19-03-1433 هـ, 02:31 صباحاً
السلام عليكم ورحمه الله وبركاته


الحمدلله ولدت وجبت ولد .. كان ودي اخبركم بهالخبر وانا فرحانه لكن يعلم الله اني ما احس باي فرحه

اليوم خلصت 20 يوم من النفاس .. وابي احكي لكم معاناتي ..

جاني الطلق وماطولت ورحت المستشفى وكان الطلق حامي الله يعظم اجرنا ..

للاسف طحت بدكتورة وممرضه ادعي عليهم لهاللحظه .. ويعلم الله مامر يوم مادعيت عليهم فيه .

انا بولادتي الاولى اخذت ابرة الظهر والحمدلله كانت ولادتي ميسره .. بس نفاسي كان دمااااااااار .. والجهل كان له النصيب الاكبر من اخطائي ..

هالمره طلبتها ابره الظهر بس لما شافت الطلق حامي لعبت علي وقالت خلاص شوي ويجي الدكتور رغم انه شي مايخصها ولاهي مخيره هذي قراراتت شخصيه المفروض مايكون لها دور فيها ..

طبعا تتكلم مع الممرضه انجليزي اني مزعجه وكاني اول مره اولد ومن هالكلام الله لايحدنا على قساة القلوب يارب ..

ولدت وبغيت اموت الله يرحم حالنا ويرحم ضعفنا ... قالت لي جاك تهتك لا لا مو تهتك جرح بسيط ..

وتخيط ,, وتخيط .. وتخيط .. راحت نادت الاستشاريه قالت زيدي ع الاقل 3غرز ..

ويعلم الله اني كنت احس بكل غرزة .. <<<<اكتب والعبره تخنقني

خلصت بعد يمكن نص ساعه وجت الممرضه الله لا يسامحها قالت يالله قومي تروشي

حتى كان زوجي بيمسك ايدي قالت خلها تمشي المشي زين لها

تفاجأت يابنات من الخياط كثير .. المهم . . اللي ضاعف كل الامي ودمر نفسيتي الشرخ ..

جاني شرخ .. اتعبني اتعبني اتعبني ... بدايه نسيت انتبه للملينات عشان الامساك .. رغم اني اهتميت بالسوائل والمشروبات الدافيه كثير كثير

استخدمت تحاميل نيو هيلار لان الدم كان كثير والنزف يزيد واموت مابي اروح الحمام .. صرت افكر ما اكل واظل على المشروبات ..

والحمدلله بديت اتحسن واستخدمت الملين الاصفر الحبيبات والحمدلله تحسنت كثير .. بس اتركهم احس اني ارجع مثل اول ويرجع الجرح ينفتح . غير انه يشد على الخياطه بما انها وصلت الى منطقة فتحة الشرج

ابي اروح مستشفى بس مابي كشف نهائيا ابي بحسب الاعراض تعطيني علاج
او اللي تعرف علاج جذري لهالمشكله

حدي تعبت .. ونفسيتي تعبانه من هالموضوع ..
استغفر الله واتوب اليه ..
19-03-1433 هـ, 02:36 صباحاً
الله يشفيك ياليت البنات يساعدوك
19-03-1433 هـ, 02:42 صباحاً
اولا الف مبروك

ثانه الله يشفيك

بس روحي لدكتوره ثانيه تكشف عليك

وبترتاحين أن شاء الله
لا اله الا أنت سبحانك أني كنت من الظالمين




إذا ضاقت
بك الدنيا فقل:
¤¤ أستغفر الله ¤¤

(أستغفر الله)
19-03-1433 هـ, 02:43 صباحاً
الحمدلله على سلامتك وماجوره ان شاء الله


فقط للذكرى
يارب تصلح لي ذريتي 
19-03-1433 هـ, 02:44 صباحاً
سلامتك من التعب .. كله بأجرو ان شاءالله ..
ومبرووك ما جاكي ويتربى فعزك ان شاءالله ..

بس اللي اعرفو تحاميل نيو هيلار للبواسير مو للغرز
كان اخدتي تحاميل فولتارين احسلك

وبعدين في كريم موضعي تخلطيه مع كريم ثاني مضاد عشان الجرح
ماعطوكي ياه؟؟؟؟

لو استعملتيه ماكان حسيتي لابجرح ولا بشرخ
ولاتقلقي من شان الخياط بس اتشطفي واجلسي بأملاح بحرية<<من الصيدلي .. ع طول تنزل الغرز


معافاية خيتوو
19-03-1433 هـ, 02:49 صباحاً
ي حياااااااتي >> ذكرتيني بمعاناتي
نفس الوضع والالم وبدل ما انه الم خياطه
بسس يزيد عليها الم البواسير -- هم قالولي
في البدايه انو شرخ بس بعدين قالوا بداية
بواسير كنت اشوف الموت من المها واكرره اروح
الحمام بسببها -- لكن الله يأجرنا فيها
خذت تقريباً ثلاث شهور وبدت تخف تدريجياً
تحاشي الحواااار بأنواعها والامساااك خطير
جداً جداً جداً وكمان الاسهال يعني خليك
معتدله والله يهون عليك ياقلبي
دعواتك لي يارب الولاده هذي اسهل وأخف
وبدوووون بواسير اللهم اجعل حملي وولادتي
ونفاسي برداً وسلاماً علي كما جعلت النار
بردا وسلاماً على ابراهيم اللهم آميييين
19-03-1433 هـ, 02:50 صباحاً
اقتباس مشاركة  (@ام جاسر@)
الحمدلله على سلامتك وماجوره ان شاء الله
الحمد لله ولدت بتاريخ 4/4/2012 وجبت أحلى ميار الله يحفظها

19-03-1433 هـ, 02:50 صباحاً
الف الحمدلله على سلامتك ومبرووووووك البيبي يتربى بعزك ياعسل اذا تبين نصيحتي روحي دكتوره كويسه وخليها تكشف وتقولك وش العلاج لانه صعبه تسكتين على نفسك وتحملي كلها ايام ويروح الالم الله يكتبلك الاجر
19-03-1433 هـ, 02:58 صباحاً
ياعمري ماتشوفين شر

والحمدلله على السلامه
19-03-1433 هـ, 03:00 صباحاً
اقتباس مشاركة  (looojy)
سلامتك من التعب .. كله بأجرو ان شاءالله ..
ومبرووك ما جاكي ويتربى فعزك ان شاءالله ..

بس اللي اعرفو تحاميل نيو هيلار للبواسير مو للغرز
كان اخدتي تحاميل فولتارين احسلك

وبعدين في كريم موضعي تخلطيه مع كريم ثاني مضاد عشان الجرح
ماعطوكي ياه؟؟؟؟

لو استعملتيه ماكان حسيتي لابجرح ولا بشرخ
ولاتقلقي من شان الخياط بس اتشطفي واجلسي بأملاح بحرية<<من الصيدلي .. ع طول تنزل الغرز


معافاية خيتوو
اللهم غلّف أمنياتيَ بإستجابتك .. وإجعلها واقعاً ،/ أعيشه ♡ !


اخترنا لك هذا الموضوع:

اقرئي المزيد »

الساعة الآن 07:02 .

جميع الحقوق محفوظة - عالم حواء - 2015