يسعد ايامكم جميعا ...
بصراحه احب ادخل بالموضوع على طول >>> ماتعرف للمقدمات .... هذا موضوع لي بمنتدى اخر وحبيت انقله هنا للفائده ويارب اقدر اساعدكم ولو بالقليل ....
زي ما انتو عارفين الحامل من اول ماتحلل وتطلع النتيجه ايجابيه وانو فيه بيبي تبدا التغيرات واعراض الحمل وتمدد البشره واسمرار بعض الاماكن وشحوب البشره ووووووو....الخ
الله يعين كل حامل ويعوضها خير ويكتب لها الاجر ....من جد الام تتعب
وبعد هالتعب كله تجيب هالبيبي وتبدا وهي لسه نفاس تحوفر بروحها وتحاول تصلح ما افسده الحمل....
عشان كذا حبيت افتح هالموضوع واشاركم بتجاربي ووالله العظيم ماكتبته الا ابي الفايده لكم جميع
انا الحمدلله عندي 3 اطفال ومع كذا ماشاء الله تبارك الله اللي يشوفني مايصدق اني ام ويشهد الله ان مافي جسمي او شكلي شي يدل على الحمل الا خط ابيض صغير طالع بفخذي بحملي الاول والسبب بعد الله الاهتمام وقت الحمل
ادري نكون تعبنات ومالنا حيل نتنفس حتى بس اللي تبي الزين لازم تتحمل
بدايةً راح اتكلم عن الوحم وطرق بسيطه يمكن تريحنا شويات بالاشهر الاولى ... وبعدها بتكلم عن افضل الطرق والخلطات للحفاظ على البشره والجسم والشعر اثناء اشهر الحمل التسعه وخطوه خطوه مع بعض راح نوصل لافضل النتايج ونحافظ على اشكالنا ونكون اجمل حوامل
اولا : العلكه وبنكهات مختلفه عشان لاتملين من نوع محدد تهدي لوعة الكبد شويات
ثانيا : الليمون وما ادراك مالليمون انا استخدمه بعدة طرق وهو معروف انو يساعد الحامل مثلا شرايح ليمون مع كوب الشاي راح تساعدك وتخفف عنك ... كمان قشر الليمون رائحته تخفف على الكثير .....قطرتان ليمون على كوب ماء بارد تشعرك بالاسترخاء
ثالثا: تجنبي جميع عطوراتك ومعطرات الجو وخاصة الثقيل منها واكتفي بالنظافه وبودرة الجسم ومزيل العرق والقليل من اي عطر خفيييف قد تتحملينه ..
اموت على بودرة جونسون وقت الحمل ريحتها محببه
ومزيل عرق التوت البري من نكتار الاصلي ريحته مقبوله ويحافظ على بياض الابط
وانا اعطر دورات المياه (التواليت) وانتو بكرامه بـ ( كلونيا) لانها بالليمون تساعد الحامل على تقبل رايحتها وجربو اللي تتحملها تستخدمها
رابعا :
تجنبي المناظر اللي تلوع كبدك زي قناة فتافيت هالايام مستحيل احطها بموت لو اشوفها
خامسا : الحلاوى بس تجنبي الكاكاو وخذي من انواع المصاص يمممي تخفف كثييييير والله ولاتكثري مانبي زيادة وزن
سادسا :العلاج بالطبيعه والخيال... اكيد بتقولون هبلا بس عن جد هالطريقه تستخدم لعلاج اصعب الامراض فمابالكم بالوحم
مثلا لو حسيتي انو تعبتي كثير وموقادره تتحملين لوعة الكبد كل اللي عليك تغمضي عيونك وترفعي راسك لفوق وتاخذي نفس عميق
بتكوني وقتها زي اللي بالصوره مغمضه وانتي تعبانه وضايق خلقك :44:
والحين اطلقي العنان لخيالك وفكري بالاشياء اللي تشرح صدر اي انسان ...المناظر الطبيعيه الورود الامطار جبال الثلج .......
تخيلي اي منظر طبيعي تحبينه وعيشيه واستنشقي ريحة الورد وحسي برذاذ المطر وبرودة الهوا وجمال الكون صدقيني راح تفتحين عيونك وانتي مبتسمه...
الحين عن اذنكم ولي عوده باذن الله مساءا لاكمل ما بدأناه معا..وراح يكون هالموضوع سلسله من العنايه والاهتمام سواء من الداخل او الخارج ..ابتداءا بالوحم وانتهاءا بالولاده ...
طبعا اصعب اوقات الوحم هي الساعات الاولى بعد الاستيقاظ يكون الغثيان في اشد حالته وعشان نتفادى هالموضوع ونقلل منه من الافضل ان الحامل تضع بجانبها على الكوميدينو بسكوت الزنجبيل واكيد عارفين قيمة الزنجبيل الغذائه والدراسات اثبتت ان للزنجبيل قدره كبيره على تخفيف الغثيان فاقت بعض الادويه المخصصه لذلك
يعني اول شي تسوينه دلوعتي الحامل وانتي لسى بسريرك هو انك تاكلي قطعة بسكويت وياريت ماتشربي معاها اي شي بهاللحظه عشان ماتثيري عصاره المعده...
وبعد ماتحسي انك استرخيتي شويات وارتحتي تروحي وتاخذي شاور بارد سريع وكلنا عارفين فوائد الاستحمام بالماء البارد ومنها تقوية مناعة الجسم لمحاربة الامراض وشد البشره ومنع التجاعيد وتنشيط الغدة الدرقيه وغدة البنكرياس والدوره الدمويه غير انه منعش ويزيد من نشاط الجسم وحيويته بعكس الاستحمام بالماء الدافي
وبعدها يجي دور اختيار الملابس المناسبه لازم تكون ملابسنا مريحه لنا اكيد للحين البطن مو كبير وباين بس برضو لازم تكون ملابسنا مريحة ونتيح مجال للبيبي انه ينمو بطريقه افضل
والاحظ انو بعض الحوامل خصوصا بالاشهر الاولى تهمل حالها بحجة التعب لدرجة تصير كانها مومياء مره تخوف ولبسها هيلق .. وش دخل اللبس بالتعب ... على فكره والله لما يكون مظهر الوحده منا حلو ومرتب ومثير انه يغير من نفسيتها ويخفف من اللي هي فيه ..
وش المانع ان الوحده تكون حامل وحلوة ودلوعه وكيوت وذوق بنفس الوقت ....
واذا كنا بالبيت وماراح نروح لدوام او غيره فلازم ماننسى الشحاطات اللي بتحافظ على نعومة القدمين ودفئها
يتبع بعد قليل