اخباركوا عالمي الجميل ان شاالله الجميع بخير
بدخل ف الموضوع ع طول
باونتي كيك مش محتاج أني امدح فيها كتيير لانها بالفعل هي نفس طعم الجاهز بالضبط
والصراحه الوصفات هنا ف المنتدي كتيير وكلها حلوة ماشاء الله عليهم
ولكني لاحظت ان الحشو فيه سميد
والمفروض ان الباونتي الاساسي مافيه سميد
ودي طريقتي من سنوات والحمد لله ناجحة ولذيذة وبتدوب ف الفم
واللي هاتجربها هاتعرف فعلا انها نفس الجاهز
طولت عليكم اليكم المقادير
الطبقة الاولي:
كيك شيكولا اي طريقة انتي اعتمدتيها عندك
انا عملت طريقتي ف كيك الشيكولا وسبق ونزلته
ودا الرابط
الطبقة التانية(الحشو):
1 كوب حليب
اصبع زبدة
نصف كوب سكر
1/2 2 كوب جوز الهند
الطبقة الثالثة:
3 حبة جالكسي سادة
علبة قشدة
الطريقة:
نحضر الكيك بالطريقة المعتادة انا هنا قسمت الخليط ع صينيتين
عشان الطبقة الاولي لازم تكون رقيقة
وكمان عملت صينيتين عشان كان عندي ضيوف
ده شكل الخليط
يصب ف صينية مدهونه
وتخبز
نيجي دلوقتي لتحضير الطبقة الثانية
نضع الحليب والسكر والزبدة مع بعض ع النار ونحرك حتي الغليان
ثم نضيف جوز الهند ونقلب حتي يتجانس الخليط
وده شكله لذيذ جدا
ثم يفرد الحشو علي طبقة الكيك
تابعوني ياحلوات
رجاءً عدم الرد حتي يكتمل الموضوع
ثم نسيح الشيكولا في حمام مائي ونضيف عليها القشطة
ثم تصب ع الطبقة التانية وندخلها الثلاجة
وبنفس الحشو عملت منها شيكولا باونتي ودي فعلا هي اللي نفس طعم الجاهز
دهنت قوالب السيلكون بالشيكولا ودخلتها الفريزر حتي تتماسك مش بتاخد وقت خمس دقايق
ثم يصب شوي م الحشو
ثم تصب باقي الشيكولا المذوبة طبعاً وندخلها الفريزر مرة تانية حتي تتماسك
ودي النتيجه
وهنا م الداخل يمي يمي لذيذة جداً جداً
تابعوني
باقي محدش يرد