من بيتى فى هاليوله
الحين وش السواه
وامشي وامشي ادور لى طريق الا ذيك الشبكه الى انرمت على
وصاااادونى صيد الحمامه
ثلات مجرمات
ياربى منهم هذولى ريا وسكينه طيب مين الثالثه ؟؟
لالالالا مو هم
اجل مين ؟؟
ناضرت فينى وحده منهم نظره خربطت كل الحواس عندى
قالت مين انتى وليش جايه عندنا
قلت ياربى
والله طحت عندكم ولا احد سمى على حضى الى جابنى
اسمى شهودي وعلمتهم بقصتى ..
قالو حنا الثلاثى المرح (شطشط وغيمه واليالى )
الداخل مفقود والخارج مولود يابعدي ؟
قلت يعنى ايش مافهمت
اعذرونى الليله عمرها مامرت على مثلها والامور عندى راحت كوكتيل شوربه على ملوخيه بالفيمتو
قالت الزعيمه حبيبتى هع هع (غيمه)
هاتو القدر يابناااااااااات
وحطونى وسطه وانا بعيط
احنا لنا ثلاثه ايام مااكلنا وربى جابك لنا
وانتى والله مربربه وبتكفينا فتره من الزمن
وتطير عيووووووووونى
قلت حرام عليكم بتااااكلونى ؟؟
عندى عيال اطلبو الى تبونه بس رجعونى بيتى
وابشرو بالى تبون لو تبون ملاين الملايين بعطيكم تكفيكم العمر كله بس فكونى
(الله من النصب ماعندى ماعند جدتى بس الروح غاليه اما ياكلونى قويه شوياات)
قالوبنتشاور ونرد لك
شوى جتنى الصغيره( شطشط )ام عيون
قالت شوفى قطوتنا مريضه مرض خطيرومرضها فى عيونها من مقابل عالم حواء
وعلاجها فوق الجبل فيه غار وفى الغار عشبه التركواز
وعليها حارس وطريقها مليان وحوش ومصاعب
تجيبينها لنا ونفكك ولا ونوصلك لحد بيتك
هاه وش تبين ؟؟
قلت اجيب مندوبها بس انتو تفكونى
قالو ياله انطلقى ان رجعتى لنا سالمه بالعشبه رجعناك لبيتك معززه مكرمه
واركض ركض ماصدقت انفك منهم
واقوم واطيح من الفرحه
وادخل ذيك الغابه مظلمه ومخيفه واصوات الريح والشجر والحيوانات
يمه بسم الله الرحم الرجيم
وانامشي الا واشوف اسد
يمه اسد ويركض وراى ونحااااااااااااااش ويركض وانا اركض
ومطارد فى الغابه
شوى واسمع صوت ينادى الاسد
ياسد خير ان شاء الله وش تبى فى البنت ياله وخر مناك بسرعه
شوى الا الاسد يوم نزل راسه وراح يمشي وتركنى وهو يتنافض بس من الصوت
قلت ياربى انا وين طحت وش هالصوت ومن وين جاى
الا الصوت يرجع مره ثانيه يابنت انتى وش تبين ؟؟
قلت بسم الله وشو هالصوت اكيد جنى الا جنى انا ماشوف احد
قلت نننععععم مميييييننن انتتتى انااااا ماااااشووووفك ؟؟
قالت نزلى راسك تحت ياقلبي وطالعى زين شوفينى تحت
يوم طاح قلبي بين ارجولى ونااااضر ..
قلت ماشوف الا نمله؟؟
قالت ايه يابعدى انا الملكه نموله النمال
ليش حاقره النمل ؟؟ماتشوفينهم شئ ؟؟
قلت لاياعمر وياحياتى قدرك على راسى من فوق اذا بس صوتك روع الاسد
اجل وش بتسوين فينى انا الضعيفه
ضحكت هههههههههه
قالت انتى ضيفتى اليوم امشي معى وقولى لى سالفتك انتى فى مملكتى الخاصه
وطئتى اهلا وحللتى سهلا
قلت في نفسى زين لقيت احد طيب لعل وعسى تساعدنى وارجع لبيتى
وعلمتها بالسالفه من طلعت من بيتى لحد ماقابلتها
قالت الليله تتعشين معى ومايصير الاخير وقبل الفجر بوصلك لبيتك
قلت طيب والمتوحشات الى بياكلونى
قالت لايكون عندك هم انا اتفاهم معاهم خليهم عنك انتى دخيلتى
لاجئه سياسيه وانا عطيتك الامان
قلت الله يالدنيا النمله الى حنا ماحنا شايفينها شى
هى الى دافعت عنى ولا بعد انا ضيفه عندها
يازمان العجايب وش بقى ماضهر
والله صادق خالد الفيصل
ياقلب لاتحزن
المهم مشيت انا واياها متجهين للقصروحنا بالطريق
الا ووقف واشوف فصل دراسي للبقر
قلت ههههههههههههه
ياحليلكم البقر عندكم تدرسونهم ؟
التفتت على منتقدتنى
وقالت ياختى هذولا البقر مرضعات الاجيال ولازم نهتم فيهم بتغذيتهم
ولازم يتعلمون ويكون عندهم معلومات وثقافه عاليه
علشان لما يشربون عيالنا حليبهم يكونون نسبه الذكاء مرتفعه
قلت ياحسرتى على عيالنا وانا اشوف عيالنا الذكاء عنده مدحدر
الزهيمر شغال فينا بدرى
اثاريه يومنا نشرب حليب بقرنا الجاهله
صارهذا حالنا
قلت ياله طلعت بفايده لارجعت لبيتى لازم ااسس اول مدرسه للبقر علشان عيون عيالنا
ونواصل الطريق
الا اشوف ذيك الشوفه العجيبه
يتبع
قلت لالالا وين حنا وشو هذا وش هالرومانسيه والحب الحيوانات ماتخاف من بعض
قالت هذولا الحيوانات الى عندكم تعلمو القسوه والحقد على بعض من البشر
والا هذا الى تشوفينه هى حقيقه الحيونات مع بعض محبه والفه وحنان
قلت ياختى عندنا قانون يسمونه قانون الغابه( القوى ياكل الضعيف )
قلت هذا اقوال انتو الفتوها وصدقتوها هذا عالمكم انتو موعالمنا
ياربى وش السالفه وين الصح والله راسي افتر
واشوى واشوف هذيك الحمامه تقراء مجله
وناااااااااظر لالا مستحيل
قلت ياحليلكم امداكم تشوفون مجلتنا (حروف من نور )
قالت اي شي يجيكم ينزل عندنا اسرع منكم
سكت وكملت طريقى وانا فى ذهووووووووول
وانا بس امشي واصور
واقول لين رجعت لبيتى بنزلها للبنات
لين فشلتنى ملكه الجمال حقتهم من كثر ماصورتها فتنتنى بجمال عيونها
وقالت خلاص تعبت من التصوير
وانا اوقف استحيت يقولون هذى ماشافت خير
ونوصل القصر قالت حضرو الاكل للضيفه
قالو الخدم سمعنا وطاعه الان تجى السلحفاه بالاكل
قلت ههههههههههالسلحفاه
ايه هين يبى لهاسبوع على ماتوصل
مانهيت كلمتى الا السلحفاه جايه
قلت وش هالسلحفاه تمشين الفين مسرع ماوصلتى
وجايبه الاكل
قلت النمله السلحفاه عندنا اسرع الكائنات
يوم قالته ماعاد دريت عن نفسى طحت واغمى على من الروعه
ولا صحيت الا وهم يرشونى بالمويه
ويقولون لالاسف انتى تحتاجين رعايه خاصه ولازم تغيرين كل افكارك عن الحيوانات
قلت والله يالنمله كل البشر يبي لهم اعده توجيه لافكار والنظريات
وشكلى بجيب كل عالمنا عندكم بالصيف
المهم تعشيت معهم وانبسطت وقضيت وقت ممتع
وقلت للنمله ابى اشترى منك الغابه
ابى صديقاتى واخواتى يجون معى فى الرحله القادمه
يغيرون جو ويشوفون هالعالم الى شفته
قالت النمله الله يحييك انتى والى بيجى معك
ودفعت لهم مبلغ مالى وغيرو اسم الغابه الى (الغابه الترفيهيه )
وانا طالعه الا واشوف حمامتى تطير يمين يسار تدورنى وتنادى احد شاف شهودي
قلت ياقلبي ياحمامتى مامتى وينك
قالت لابس اغمى على من التعب ويوم فقت مالقيتك
ومن اليوم وانا ادور عليك
قلت ياله نرجع ياقلبيى
ودعت النمله وغابتها وكل الحيونات الافاضل
ودخلت بيتى بشويش ولقيت الكل نايمين وماجابو خبر
خخخخخخخخخخخ
وجلست على الاب واكتب لكم قصتى وادرى مانتو مصدقين شي
لحد ماتشوفون بعيونكم
وعلى فكره الى تبى تروح معى الرحله الجايه
ترسلى علشان احجز لها مقعد فى طيارتى الخاصه
وهذى صوره الغابه من فوووووق
بعد ماقلعت انا وحمامتى
والحين قولو لى رايكم ارسل العصابه الطياره لشطشط وغيمه وانوار
ياخذون حقى منهم
والا لالالا
انتظركم
ليلة مرت بدهري
لم تكن من خيط عمري
إن تكن مرت سريعا
فهي ما زالت بفكري
لست أدري كيف مرت
يا الترفيهى لست أدري
بقلم شهودي2006
كتابه واخراج وتصميم