اخيرا مابغيت انزل موضوع ..!!!!!!
كل ماسوويت موضوع ياطار !! او علق او فصل النت
المهم شلونكم عساكم طيبين ....
ياحبيباتي ياحوائيات صار لي علوم وتعبت وخساره مافيكن وحده فقدتني :icon33:
طبعا مريت بتعب في كل انحاء جسمي وظهري ومع عدم النوم والسهر اصابني قلق وكتمه وصداع يعني بمعنى اصح اشياء كثيره يبيلها سمكره ...
رحت للمستشفى وسوويت تحاليل والحمدلله النتائج طيبه وسليمه ...
وبدأت رحلة البحث والتفكير وش اللي فيني .. سبحان الله لي فتره من كم سنه ابي اسووي حجامه وما الله اراد ويوم زاد تعبي قررت ان اجرب الحجامه وبالفعل توكلت على الله وسويت الحجامه قبل شهر ونصف يوم 19 .. الايام اللي الرسول صل الله عليه وسلم بين فضلها ...
طبعا لا تتخيلوون كمية الدم الفاسد اللي طلع وقطع من اللحم ماادري من البرد جمد والا هو يتجلط الدم اذا خرج من جسم الانسان ..
سبحان الله منظر ماقدرت انساه ,, راح تسألون كيف الحجامه تعور والا ماتعور ؟؟؟
طبعا هي جتني الاخصائيه في البيت الحمدلله عادي الالم ولايكاد يذكر .بس كبرت اماكن الحجامه وانصحتني اني ادهنها بعسل وزيت زيتون .. انا ماقدرت الا مرتين بعدين حسيت انه يدبغ الزيت والعسل .. فتركته واستخدمت مرهم طبي اللي هو ابو اسد .. كم يوم وتركته ..
راح تسئلوني كيف آثار الحجامه وشكلها الآن .. اقول خفت بس موجوده على خفيف ...
الحمدلله اللي حسيت فيه بعد الحجامه زال الصداع وزالت الدوخه علما انني كنت قبل الحجامه بيومين اشرب بنجر .. كان معاي تنميل برأسي وزال ولله الحمد ..
بقى الآم الظهر اول اسبوعين خفت الآلام واستبشرت خيرا ..
ثم عادت وبقوه ,,,
ومن هنا بدأت رحلة البحث من جديد من ايش الآم الظهر ... وماكان قدامي الا الشيخ قووقل فدرعمت مسرعه ابحث من هنا وهناك
الى ان قرأت هنا في منتدانا وبعض جيرانا من المنتديات عن نقص فيتامين دال :09:
ومن هنا لاح لي في الافق امل جديد عن المجهول الذي يؤلمني ... وشخصت حالتي بنفسي
جبت المستشفيات ابحث عن تحليل د واستغربت من غالب المستشفيات لا يوجد بها التحليل وبعد برهه من الزمن وجدت مستشفى خاص كبير يوفر التحليل ..
توكلت على الله وسويت التحليل وبعدها بااسبوع طلعت النتيجه اللي كنت متوقعتها ان معي نقص في فيتامين دال ونسبة التحليل 9 ..
اللي قاهرني ماعمر دكتور قالي سووي تحليل ولا لمح لي لا من قريب ولا من بعيد .. ان فيتامين دال ربما يكون هو السبب !!!!
عرضت نفسي على طبيب العظام بعد ماطلع تحليلي واعطيته نسخه من تحليلي ..
شخص حالتي بعد ماطلب مني اشعه ان معي شد عضلي في عضلة الظهر ونقص الفيتامين يسبب بعض الآمي اللي ذكرتها ...
صرف لي فيتامينات وبعض الادويه لظهري وطلب اني اتعرض للشمس .. وقالي ان 10 واقل ضعيف جدا ...
انا لا احكم على العلاج دوبي مالي اسبوع استخدم العلاج
الطامه الكبرى...
انكببت على اللاب توب ابحث وابحث عن مقصوف الرقبه فيتامين دال ووجدت
ان هذا المرض يسمى المرض الصامت ويهدد 90 % من نساء السعوديه ..
طيب وش حضرت الدكاتره اللي مالين المستشفيات ولا يشخصون نقص الفيتامين ..
وراح انقل لكم بعض ما بحثت عنه ووجدته في بعض المواقع
* أعراض نقص فيتامين D :
- آلالام غريبة بالجسسسم .
- آلالام بالمفاصل والعظام والعضلات .
- أحياناً آلالام بالحوض .
- خمووووول .
- غثيان .
- كدمات بالجلد .
- في الحالات الشديدة ضعف بالعضلات .
- اكتئاب .
- التهاب الحلق .
أعراضه تختلف من شخص لآخر يعني مو شرط كل هالأعراض تحسين فيها
في حالات النقص الشديد ممكن يصير تشوه بالحوض ويصير تعسر بالولادة الطبيعية لاقدر الله.
- الحليب ( كوب أو كوبين يومياً ) وكافة منتجات الألبا .
- البيض .
- زيت كبد الحوت ( مصدر مهم جداً ) .
- السمك والتونة .
- الآيس كريم يعادل كوبين حليب ( بس انتبهوا لا تلتهب لوزكم ) .
- السبانخ .
- السمسم .
- الكبده .
- وطبعاً أهم شيء الشمس] .
وابحثوا بقوقل بتطلع لكم مصادر كثيرة جدا لفيتامين د *
{ هالصورة توضح المعدل الطبيعي لفيتامين د }
- أقل من 50 : ناقص ’
- بين 50 و 70 : مثالي أو طبيعي ’
- بين 70 و 100 : يعالج أمراض القلب والسرطان ’
- أعلى من 100 : زيادة أو إفراط في الفيتامين ’