السعودية - الدمام
ايجار اندنوسيه
للايجار اندنوسيه 10ايام للتواصل الاتصال للجاد
              

السعودية - الدمام
ايجار اندنوسيه
للايجار اندنوسيه 10ايام للتواصل الاتصال للجاد
 
 
أدوات الموضوع انواع عرض الموضوع
قديم 10-05-1433 هـ, 02:29 مساءً   #1
مخفى للسرية
عضوة
 
تاريخ التسجيل: 28-12-1431 هـ
المشاركات: 0


تكرر الحلم بالعقارب ,, ارجو من يرد يكون له خبره بالامراض الروحيه

السلام عليكم ورحمة الله وبركاته

متزوجه,, ام لطفله عمرها سنتين ,, متخرجه وما توظفت ,, لدي احلام كثيره فسرت بظرورة الرقيه الشرعيه
<?XML:NAMESPACE PREFIX = O /><O:p></O:p>
واغلبها بحشرااات مثل الصراصير,, النمل,, العناكب ,,العقارب هذي ثاني مره يتكرر علي<O:p></O:p>
وكم مره حلمت بالجن بسم الله اتصارع معهم او يلحقون وراي ويرمون علي اشيا وانا اتخبااا منهم
<O:p></O:p>
وحلمي هذا حلمت فيه العصر وقت اقامة الصلاه نمت وكنت على طهاره وذكر وصحيت بعد الصلاه مباشره مفزوووعه من الحلم
<O:p></O:p>
حلمت اني كنت طالعه البر انا وامي و اخواتي الثلاث وبنتي واثنين من اخواني ,, واحد من اخواني حاليا يشتغل خارج المملكه ,, وكنا جالسين بالخيمه وجا اخوي من برى الخيمه وقال انتبهوو ترى برى فيه عقررب ,, ودخل وجلس ولما جت امي بتطلع مع الباب شافتها واقفه عند الباب وكان لونها اصفر ولها رجوول كثيييره وعليها زغب وكانت كبيره نوعا ما<O:p></O:p>
رجعت امي وقالت لاخوي الكبيير (محمد) قوم اقتلها تراها عند الباب ,, قام اخوي وفاجاه دخلت بسرررعه وصاارت كبيرره حييل بحجم حمامه تقريبا ولها راااس وعينين وشكلها مخيييف وتلاحقناا واحنا نروح يمين تجينا نروح يساار تجينا ,, والخيمه لها بابين هي دخلت مع الباب الاول واحنا كلنا طلعنا مع الباب الثاني وكانت علينا عباياتنا
<O:p></O:p>
ولما طلعنا والا برى رمل كثير وفي على الرمل شي غرريب اسود ومكوم بحجم قبضة اليد والرمل مليااان منه وطلعت ورانا العقرب الكبيره تلحقنا ومعها عقربتين ثانيااات وحده لونها احمرر وكبيره لكنها اصغر من حجم الاولى ولها رجوول كثيره والثانيه لونها اصفر وعليها زغب وزي حجم الحمرا
<O:p></O:p>
والعقرب الحمرا كانت جالسه عند الباب الثاني اللي طلعنا منه ويلاااحقنوونا نروح كل جهه محاصرين فيهم واحنا خايفين حييل وانا كنت رجولي بصعووبه احركها في الرمل<O:p></O:p>
وبعدها قدرنا نبعد عنهم ورحنا انا وامي (حنان) واختي (سميه) وتركنا اخواتي الصغار ( شيخه وبدور ) ومعهم بنتي ( الجوهره ) وبعد فتره جوو خواتي يبكوون يقولون العقرب رجعت لنا وكانت شوي وتعضنا !! قلت لهم وبنتي ووووينهااا !!! قالو هربنا ولا قدرنا ناخذهااا
<O:p></O:p>
وانا اروووح اررررركض ادوور بنتي ولقيتها طايحه عند باب الخيمه الثاني وقرصتها عقربين على رجولها الثنتين وشفت الحمرا على رجلها اليمنى والعقرب الثالثه تمشي عليها واجي اشييلها بقوووه واصرررخ من خوفي عليها لا تموت لكن صوت صراخي كان مره ضعيييف ولاني قادره اطلعه
<O:p></O:p>
واخر الحلم كاني رحت لابوي كان جالس بصالة بيتنا ومعه رجال وحريم كثار ما عرفهم واصيييح عنده بحررقه ودموعي تنزل واقوله وش صار مع بنتي وقالي ما راح تموت بنتك بس بيتغير لونها بعد يومين بتصير سمرا تالي زرقا !!
<O:p></O:p>
الحين انا ودي اسال كم سؤال : 1- ودي تحددون لي وش نوع العارض اللي فيني ؟؟ حسد او عين او مس ؟؟ مني عارفه<O:p></O:p>
علما باني اذا قريت على نفسي او سمعت البقره او رددت حسبي الله ونعم الوكيل تجيني اعراض وهي :<O:p></O:p>
تنمل والم في كل جهة جسمي اليسار وخاااصه يدي اليسار اكثر شي واصبع السبابه من يدي اليسار ,, ورجولي الثنتين الم ,, ونببض في كل جسمي ,, وصداع براسي والم ,, واحس رحمي يصير ثقييييل ,, وغااازاااات فضيعه واتقر كثير واتثاوب ويجيني نووم وخمووول
<O:p></O:p>
2- انا مره حلمت بعقارب كثييره سوده متجمعه وسمعت تفسير للعقارب انها اذى من اهل البيت , وكان بذاك الوقت شقتي فيها جن وشياطين اشوفهم يتمثلون بزوجي واحيان اشوف خيالهم بعدين صرت احط سورة البقره واختفووو ولا عاد صرت اشوف احلام ,, فهل هذا الحلم يدل على اذى من اهل البيت ؟؟ الخادمه مثلا ؟؟ هي زينه لكن ما ندري وش تحت راسها ولا نحتك فيها ,,لكن انا احيان اخاف على بنتي منها<O:p></O:p>

اااسفه على الاطااله لكن اعذرووني ودي اعرف اكثر عن حالتي من ناس خبررره

وتحياتي لكم


مخفى للسرية غير متواجد حالياً إرسال الموضوع إلى الفيس بوك إرسال الموضوع إلى تويتر




13-05-1433 هـ, 03:23 مساءً
#2
شقتك فيها جن وشياطين ..؟؟
كيف وضحي ..؟؟
وبنتك كيف حالتها الصحيه وهل تشتكي من اي اعراض مثلك ..؟؟


توقيع








حلم الحياه&هند غير متواجد حالياً  



15-05-1433 هـ, 12:44 صباحاً
#3
اهلين اختي

هذي شقتي السابقه سكنت فيها بالخارج لمدة اربع شهور فقط بسبب ظروف عمل زوجي وبعدين رجعنا الرياض وتركناها
وحصلت اذى فيها ,, كنت طول الوقت فيني شعور خوووف مو طبيعي من كل شي اخاف وما ادري وش السبب شعور مقدر اقاومه وبنتي كانت بس تصيح وما تهدا ابدا ,, وغير احلام مزززعجه بالليل منها العقارب والعناكب وقطط سود وحيوانات غريبه
بعدين شفتهم يتمثلون بزوجي او احيان يخطفون بسرعه قدامي ,, وقتها عرفت ان الاذى منهم مع ان كان في سعوديين ساكنين قبلي في الشقه وصرت احط سورة البقره يوميا وبعد خمس ايام حمد لله هدت نفسيتي تماااماا ونفسية بنتي بعد وما صرت اشوفهم ولا صرت اخاف ولا اشوف احلام مزعجه

مع العلم اني قبل اروح للخارج كنت اشوف احلام مزعجه وحشرات واحلم بالشياطين لكن ما وصلت درجة العقارب

اما الان رجعت السعوديه وتكرر حلمي بالعقارب ولا ادري وش السبب !! هل ممكن يكون اذى من الخدامه؟؟ او من سبب ثاني ما ادري

وبنتي مافيها شي حمد لله سليمه ,, بس احيان تبكي ولا ادري وش السبب!!واحيان بالليل تصحى تبكي واسمي عليها ,, لكن اشوف هالحاله طبيعيه كل الاطفال يصيحون من دون اسباب ولا قلقت من هالشي,, مع العلم احيان بنتي حاليا هنا في السعوديه احس انها تشوف اشيا ما اشوفها تهرب من زاويه او مكان معين فجاه وتبكي وتخبي وجهها فيني!! كانها ما تبي تشوف شي يلحقها ,, وانا اناظر بنفس المكان مالاقي شي !! لكن هي هروبها وخوفها كانها مثل شافت شي خوفها بزاويه معينه من البيت او غرفه معينه وهالحاله كثير تصير معها مدري طبيعي والا لا

ياليت تعلميني وش اللي يصير معي انا وبنتي اذا عندك خبره جزااك ربي بالجنه ومن تحبيين


مخفى للسرية غير متواجد حالياً  



16-05-1433 هـ, 10:47 مساءً
#4
اختي احلامك كلها واعراضك تدل على حاجتك للرقيا
انتي وبنتك
روحي لشيخ ثقه او انتي ارقي نفسك بنفسك افضل شئ
ضررك من جهة اقارب
اما هوا عين او سحر والله اعلم
وهو لكم جميعا
يعني ليس خاص فيك وببنتك لكن ايضا باهلك امك واخوانك وخواتك
فانصحيهم جميعا بالرقيا
ما ذكرتيه في بيتك علاجه بتحصين البيت ورشه بالماء المرقي والملح الخشن وانتي تقولين ان احلامك من قبل سفرك فلا علاقه للبيت بما اصابك بل هوا شئ خاص فيكي ومن قبل البيت
وبالرقيا باذن الله ستزول اعراضك وتتحسن نفسيتك
لكن يجب عليكي الاستمرار
والله اعلم


حلم الحياه&هند غير متواجد حالياً  



 

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

المواضيع المشابهة (العرض التجريبي)
الموضوع كاتب الموضوع المنتدى مشاركات آخر مشاركة
تفسير احلام الحوامل وتبشيرات الحمل (مع اختكم بوبا القطه )2 بوبا القطه قسم الحمل والأمومة 2029 27-03-1433 هـ 06:01 مساءً
حلمت بخالة زوجي المتوفيا ارجو تفسير الحلم الله يحفظكم مخفي للسرية الرؤى والاحلام المفسرة 3 05-02-1433 هـ 12:14 صباحاً


الساعة الآن 03:14 .