رمانة الكويت @rman_alkoyt

محررة برونزية

هديتي لكل نفاس ..ميني قبوط بحشوة البصل وبحشوة اللحم المفروم ..وميني مرقوق ..

المعجنات والمخبوزات والسندويتشات • 12 سنة

السلام عليكم

كيف الحال خواتي العزيزات

اهدي لكم ثلاث اصناف من اكلات النفاس وهي ..
· ميني قبوط بحشوة اللحم المفروم .
· ميني قبوط بحشوة البصل .
· ميني مرقوق .

بس اتمنى تعذروني على التصوير لاني صورت بتلفوني ..

ولاني حزتها كنت حامل وتعبانة فشوي التصوير لكم عليه ..:04:

الاعداد لما كنت حامل في نهاية الثامن وبداية التاسع .. الطبخ لما كنت نفاس ..

خليكم معاي ...

39K

يلزم عليك تسجيل الدخول أولًا لكتابة تعليق.

تسجيل دخول

رمانة الكويت • 12 سنة

اولا: ميني قبوط بحشوة اللحم المفروم ..

العجينة عبارة عن كمية من الطحين ورشة ملح وكمية ماي للعجن .. وكركم اختياري ..

الطحين حسب الرغبة .. ابيض او اسمر او الاثنين مع بعض ..

انا استخدمت الابيض في هالوصفة ...

نعجن المقادير لما تصير عندنا العجينة مثل عجينة الفطاير .. نغطيها ونخليها ترتاح ..على الاقل ربع ساعه ..
في مرة من المرات خليتها ساعه ماتغير عليها شي ..

نجهز الحشوة .. وهي حمسه لحم مفروم اللي تعرفونها بس بدون معجون طماط ولا ماي .. نبيها ناشفة ..
واذا تبين تحطين ادوية نفاس كيفج ..

نفرد العجينة الى ان تصير طبقة رقيقة شوي ..
ونقطعها دوائر صغار انا استخدمت الاستكانة " بياله الشاي " ..

لا تردوون راجعه ..

رمانة الكويت • 12 سنة

باااااااك ..

نحط الحشوة على جهة ونسكرها عدل ..

هاذي كمية حشيتهااا ..

نحطهم بصينية ونحطهم بالفريزر مدة عشر دقايق ..

نقسمهم ونحطهم باكياس او علب ... ونحتفظ فيهم الى وقت الحاجة ..

الطريقة ..

نطبخ مرق عادي سواء لحم او خضار .. بس انا افضل خضار لان الحشوة فيها لحم مفروم ..

وقبل ما يستوي نسقطهم وحدة وحدة ونحرك ونخليها تطبخ الى ان تنضج .. وبالعافية ..

خليكم معاي .. لا تردون ...

رمانة الكويت • 12 سنة

ثانيا:ميني قبوط بحشوة البصل ..

نفس طريقة القبوط اللي باللحم المفروم .. بس الاختلاف بالحشوة ..

الحشوة عبارة عن ..

بصل مقصص صغار _بهارات_ملح_فلفل اسود_رشة دارسين_لومي اسود مطحون _كركم_ حلبة وحبة سودة حسب الرغبة ..

في الطريقة هاذي استخدمت الطحين الاسمر ..

الصور اتوضح الطريقة ..

انتظرووووني ...لا تردوون ...

رمانة الكويت • 12 سنة

وطبخها مثل القبوط اللي باللحم المفروم .. بس هني افضل مرق لحم او دجاج ..

ملاحظة .. انطلعها من الفريزر ونسقطها على طوول ما يحتاج ننطرها تلين ..

انتظرووووني .. لاتردوون ...

رمانة الكويت • 12 سنة

رمانة الكويت :

اولا: ميني قبوط بحشوة اللحم المفروم .. العجينة عبارة عن كمية من الطحين ورشة ملح وكمية ماي للعجن .. وكركم اختياري .. الطحين حسب الرغبة .. ابيض او اسمر او الاثنين مع بعض .. انا استخدمت الابيض في هالوصفة ... نعجن المقادير لما تصير عندنا العجينة مثل عجينة الفطاير .. نغطيها ونخليها ترتاح ..على الاقل ربع ساعه .. في مرة من المرات خليتها ساعه ماتغير عليها شي .. نجهز الحشوة .. وهي حمسه لحم مفروم اللي تعرفونها بس بدون معجون طماط ولا ماي .. نبيها ناشفة .. واذا تبين تحطين ادوية نفاس كيفج .. نفرد العجينة الى ان تصير طبقة رقيقة شوي .. ونقطعها دوائر صغار انا استخدمت الاستكانة " بياله الشاي " .. لا تردوون راجعه ..

اولا: ميني قبوط بحشوة اللحم المفروم .. العجينة عبارة عن كمية من الطحين ورشة ملح وكمية ماي للعجن...

ثالثا : ميني مرقوق ..

العجينة نفس عجينة القبوط بالضبط ..
زادت عندي من عجينة القبوط فسويتها مرقوق لان الحشوة خلصت علي ..

ناخذ العجينة ونقسمها كور صغيرة ونفردها الى ان تصير رقيقة حيييل ..

نحطها بالفريزر عشر دقايق ...

نقسمها ونغلفها بعلب او اكياس .. وانا هني حطيتها بصحون السفري وغلفتها بالنايلون ..

نحتفظ فيها الى وقت الاستخدام ..

الطريقة .... نفس القبوط ..

وسلامتكم حبايبي ..

اتمنى اطباقي عجبتكم ...

لاتنسوني من الردود الحلووة .. والدعوات الاحلى ..

والحمد لله على النعم وعلى كل حال ...