بسم الله الرحمن الرحيم
درس اليوم أيضا عن الدمج ولكن عن طريق استخدام القناع Mask
وهي طريقة سهلة وما تاخذ وقت وتعطي نتيجة حلوة
كذلك الدمج عن طريق القص واللصق وتغيير اللون بحيث تصبح وكأنها جزء من الصورة
البعض يسمي طريقة القص واللصق " تركيب الصور " والبعض يعتبرها من طرق الدمج
:::
بسم الله نبدأ
أولا نفتح الصورتين اللي بندمجهم ،، ونسحبهم لحقل العمل
نضيف قناع للصورة العلوية عن طريق الضغط على الزر الموضح في الصورة
راح تلاحظون إن الألوان تغيرت تلقائيا إلى الأبيض والأسود
للدمج ممكن نستخدم إما أداة التدرج أو الفرشاة
أنا هنا راح استخدم أداة التدرج
اختاري التدرج من اللون الى الشفافية
اسحبي أداة التدرج بالاتجاه اللي تبينه ،،
راح تلاحظين اندماج الصورتين ببعض ،،
" لا تشيلين هم الألوان لأننا راح نغيرها بعد شوي "
طريقة ثالثة للدمج
وهي عن طريق قص الصورة ولصقها على صورة ثانية وتغيير لونها بحيث تصبح كأنها
جزء من الصورة الأخرى ،، ولا تنسين الظل لانه مهم
مثل صورة السفينة قصيتها وصغرت حجمها و وضعتها بين الصورتين ،،
انا تعمدت وضعها بين الصورتين عشان السحاب اللي في الصورة العلوية يغطي جزء من أشرعتها
وبالتالي تصبح فعلا كأنها جزء من الصورة
ما اضفت لها ظل مثل ما تشوفون ما يحتاج ،، لكن اللي حابة تضيف ظل لتطبيقها
لا تستخدم اللير ستايل ،، الافضل انها تسوي الظل بالطريقة الاحترافية اللي تعلمناها في المرحلة الاولى
وهذي السفينة لاحظوا كيف السحب مغطية اشرعتها
في النهاية قمت بدمج جميع الليرات الثلاثة عن طريق الضغط
على زر Shift + Ctrl + E
وهذا الاختصار لدمج جميع الليرات الظاهرة ،، يعني إذا كان في ليرات مخفية ما راح تندمج
::: يتبع :::
اذا كانت الوان صورك متقاربة ممكن تتركينها مثل ما هي
اما اذا كانت متباعدة مثل صور الشرح
فلابد من تغيير اللون ومثل ما تعلمنا تغيير اللون عن طريق قائمة
Image >> Adjustments >> Hue / Saturation
النتيجة النهائية :
:::
افكار اضافية ،،
ماهو ضروري تخلين التطبيق كله بلون واحد ،، ممكن تعيدين فقط لون بعض الاجزاء مثل
ما تعلمنا في الدرس الأول من المرحلة الأولى
:::
ممكن تستخدمون الفرشاة بدل أداة التدرج ،،
في هذا المثال استخدمت هذي الفرشاة
وطبقتها على الصورة بهالشكل
والنتيجة
درس اليوم ما فيه تأثيرات نص ولا أي شي غير الدمج
لأني حابة تحطون تركيزكم كله في الدمج ،، لو اتقنتوه راح تسوون صور خياااااااال
انتظر تطبيقاتكم
الله يوفقكم :26: