.
السلام عليكم ورحمة الله وبركاته..
من فترة طلبت معلمة بنتي يجيبون منطقة مصغرة.. طبعا اخترت الغابة لأنها أسهل شي والحيوانات الصغيرة متوفرة بكل مكان..
قلت خل أصورها بالمرة يمكن حد يستفيد من الطريقة.. وصورتها بالخطوات المملةةةةةةةةةةةة..
أول شي جبت الكرتون اللي بشتغل فيه..
وطبعت صورة غابة من النت على أوراق A4 والسما بعد.. ويعتمد على قياس الكرتون وكم ورقة يحتاج.. وهذي هي..
وهذي صور الحيوانات والزراعة اللي بحطها بينهم.. طبعا هالأغراض كلها موجود في المكتبات..
مع مسدس الشمع.. والمقص والصمغ السائل.. والفلين للأرضية وورق جلاد لتجليد الكرتون أو الصندوق من الخارج..
.
ألحين بديت الشغل..
أول شي قصيت الطبقة العلوية من الكرتون.. وجلدته بالكامل من الخارج..
وهذا من الداخل طبعا تركته لأني بحطي الورق عليه..
.. يتبع ..
.
هنيه بديت ألصق صور أشجار الغابة من الداخل..
وبعدها لصقت السما بالسقف..
وثبت الفلين على الأرضية حتى تثبت الحيوانات والزراعة عليه..
وآخر شي حطيت الحيوانات وبينهم الزرعات.. شوفوا الأسد يحاول ياكل الحمار لوووووووووووووول
وهذي الغابة من جهة ثانية..
رجول الزرافة وايد ضعيفة وماتثبت فلصقتها على الجدار..
وهذي غابتنا المصغرة.. ان شاءالله عجبتكم..
مرة من المرات عملت حديقة كبيرة لولدي بس وايد حلوة وللأسف ماكنت حاطة ببالي أصورها وفعلا كان فيها شغل كثيييييييييييير ظليت عليها أيام لاكن هالغابة كانت عالسريع وخذت مني ساعتين فقط..
أي استفسار أنا حاضرة.. وتحياتي لكم..
.