كوبونات الراقية تسجيل الدخول

حلمي نرجسي

أنا وزوجي ( طليقي ) وأهلي من هو صاحب الحق

الأسرة والمجتمع •

خواتى الحوائيات:
أنا كثيرررر اتالم ومحتارة وعدتي مابقى فيها شي تقريبا ايام بسيطة
تكلمت في نفس المشكلة قبل كذا لكني لم افصل سأكتب لتفاصيل لعل احدا منكن تدلني على الصواب

مشكلتي صعبة ومعقده ولها عدة جوانب سأبدأ بالتجزيء
الجانب الاول : أنا متزوجة من رجل من خمس سنوات ونصف حياتي معه غير مستقرة بحكم عملي بيني وبينه أكثر من ثمان مئة كيلو
الخلافات عديدة بيني وبينه بتدخل أطراف كثيرة من أهلي وأهله
هو انسان عصبي جدا ومديون ديون كثيرة بداية زواجنا كان لايجد شيء وشيئا فشيئا تحسنت بعض أحواله كل ذلك وهو لايعترف بحقوقي المادية أو حتى السكن كنت دائما ادفع الايجار وأتكلف بمصاريفنا الخاصة لانه وببساطة أول ماينزل الراتب يوزعه على الديانه هنا وهناك
الشهر الخامس من زواجنا كان يبني بيت العمر وكان مايقول لي اي شي عنه بحكم انه يبنيه لاهله وبيكون الجز ء المخصص لنا شقة صغيرة فيه أما الباقي فهو لاهله واخوه المتزوج
حدثت خلافات كثيرة بيني وبينه بهذا الموضوع مشكلتي انه مايعطيني اي خبر في اي شي الا الديون اللي متراكمة عليه وحاجته وهمومه فقط
مانلتقي غالبا الا في الاسبوعين خميس وجمعه وفي اجازتي اروح معاه واتكفل كافة المصاريف ايجار وسكن واكل وشرب حتى مصروفه الشخصي ياخذه مني ودايما يطلبني مبالغ وان ماعطيته يقلب حياتي نكد وضرب لين يحصل اللي يبغاه
قبل ثلاث سنوات اتصل فيني وانا عند اهلي وطلبني احول له الف ريال كنت وقتها بامس الحاجة للفلوس ورفضت كلمة مني وكلمة منه وبالاخير قال لي أنت طالق أنا هنا سكرت مدري وش صار فيني وما قلت لاهلي ومن بكره هو دق على ابوي وهو خايف وقال له عن الطلاق وان يبي يراجع ثبت الطلقه في المحكمة كطلقة أولى وكان علقني بكذا طلاق وحكيت المشكلة للوالد وقال نعرضها عل ساحة المفتي أبوي مرة استاء منه بعدها صار بيننا مكالمات ووضح لنا الشيخ انه كل الطلقات المقصود بها المنع فمن هذا الباب قلت لاهلي ابرجع لزوجي هنا ابوي ثارت ثايرته ورفض وبالاتفاق مع اخوي الكبير رجعت لزوجي في الليل وهربت معه وصارت مشاكل مالها اول ولا اخر في بيت اهلي تضررو فيها امي واخوي الكبير وخواتي من قبل ابوي واخواني الثانيين
رحت معاه لمدة ست شهور اول مارحت معاه طلبني فلوس للايجار مع انه اخوي كان متفق معاه انه يتحمل مسؤليتي ولا يطلب مني شي كان ياملني حلووو في البداية لين جينا لاهله يتغير شوي شوي
ومشت امور حياتي معاه اذا رحت معاه في مدينته تكون اخلاقه عسل وان جيت في مدينتي مشاكل ومشاخنات وضرب بشدة من دون رحمة طبعا لايفوتكم ان اغلب الضغوط اللي تجيه من اهله ومشاكلهم هم السبب في اللي وصلنا له حسبي الله ونعم الوكيل
الجانب الثاني : زوجي من البداية خلى الطلا ق وسيلة يأدبني فيها ومايقبل النقاش ابدد تخيلوا اي مشكلة ولو بسيطة اانا باطلقك ولا علي الطلاق ولا اذا سويتي كذا فانتي طالق حتى احيانا يجيني من اهله وصاير بينهم مشكله وكان يقول لي يا أنت الضحية ولا هم يقصد اهله واحد منكم باأطلعه من حياتي
الجانب الثالث : مشكلتنا الأخيرة استمر العذاب والتضيييق والحلف بالطلاق والضرب وضغوط البيت اللي يبنى وضغوط اهله واصرار امه ان يعجل في البيت وقلة يده شوشت علاقتنا كثييير انسانه انانية مافكرت فيني ولا لحظة كل همها بناتها وبس وولدها الثاني اللي حصل ضربني كالعادة وبعنف كنت اطلبه يوديني موعد لي وكان رافض وتناقشنا لين وصل الامر للضرب والاهانة وتالمت كثير وترجيته ولا رحمني وطلع لعند اهله لانه كل وقته عندهم مايجيني الا وقت النوم
وزي كل مرة وداني عند اهلي وانا ماكلمته كنت زعلانه وابيه يعترف بغلطه وبعد اسبوع اهلي يبغون يعتمرون ورحت معاهم بعد مارسلتله رسالة اني بروح هنا جن ورفض رفض يتفاهم معي وكلم ابوي وخانق عنده ابوي قال لاتروحين وانا قلت ماعلي فيه بروح هي كلها يومين وراجعه كلم اخواني وتلفظ عليهم وراح لاهلي من بكره أبوي وامي كانو بالبيت وخانقهم من دون احترام وقالهم اذا ماجت يوم الجمعه الساعة ثمان فهي طالق بالثلاثوارسل لي اذا ماجبتي ذفتر العائلة لاهلي فانت طالق طبعا ماتم شي من مراده واللحين يقول انه مكلم مشايخ وقالو له لم يقع الطلاق

الجانب الاخير والمر : اني احبه حب مو طبيعي وقاعدة ابكي ليلي ونهار أتمنى بعض أيامنا ترجع كان بيننا ايام حلوة وعشرة وحب وهو بعد يحبنيموووت بس مشكلته عصبي ومتهور ويتبع كلام اهله حسبي الله عليهم
اللي فهمت من كلامه انه الشيخ قايل لكم رجعه بس المشكله كل اهلي يقولون مستحيل ترجعين له حتى اخوي الكبير رافض فكرة الرجوع وتوترت بينه وبين اهلي كثير وهو مازال يرسل لي يبيني ارجع وانا ما ارد عليه
ملحوظة أهلي مستحيل يخضعون مرررة


وش الحل أنا اطاوع قلبي ولا اطاوعه ولا أطاوع اهلي والله اني محتارة مدري وش اسوي لاتقولوا لي دخلي اطراف ثانيه لانه اعرف اهلي مستحيل يقتنعوا
اللحين يرسل لي كثيررسايل يطالبني بالتفاهم بعيد عن اهلي واني اروح معه واصحح الطلاق عند الشيخ واهلي رافضينه تماما وما فيه نقاش وابوي اذا اتصل عليه يقوله البنت ماتبيك عطنا ورقتنا
اخاف ارجع معاه من دون رضا اهلي ويرجع لتصرفاته القديمة ذاك الوقت من بيوقف معي وكيف اببعيش من دون اهل يحبوني ويحترموني ويخافون علي
ارفعوا ولو بدعوة
145
18K

يلزم عليك تسجيل الدخول أولًا لكتابة تعليق.

تسجيل دخول

بانتظار حلمي
بانتظار حلمي •
يا اختي يعني انتي رجعتي بعد ماطلقك اول مرة وماتحسن معاك انا انصحك انك تسمعي كلام اهلك اكيد انهم يريدون مصلحتك وان شاء الله ربي بعوضك برجل احسن منه احسن من عيشة العذاب
بانه مسلمه
بانه مسلمه •
ربنا يفرج همك وغمك عليك بالاستخاره
دلوعة خاله
دلوعة خاله •
حسبي الله ونعم الوكيل
الله يهديه ياااارب مدري صراحه مشكلتك تبيلها استشارررة

على العموم اذا ارسلك قولي مابيننا كلام تفاهم مع اهلي وخلي اهلك يشرطو عليه
انو يحافظ عليك ويصرف عليك النفقه حق شرعيا لو كنتي موظفه لازم يصرف عليك
والله يهديه ياااارب ويصلح مابينكم وانتي لاتسوين شي بدون راي اهلك افرضي رجع لسوابقه حزتها اهلك مو معك من بوقف معاك

واخيرا استخيررررررري ماتدرين وين الخيرة
باسورد وجودي
باسورد وجودي •
خليك معك اهلك هذا الانسان ابد ماله امان الماضي اللي عشتيه معه ماضي اسود

اهلك هم سندك وخايفين عليك
مطبخ الملحق
مطبخ الملحق •
الله يفرج همك يارب
اولاً عليك بالدعاء وصلاة الاستخاره قبل اي شي
بس بقول لك كلمه اهلك مابدالهم اهل لكن هو بداله مليون رجال
وبعدين اي حب تتكلمين عنه
اللي يحب مايهين ولا يضرب
اللي يحبني يحترم اهلي وامي وابوي
اللي يحب مايرخص زوجته بكل سهوله وكل ماسوت شي قال طالق
اذا هو يحبك وكل ساعه رامي عليك الطلاق وضاربك وهاينك وهاين اهلك اجل لو يكرهك وش سوا !!!
فكري بعقل وبمنطق شوي
وبعدين ماذكرتي كيف علاقته عن ربه
ما ابي اكون قاسيه عليك لكن انتي بالنسبه له الدجاجه اللي تبيض ذهب واذا ماباضت الذهب فلازم تتأدب