تجربتي المريره مع اطفال الانابيب شوفو وش صار معي

بسم الله الرحمن الرحيم

السلام عليكم ورحمة الله وبركاته

وش اخباركم بنات سويت عملية اطفال الانابيب للمره الثالثه واليوم لي 9 ايام من ترجيع الاجنه بعد ماشفت العذاب وماني حاسه باي اعراض للحمل بس الحمد لله على كل حال يارب لك الحمد والمنه

طبعا سويت العمليتين الاوليات عند الدكتور الصباغ وكنت المره الثالثه هذي ابي اسويها عنده ولكن بعد ما كلمته قال انه معه اجازه وقلت استغل الاجاز قبل ماتبداء المدرسه واروح للدكتور ثاني وان مدحت لي الدكتوره لمياء في دله

وكلمت الدكتوره لمياء واخذت معاها موعد الي هو ثاني يوم الدوره واتكلت على ربي ورحت لها واعطتني منشطات 3ابر صباحا و3ابر مساء مع الابر الي تحت الجلد مساء وحددت لي يوم اجيها تشوف التبويض ورحت لها تقريبا بعد اسبوع من اخذ الابر المنشطه وسوت لي الاشعه دكتوره اسمها صبا شكلها باكستانيه او هنديه
ولقت البويضات لسى صغيره واعطتني ابر زياده لمدة يومين استخدمها

ويوم الاثنين قالت تعالي نسوي لك الاشعه ورحت يوم الاثنين وسوت الدكتوره لمياء الاشعه واعطتني الابره التفجيريه وابره المثبته الي تحت الجلد وقالت تعالي يوم الاربعاء نسوي سحب للبويضات ورحت يوم الاربعاء وسوو سحب بعد ماصحيت من البنج تعالو شوفو حالتي يرثاء لها من الالم ماغص شديد بالمره بالرغم من العمليتين السابقات ما احس باي شيء طبيعي

وجلست اصيح لاشعوريا من الالم وحسيت بالممرضات اعطوني ابرة مسكنه ورجعوني للغرفه والا الام مستمر ماغص شديد وكنت احسبه من الرحم واعطوني الممرضات كذلك ابره مسكنه وادويه وبعدين حسيت ان حاتي هدن وقمت لدورة المياه

ونزل من دم قطع طوليه حسيت بخوف بس قلت لا لاني قريت ممكن يصير نزيف بسيط ويروح

حسيت ان حالي هدت وقلت لزوجي ورفيق عمري خلص بطلع اروح للبيت لان نفسيتي كانت دمار وبعد كان لسى مفعول الابره مهديني ورحت للبيت
وياليتني ماطلعت من المستشفى بالبيت بداء مفعول البره المسكنه يروح وبداء الالم يزيد وحسيت اني ما اقدر اتبول وانتو بكرامه كل ماروح ينزل البول على شكل نقط دم وينزل معه قطع دم جامد وحسيت انهم مسوين عندي بالمثانه شيء


وطول اليوم واليل مانمت ولا اقدر انام او حت استرخي وطول الوقت امشي اوجالسه
ولما صار الصبح على طول كلمت الدكتورة وقالت عندك التهاب بالمثانه بسرعه روحي للطوارى ء ورحت لمستشفى دله وكلمتهم الدكتوره سئل زوجي الدكتوره الي بالطوارىء وش السبب قالت يمكن الادوات الي استخدموها ماهي معقمه
(وبعدين ردت قالت احنا كل ادواتنا معقمه)

وبداء الالم يزيد ولا اقدر اجلس وطلبو من تحليل ما اقدر اتبول نهائيا وجابو لي مويه علبه كبيره قالو لازم تشربينها شربتها وتخيلو باليالله طلعت لهم نقط وسوو تحليل لي ولما شافو قطع الدم زاد الاهتمام بي وخافو وطول اليوم مضيته وانا واقفه ما اقدر اجلس وابكي من شدة الالم

وبديت اخذ ابر مضاد حيوي وادويه ثانيه حقت الالتهاب عشان يروح طبعا هذا كله كان يوم الخميس وبعد ماهدت حالتي طبعا الساعه 12 مساء صرت ما اقدر اجلس خمس دقايق على بعضها لازم اروح لدوره المياه وانتو بكرم (يارب ان ما احد يجرب الي جربت من المسلمين)

طبعا جت الدكتوره صبا وقلت لها تاجل يوم ترجيع الجنه غير يوم السبت عشان استرد عافيتي وجلست اشرح لهاالوضع اني ما اقدر اخلس 5 دقايق الا وانا رايحه للحمام وقالت لا لازم يوم السبت

طلعت من المستشفى الجمعه ورجعت السبت ورجعو لي من الاجنه 3 طبعا الي رجعت لي الاجنه ماهي لمياء صبا ليش ما ادري
لما صحيت من البنج ماني قادره استحمل من الحصر الي حاسه فيه انا وكنت ابي اروح للحمام باي طريقه لانهم شكلهم خافو ما فضو المثانه ما قدرت اصبر ساعه
على بعضها

طلعت ثاني يوم من ترجيع الاجنه واليوم لي9 ايام زي ماقلت لكم مادري ليش حاسه ان العمليه مانجحت
كل هذا محد درابه الا انا وزوجي
احس باعراض الدوره طبعا تقلصات الرحم من تحت بالمره ومقدمات الدوره وما احس بالم بصدري ولا غثيان ولااحس بنغزات بس الحمد لله الحمدلله على كل حال لان الله هو الرازق والواهب
بنات دعواتكم لي ان الله يرزقني ويقر عيني ان وزوجي لان والله خايفه ان اهله يزوجونه
وبالله عليكم الي تقوم لصلاة اليل تدعيلي ان الله يرزقني عاجلا غير اجل