22-05-1433 هـ, 09:16 مساءً
بسم الله الرحمن الرحيم
السلام عليكم ورحمة الله وبركاته
يابنات انا أموووووووووووت عالشعر الطويل لكن مشكلتي اني أمل بسرعه ولايمكن أستخدم أي شي مرتين وراء بعض وبهالطريقة لايمكن أحصل عانتائج اللي أبيها ]لذلك نويت أسوي كورس وأمشي عليهلكن حبيت تشاركوني عشان نشجع بعض
البرنامج ان شاء الله يبدأ يوم الأحد الجاي بتاريخ 1-6-1433هـ عشان يمدي كل وحده فينا تجهز أغراض برنامجها واللي ماتبي نفس مكونات برنامجي عااااادي تستخدم الخلطات والزيوت اللي متوفرة عندها واللي هي تبيها أو متعوده عليها لكن أنا هدفي هنا هو الإستمرااااااااااااااااااااااا ااار

XXXXXXXXXX
وبعد أعجبتني خلطة العضوة غنوة لذلك راح استخدم الخلطتين وأضيف لهم الحناء.راح أنزل لكم مواضيع العضوتين وبعدين أكتب جدول البرنامج.
1-زيوت أم عبدالملك كما في إعلانها هي شخصياً وعلى فكرة والله العظيم أنا ماسوي دعايه لها ولا أعرفها لكن جربت الزيوت وأعجبني وخاصة أتوقع أن واحد منهم اللي هو زيت العراقيات يحتوي على بول البكرة والله أعلم
ْْْْْْْْْْْْْْْْْْْْْْْْْْْْْْ ْ





xxxxxxxxxxxxxxxxxxxxxxxx
سيتم احذف الموضوع في حال تكرار كتابة ارقام على العام او الترويج التجاري




2- خلطة العضوة غنوة زي ماكتبتها بالضبط وأنا متأكدة والله أعلم من فاعليتها لأنها تحتوي على الحلب والصبار سوا(غنوة نزلت خلطتين لكن انا أخذت الخلطة الأولى أشوف أنها الأفضل لأنها طبيعية 100%)
الخلطة الأولى :
هذا افضل خلطة ونتائجها رووعة وبعيني شفتها بس يبيلها صبر مو اسبوعين وتقول والله ما تغير شيء ولا شفت شيء
طبعا النتيجة مو اقل من 3 شهور وحاولي تستخدمها طول عمرك خصوصا اذا عندك بنت صغيرة تنفع للأطفال بعد
تستخدم مرتين في الأسبوع

المكونات
صبار ,,, حلبة حب ,,, زيت نارجين اصلي بالكيلو ,,, بصلة مسلوقة


الطريقة

اول شيء تجيبي قطعة كبيرة من الصبار وتغسليها وتشيلي الشوك من طرفها بالسكين بس واحد طرف والثاني تتركي

الطرف الا شلتي وقطعتي منه الشوك تفتح الصبار بالنص يعني تقسميها قسمين والصور واضحة بدون شرح
تغسلي الحلبة الحب وتنثريها في وسط الصبار
بعد ما تنثريها تقفلي قطعتين الصبار على بعض بس انتبهوا الصبار ما يكون مفصول عن بعض بس مقسوم من النص
تجيبي قطعة خيشة الا هي حقت الرز وتفرغيها من الرز وتقسمي قسمين تقصيها لانها كبيرة واذا ما عندك ممكن منشفة تنفع بس الخيشة افضل

بعد ما تغسلي الخيشة زين تحطي الصبار في وسطها وتلفيها وتحطيها على صينية عند شباك المطبخ وتتركيها يومين بس كل يوم تسقيها بالماوية يعني ترشي عليها موية اي كمية مافي شيء محدد
بعد مرور يومين انفحي الخيشة وشوفي الصبارة راح تكون الحلبة الا بوسطها زرعت يعني نبتت وهذا المطلوب
بعد كذا تجيبي ملعقة وتشيلي الحلبة والصبارة وتحطيها في وسط الخلاط وتضيفي لها زيت النارجين الكمية بالنظر وتضيفي البللة المسلوقة مع مويتها

تخلطي كل المكونات مع بعض بالخلاط وهذا شكلها النهائي وبعدين وزعيها في قوارير من الزجاج واحفظيها في الثلاجة ,,, وكل ما بغيتي خذي بملعقو نظيفة الكمية الا تكفيك ودفيها على النار وافركي فيها فروة شعرك واتركيهامن ساعتين الى 4 ساعات
وهذا رابط موضوع غنوة كامل
شعرك خفيف مصلعه منتف مقصف تعالي لك ولبنتك بيتحول لباروكة وبالصوه - منتديات عالم حواء



[جدول البرنامج:
الأحد : زيوت أم عبدالملك
الإثنين: خلطة غنوة
الثلاثاء: زيوت أم عبدالملك
الأربعاء : خلطة غنوة
الخميس: حنا واللي شعرها مصبوغ تستخدم سدر أو أي ماسك للشعر
الجمعه: زيوت أم عبدالملك
السبت: غنوة
والشامبو استخدمي شامبو الأطفال

ويالله جهزوا أغراضكم عشان نبدأ بموعدنا على بركــة الله
اللهم اني أسألك خير هالخلطات وخير ماصنعن له و أعوذ بك من شر هالخلطات وشر ماصنعن له

ياالله نبدأ تسجيل واللي عندها رغبة بالبرنامج تقول:أرغب بالمشاركة
22-05-1433 هـ, 09:26 مساءً
برنامج حلوبالتووووووووووووووووووووفيق
[IMG][/IMG].


22-05-1433 هـ, 09:30 مساءً
معاك باذن الله وانا صار لي شهر الا كم بوم ومستمره على عنايتي بس اهم شي وكل يوم بدتب يومياتي هنا معاك وانتي تقصي بالاحد بكره صح
22-05-1433 هـ, 10:45 مساءً
معكــــم
انا لي اسبوع ونص تقريبا
برنامجي ..
السبت_ زيت دابر املا
الاحد _ زيت جوز الهند مع زيت سمسم
الاثنين _ زيت عافيه مع الحلبه والثوم
الثلاثاء _حنا وسدر معجون بموية البصل والثوم ( خلظة حور الجنان)
الايام الباقيه نفس الزيوت اللي استخدمها
يوميا اغسل شعري بمنقوع الاس والاكليل واحيانا سدر ..

* نصيحتي جربو منقوع الاس والاكليل صح انه يجفف الشعر بس حلووووووو ومع البلسم بيروح الجفااف
22-05-1433 هـ, 10:58 مساءً
موووووووووووووووفقه أختي
22-05-1433 هـ, 11:28 مساءً
انا معاك بس برنامج ثاتي حسيت شعري طال عليه الحمدلله بارجع له لان ودي شعري يطول بالصيفيه ومامعي الا هالفتلره بس موكل يوم احط واغسل يمه احس تطق كبدي وخاصه اني متزوجه بالله حمسيني وتحمليني لي فتره بس ااجل مدري وش بلاي
أســـتــغـفـر الـلـه الـعـظـيم سـبـحان الـلـه وبحـمـده
سـبحـان الـلـه العـظـيم
22-05-1433 هـ, 11:31 مساءً
ارغب بالمشاركة ولكن بطريقتي انا
22-05-1433 هـ, 11:42 مساءً
انا معاك بس برنامج ثاني الي هو زيت هيماتاج يوم ورئ يوم وحنا مطبؤخه بزيت كل خميس والجمعه ماسك ..
وحبيت اقولك ترئ مو زين تستخدمي الخلطات بشكل يومي يتعب شعرك وتضعف البصيلات وهو السبب الرئيسي للتساقط لازم يكون فيه يوم راحه ويكون جاف طول اليوم و مفكوك عشان الأكسجين يدخل البصيلات والفروه..

معليش ع العشره الزايده والله يطول شعورنا ويزينها قبل الصيفيه*_~
22-05-1433 هـ, 11:50 مساءً
اقتباس مشاركة  (ام خلودي&حمودي)
برنامج حلوبالتووووووووووووووووووووفيق
تحلى أيامك
22-05-1433 هـ, 11:53 مساءً
اقتباس مشاركة  (قآهرتهم ~)
معاك باذن الله وانا صار لي شهر الا كم بوم ومستمره على عنايتي بس اهم شي وكل يوم بدتب يومياتي هنا معاك وانتي تقصي بالاحد بكره صح
حياك الله وقصدي الأحد من الاسبوع الجاي مو بكرا عشان نجهز خلطاتنا انا ماسويت خلطة الصبار للحين


اخترنا لك هذا الموضوع:

اقرئي المزيد »

الساعة الآن 05:33 .

جميع الحقوق محفوظة - عالم حواء - 2015