مرحبا يا احلاااا من الحلاااا
صبحكم ومساكم فرح وسعادة
موضوعي واضح من عنوانة
يقولك
أضحك
فرزقك مقسوم
وقدرك محسوم
واحوال الدنيا لا تستحق الهموم
لانها لا تدوم
اضحك ووسع صدرك يعني احنا وش ماخذين من الدنيا
تعالوا وشوفوا الضحك شسوي للأنسان ؟
*الضحك يفيد الجسم والعقل
*يحقق السعادة والسلام النفسي
* يجعلك تبدو أكثر شباباً خخخخ ما عمرى سمعت واحد ضحك وقصر عمرة
*يقلل من الشخير لأنه يساعد على عدم ارتخاء عضلات الحنجرة هههه عرفتوا الزبدة من الضحك
*تتلألأ عينيك عندما تضحك وتصبح أكثر وسامة >>> وناسة ما ببطل ضحك
*يقوي عضلات البطن >>> اجل راحت الكرشة خخخخ
*يجعلك تندم علي ما فات من عمرك وأنت جاد
أضحك
أضحك
وانسى الهم ينسااااك
و لقيت هالصور المضحكة قلت ليه ما انقلها لحبايبي يفرفشوا معاي
أخليكم
أرجو عدم الرد
يحبها وتحبه
تغني له ربع ساعة
يغني لها ربع ساعة
فجأة كل الذين حولهم يبدأون بالرقص.. وتظهر أصوات االدف لا أدري
من أين
وهم
في الجبل
ابو البنت يغضب من بنته التي أحبت ذلك الشخص الفقير ، ثم يقوم
يحبسها
يأتي حبيبها إلى نافذتها ويغني لها ربع ساعة ، تغني له ربع ساعة
وفجأة يبدأ الحراس وأبو البنت بالرقص
تأتي صديقة البنت لتزورها في غرفتها
... وتسألها عن حبيبها
البنت تغني ربع ساعة ورفيقتها تغني ربع ساعة
يسمع الأب ابنته وهي تغني فيرحمها ويعفو عنها
يتجه الأب لبيت حبيبها ويطلب منه يزور بنته ويوافق على زواجهم
يهرول الحبيب فرحان إلى حبيبته ويغني لها ربع ساعة تغني له ربع ساعة
وبيدا خدم البيت بالرقص
ويعود ابن العم من الغربة
ولم يعجبة الوضع
فقام بقتل حبيب الفتاة تصيح الحبيبة على قبر حبيبها
ثم تغني بحزن ربع ساعة ثم تموت ...لم ينتة المشهد هنا
روح الحبيبة وروح الحبيب تجتمعان وتغنيان ساعة وربع
خخخخخخ
صبر صبر وين على الله توها احلوت القعدة
اضغطي هنا لمشاهدة الصورة بحجمها الأصلي
موقفي الاول ...
حصل معاى اهنى بالمنتدا وبالذات
بقسم الترفيهية كنت اتصفح وارد على مواضيع البنات المهم كانت
بجني مجلة وقريت عنوان فيها عن فستان وقمت رحت اسوي شغلة بالبيت
ورجعت مسكت لاب واكمل تصفح دخلت على موضوع ورديت
عليها وين الصورة الفستان مو طالعة وشكرت وطلعت من الموضوع
وراها بشويات انتبة على المجلة اللى جنبي امبيييييييييييييييية
ولة انا رابطة موضوع البنت بموضوع المجلة
كانت كتابة شئ وانا رديت عليها بشئ ثاني
ورجعت اشوف رد العضوة علي وكاتبة دلال اى
صورة تقصدين خخخخخخخخ اثاري الصورة بالمجلة وانا على بالي
انة بموضوعها خخخخخ وبس وزين لحقت اعدل
-----
والحين اخليكم مع مواقف المشرفات المضحكة
----
المشرفة بوادي امريكا
تقول ... بداية اشرافي كان موجودة مشرفه (ام دحومي الحلو) وكانت جزاها الله خير يلي تدخل يوميا اكثر من مره تدربني ..
وباقي المشرفات باجازه ..وفهمتني بعض مهام الاشراف ..وقمت بسوي فيها مساعده ممتازه ..ودمجت لها موضوع ..وعفست ام الدنيا ..وتوها مرقعه وراي دمج موضوع ..
ومرتبته ..فخجلت (مالي عين اوريها وجهي )..وقلت ما بقول خليها تشوفه لوحدها ..
دوبني خربطت الدنيا الا هي في وجهي ..قلت خلاص بنضرب المره مافي مجال ..
والعضوات قاموا يصيحون من عندهم وين خفيتيوا بيتنا ...فديت قلبها و صدرها الواسع
صلحت كل شي هي و الغاليه شام ..ورجع الامن و الامان للقسم
وبعدها صرت اكثر حرص اني ادقق بعملي قبل لا اخرب الدنيا واطير مواضيع و تجمعات من مكانها ..هههههه
بعدها جت مشرفه جديده..وعملت نفس يلي عملته ..وربي مت من الضحك ..ولو تشوفوا الخوف و شعور الذنب >>>..>> ينقال ما قد سويت عملتها في السابق
----
المشرفة أم الجديل
تقول ...
اتذكر احدى العضوات ارسلت لي على الخاص تشتكي
وتقول ان العضوه اخذت كل الوقت وليس لنا مجال ان نضع رؤانا كيف تسمحون لها!!! انا لم املك نفسي
من الضحك وحتى الان كل ما اتذكرها اضحك
----
المشرالمسافرة
تقول..
موقف ظريف دايم أذكره وكان بسبة عالم حواء
مرة كنت جالسة مشتغلة بالمنتدى وعندي وقتها طفلين صغار..
وانشغلت عنهم ذاك الوقت وشوي والا يجيني ولدي يقولي ماي
ف الغرفة.. ركضت لغرفتهم وانصدمت من اللي شفته
أتاريهم فاتحين حنفية الماي في الحمام وطافح من الحمام وداخل لنص
الغرفة..لو مالحقت عليهم والا كان غرقت كلها..
ومرة ثانية سووها بغرفتي
يعني مرتين صارتلي هالسالفة والسبة عالم حواء هههههههههه
ومنها قمت ألاحقهم اذا اختفوا عني .. أدري مسوين مصيبة!!
-----
المشرفة انوار الليالي
تقول ...
اول ماسجلت بعالم حوا ماكان احد يدري الا أمي
ومرة كنت مسجلة دخول ونسيت اخرج من المنتدى
وتجي عمتي وتشوف انوار البالي و أنا برقعع لها
بس تورطت وقلتها وقعدت أضحكك لين قلت بس من
ترقيعي لها
----
المشرفة فرناز
تقولة ...
كنت اراجع عند طبيبة , وكانت دائما عندها زحمة
طبعا عرفتها عن طريق البحث هنا بعالم حواء ..
المهم ومرة من المرات كان عليها زحمة شديدة وفي واحد من المراجعين(زوجته المريضة )
معصب مرررررررررررة ويقول كلة من منتدى الفراشة , ماكأن في طبيبة غيرها !!!!
قرب زوجي منه وقال ولا تنسى عالم حواء بعد !!
انا جاي عن طريقهم
ضحك الرجال ونسي الزعل ,
وكان في واحد ثاني قال : انا جاي من ينبع وكله بسبب المنتديات هههههه
----
والحين اخليكم مع مواقف عضوات حواء المميزااات
----
العضوة المميزة فى غربتي
تقول
ببداية مشاركتي في المنتدى ..كنت فاهمته خطاء ..!!
نسخ ولصق وسرقه ههههه
أدور مواضيع ترفيهيه وانقلها لمنتدانا ..وكل مره أدور موضوعي الأقيه في المكرر
وأعصب وأصير فحمه مشتعله لدرجه أبي أمسك المشرفات الي ينقلونه و
وأسجل خروج واقول لنفسي خروج بلا عوده هم ومنتداهم >>هههههههه والله هم الي يبون الفكه من هالعضوات
أصحى ثاني يوم وكلي شوووق للمشاركه في المنتدى..ونفس التجربه >>ماتعرف للمنتديات
..
موقف ثاني ..البعض في بدايتي بداية دخولي ..يسميني الأخت في غرفتي !! ههههههه
أعصب وانقهر ونفسي اطب بحضنها وازنطها ..
اما في غرفتي .!؟
.؟!!!
موقف ثالث..وهذا أحراااج ههههههههههه
كنت افكر ان المشاركه في الموضوع شات وسوالف..يعني اروح وأرجع اكتب فيه والمصيبه مو موضوعي كااااكككككككك..
تلاقيني قاعده فيه 5_6 ساعات استنى احد يرد لصاحبة الموضوع عشان أرد عليها
هههههههههههههههه
..
غمضو عيونكم من اخطائي ماكنت أعرف للمنتدى الا للقراءه وسجلت في الفتره الاخيره من سفري للخارج للمشاركه معكم والأستفاده منكم ..
جزاكم الله الف خير ..والعذر منكم ان أخطائنا..أو قصرنا بحقه ..
----
العضوة المميزة نفس مطمئنة
تقول ... اذكر بدياتي يعني بعد ماسجلت بفتره كنت مجتهده بالمواضيع فاحتجت
مره شي من مشرفة قسم المجلس العام
ومن ضمن الكلام عبالي اتكلم بذوق قلت للمشرفه بطلبي
اعتبرني مثل بنتك خخخخ
اول مانسجل نظرتنا تختلف عبالنا المشرفات كبار هههههههه
ياقلبي عليها قالتلي هيه ترى عمري كذا
طلعت اكبر منها ههههههه قلت مافي فرق واجد وهذا
من باب الاحترام >> يقالي ارقع
عاد عرفت ان المشرفات مو شرط يكونون كبار بالعمر
.....
موقف ثاني
مره كنت منزله موضوع واحد الردود تقول
زوجك ومدري ايش رشوه وواسطه وانه غلطان
والله اني رجعت للموضوع اقراه اكثر من مره وش دخل زوجي
اصلا ما اتكلم عن خصوصياتي
بس قاعده ادور خيط اربطه بردها مالقيت
والله قعدت اضحك من قلب على الرد ... وتوقعت انها فاتحه
صفحتين وشقلبت الردود خخخخ
كان ردها في الصفحات الأولى وفي بنات علقوا
على ردها وردي عليها >> مايصدقون يلقون سالفه هههه
----
العضوة المميزة ديالا 1
تقول
اذكر خالتي يوم كانت عندنا نفاس هههههه كنت اسولف عليهاااااااا من القصص اللي في حواء المهم ذاك اليوم دخلت
قسم ملاذ الروح الله يشافي الجميع وطاحت عيني على
موضوع القرينه وام الصبيان واقرا لخالتي القصص اللي فيه يوم
خلصت قلت خلاص بروح لغرفتي خخخخ قالت خالتي خلاص
بعد انا ابي انام وكانت الساعه يمكن 12 باليل المهم يوم اصبجنا
على خير هههههههه قالت خالتي الله يصلحك لا عاد تقرين
علي من هالقصص انتي وحواء عيشتوني برعب هههههههه قالت غفت عيني وحسيت الجدار فيه فتحه و طلعت وحده قالت انا ام صبيان
وباخذ ولدك تقول واقوم مفزوعه ههههههههههههههههههه وتعوذ
من ابليس واقول بنفسي اوريك يا فلانه انتي ومواضيعك خخخخخ
لاعاد تقرين علي شئ من حواء هههههههههه عاد انا من يومها ما صرت احب ههههههه افرفر في هالمواضيع
-----
العضوة المميزة أنامل ناعمة
تقول
قبل مااسجل بعالم حواء كان لي اخت داايم تشارك بمواضيع ودايم تتكلم عن عالم حواء
بس ماكنت اهتم اني اعرف من تكون لاني ماكنت مسجله بالمنتدى
في يوم سجلت وبعدها بكم شهر اتفرج على موضوع وفجأه شفت ضيافتها في مره كانت عازمتنا عالعشا
وبعدين شفتها وقلت لها انتي ---- فقالت كيف عرفتي فقلت لها شفت موضوع لك فضحكت وقالت ايه انا
وطبعا سالتني عن النك نيم تبعي وخبرتها
في مره وحده من خواتي دقت علي تضحك تقولي
دقت عليها صديقتها قالت لها الحقي حفلتك تخرجك سارقه صورها وحده
وحاطتها بعالم حواء وكانت مره متحمسه ومقهوره
فضحكت اختي وقالت لها هذي اختي فلانه
طبعا الان اهلي اذا رحنا لاي مكان او سوينا شي ينشبون
لي يالله صوري لعالم حواء وانا اللي صرت اقول لا مابي
عكس قبل كانو يتطنزون علي ويضحكون
----
والى هنا نختم جلستنا معاكم
ومع اضحك ومواقف عالم حواء الظريفة
أتنمى لكم أطيب الاوقات
مع السلامة
وتصبحون على خير
اضغطي هنا لمشاهدة الصورة بحجمها الأصلي
(انتظرونا مع الجزء الثاني من مواقف حوائية )