أخبار حواء:
«    »
                            

              

قديم 11-03-1433 هـ, 07:13 مساءً   #1
*,,,دنيا الهنا,,,*

عضوة فعالة
 
تاريخ التسجيل: 25-03-1432 هـ
المشاركات: 556


اللي تتمنى اي شي وتقول مستحيل يصير تتفضل تدخل وتبشر بالخير,,,

سلام عليكم بنات

وايد عضوات سألوني عالخاص شنو الاشياء اللي سويتها عشان الله استجاب دعائي المستحيل
ولو اني بيني وبين نفسي احس مرح اقول شي جديد لانه كل شي معروف بس بقولكم شنو الشغلات اللس سويتها وداومت عليها 6 شهور ليلها ونهارها
ملاحظه: ترا انا ادعي وادري ان هالشي مستحيل بالنسبه لظروفي وحياتي واهلي وناسي وكل شي يتعلق بقدري اللي انا حسبالي اعرفه

انا كنت في هم وغم + شغله ابيها مستحيله + ابي حياتي تتغير تغيير كلي مو جزئي ابي احس اني انولدت من جديد
بقولكم شنو صارلي من هدا الهم:
@ ابجي ليل نهار (بشكل مبالغ فيه حتى يوم امي توفت ما بجيب كثر هالمده 6 شهور)
@ امشي مترنحه جني سكرانه وجهي دايب وعيوني باهته ونزل وزني حيل حيل
@ شكلي مو مرتب ومبهدل ودراستي تدهورت وسقطت بمواد كثيره
@ اكره كل شي اكره الاكل والشرب واكره اقعد مع رفيجاتي وخواتي مافي شي يسعدني كآبه في كآابه
@ مصخرت نفسي اشكي لكل من هب ودب حتى خدامات الكليه والصالونات اللي اروحلهم واللي يجون البيت ابجي عندهم
ملاحظه كنت اشكي بشكل عام محد يدري شنو الشغله المستحيله اللي ابيها
@ محد وقف معاي ولا احد يدري شنو فيني وشنو ابي
@ اصروا اهلي يودوني طبيب نفسي لكني رفضت لاني عارفه شنو ابي وشنو همي وغمي
@ اصروا اروح مطوع وهما رفضت لاني مداومه عالرقيه واعرف شنو مشكلتي واني في شغله ابيها ابيها ابيها
@ واهم نقطه بالموضوع والي هو سبب همي وحزني الاحبااااااااااااااااااااااااا ط الشديد
احباط ان شلون راح يتحقق اللي ابيه لانه مستحيل

والحمدلله الله نور لي طريج وهو طريجه وان لا فارج للهم والغم الا هو ولا قاضي للحاجات الا هو
وهدي الايه حيل طمنتي وريحتني ( وان يمسسك الله بضر فلا كاشف له الا هو)

بنات تعرفون كلمه ( هوس ) ؟
شفتي لما يقولون عن شخص فيه هوس ايفون يطقطق 24 ساعه او احد في هوس البي بي او هوس بلاي ستيشن او احد في هوس اي شي بالدنيا؟
انا كان بهل الفتره بعد ما ربي نور لي طريج الدعاء صار فيني هوس دعاء مو طبيعي
ادعي ليل نهار ضحى عصر مغرب وبالسجود وبالثلث الاخير من اليل واخر ساعه من نهار يوم الجمعه وليله الجمعه ولما اسمع الادان ادعي وفي كل اوقات اجابه الدعاء..حتى قعدت ادعي لغيري لان الدعاء لاخيك بظهر الغيب مستجابه

وطبعا هدا من بعد ما شفت حلقات كثيره باليوتوب متعلقه بالدعاء:
( الشيخ عمرو خالد - الشيخ محمد حسان-محمد العريفي-نبيل العوضي- محمد العوضي- وشكثر شيوخ دين- برنامج كيف تتعامل مع الله وبرنامج عبدا شكورا ( شفت كل الحلقات ابي الله يحبني ويرضا علي ويستجيب دعائي)
وقريت مواضيع بقوقل عن كل شي متعلق بالدعاء ( كل هدا ابي مخرج مفر حل من هدا الهم)

ملاحظه:
في شي كان زايد همي ان الشيطان يوسوس لي ان قاعده اسخط على قضاء الله وقدره واني فسقانه وطماعه وان حالي احسن من غيري واني المفروض ارضا برزق الله واقول الحمدلله وبس وان اللي ابيه شي مستحيل يتم بسهوله
ولما حاولت اقنع نفسي بهدا الهم واتعايش معاه واقتنع وارضا بالقضاء والقدر لقيت نفسي انهار ببطىء شديد
وقررت اني لازم انقد نفسي بأي طريقه حسيت بصير مجنونه 24 ساعه افكر ابي مخرج بأي طريقه ماني متحمله بدعي وانا على يقين وثقه ( هدا الحل الوحيد)

بس الحمدلله قعد اردد بقلبي ابيه هالشي يثبت بعقلي الباطن لان صابتني حاله يأس واحباط:
ان الله على كل شي قدير وادا قضى امرا فأنما امره ان يقول له كن فيكون
ان الله على كل شي قدير وادا قضى امرا فأنما امره ان يقول له كن فيكون
ان الله على كل شي قدير وادا قضى امرا فأنما امره ان يقول له كن فيكون
ان الله على كل شي قدير وادا قضى امرا فأنما امره ان يقول له كن فيكون
ان الله على كل شي قدير وادا قضى امرا فأنما امره ان يقول له كن فيكون
ان الله على كل شي قدير وادا قضى امرا فأنما امره ان يقول له كن فيكون

وابتدا مشوار تطبيق كل اللي قريته وشفته من برامج دينيه باليوتيوب عن الدعاء
بتسألوني عن الثقه واليقني الزايد فيني بقولكم ان عمروا خالد الله يجزاه خير زاد ثقتي ويقيني ان الله يستجيب الدعاء المستحيل وان القرآن الكريم كل قصص الدعاء فيه هي قصص استجابه الدعاء المستحيل اسمه الحلقه ( المجيب)

شنو سويت:
@ ما مر الثلث الاخير من اليل في يوم من ايامي الا ورفعت اديني ودعيت من كل قلبي حتى بأيام الدوره الثلث الاخير من اليل كان بالنسبه لي اهم جزء يشغل بالي ادا طافني يوم ما دعيت يضيق خلقي حيييييييييييييل لان الله الرحمن الرحيم الرؤوف اللطيف ينزل كل ليله بأخر اليل يقول هل من يسألني فأعطيه من يدعوني فأستجيب له.. وكنت اكلمه وادعيه وولازم ادعي واقول اسألك بحق تنزلك بالثلث الاخير من الليل وقولك من يدعوني فأستجيب له اسألك ان ... ( واقول الشي اللي مضيق خلقي وابيه )+ الاستغفار 100 مره لان الله اثنى بالقرآن على اللي يستغفرون وقت السحر وهو اخر ساعه من الثلث الاخير من اليل يعني ساعه قبل ادان الفجر وقال { والمستغفرين بالاسحار}
@ تركت الاغاني ترك كامل حتى موسيقى في برنامج بالتلفزيون اغير القناة (وانا في قلبي اقول عشان الله يستجيب دعائي)
@ امشي بممرات الكليه والحق الخدامات بس عشان ابتسم لهم واقول السلام عليكم ..ومرات اعطيهم على ربع دينار (وانا في قلبي اقول عشان الله يستجيب دعائي)
@اي وحده تحش بوحده سواء اعرفها ولا ما اعرفها اتهاوش وياها وادافع عنها واقول لها عيب وحرام وماتدرين يمكنها عند الله احسن منج مع اني عادة ماحب اتدخل ولا ادافع لاني مسالمه (وانا في قلبي اقول عشان الله يستجيب دعائي)
@اتصدق من اعانتي ادكر تصدقت مرتين بس مره 30 دينار ومره 15 دينار هدا اللي قدرت عليه (وانا في قلبي اقول عشان الله يستجيب دعائي)
@اي احد يتطنز علي او يتشمت او يكشر بوجهي خصوصا قلتلكم كان شكلي مبهدل وغير مرتب الحزن ماكل قلبي كنت اسامحه وابتسم وارد الاساءه بالاحسان ومشيت على آية والكاظمين الغيظ والعافين عن الناس (وانا في قلبي اقول عشان الله يستجيب دعائي)
@ ما اخلي حلجي مصكر ان كنت بروحي او كنت امشي كل اقول لا حول ولا قوة الا بالله وهدا اكثر شي اكرره لان معناه لا تغير من حال الى حال الا بقدرة الله ( وهدا اللي ابيه ابي الله يغير حالي)
@ادكر الله بكل وقت واقول على الترتيب: سبحان الله والحمدلله والله اكبر ولا اله الا الله ( حتى لو مره وحده يعني العدد ما كان شاغلني
@ في فتره مرت واهيا مرات مو دايم اقرا سورة البقره على ايام متفاوته بهدف ان اخدها بركه وتركها حسره ولا حددت ايام معينه لقراءتها لان ماحب اسوي شي يقولون عنه يمكن بدعه
@ ما يمر اكثر من يومين الا وانا قاريه لو صفحه وحده من القرآن

كل اللي كتبته فوق كان نابع من هوس هوس هوس هوس هوس اعمال صالحه اسوي اي شي ابي ارضي الله ابي يرضا علي ويعطيني اللي ابيه ابي مخرج
بالنسبه للدعاء ما خليت دعاء لا بالقرآن ولا بالسنه ما دعيت فيه..تخيلوا بنات لما ادعي تقريبا ياخد مني نص ساعه وانا ادعي بتواصل وألحاح شديد شفتي شلون تحنين على امج او ابوج او زوجج ادا تبين شي حيل حيل تبينه..كنت ادعي ربي بألحاح وتكرار مبالغ فيه قلتلكم فيني هوس ابي حياتي تتغير تغير كلي + ابي الشي اللي في بالي + وابي الهم يروح
وبما انه كان فيني هوس دعاء 24 ساعه وبكل وقت ما كنت اقدر كل مره ادعي مدة نص ساعه..الدعاء ابو نص ساعه بالثلث الاخير من اليل + الوقت اللي انهار فيه + الوقت اللي اكون فاظيه
لكن هناك مجموعه دعوات ادعي فيها كل وقت ورا كل صلاة وبكل سجدة اسجدها لله ادعي هالدعوات الخمسه ما خليتها ابدا ابدا ادعي ومرات ابجي من كثر ما اني متأثره بهل الادعيه وما تاخد مني اكثر من ثلاث دقايق واكررها طول النهار واليل
واهيا:
1 ربي مسني الضر وانت ارحم الراحمين لا كاشف له الا انت { واقصد فيه الهم والغم اللي انا فيه}
2) امن يجيب المضطر ادا دعاه ويكشف السوء { كنت وادعي جني قاعده اغرق بالبحر ابي الله ينقدني من هدا الهم}
3)يا فتاح افتح لي مخرج انت خير الفاتحين { اهم شي تناجين الله بأسماءه الحسنى}
4) ربي لئن انجيتني من هده لأكونن من الشاكرين { عاد هدي الدعوه قصتها قصه.. من كثر ما اسمع للقرآن بهل فتره لاحظت في ايات يقولون الناس لله في حالات الغرق بالبحر والهم والغم لئن انجيتنا من هده لنكونن من الشاكرين و وراها على طول الله استجابه سريعه من الله فأنا عجبتني ملاحظتي هدي وقعدت اقول بما معناه ان يارب ان نجيتني من هالهم راح اكون لك شاكره وكا الحين الله استجاب لي ويختبرني هل اشكر او اكفر}
5) يارب..... { واهني ادعي باللي ابيه واتكلم باللغه العاميه وبلهجتي الكويتيه واشكي حق الرحمن الرحيم القريب السميع المجيب وادعي وانا واثقه ان قاعد يسمعني ويشوفني وهدا احلى شعور لحظه الدعاء}


ملاحظه مهمه جدا جدا جدا ادا ابتدعين لازم تديرين بالج من نقاط مهمه جدا جدا جدا وهي اداب الدعاء:
1) اول شي تحمدين الله ( الحمدلله رب العالمين) او اي صيغه حمد وشكر لله.
2) الثناء على الله ( اللهم انت السلام ومنك السلام تباركت يا دا الجلال والاكرام) او اي صيغه تثنين وتمدحين فيها الله.
3) الصلاة على الرسول ( اللهم صل وسلم على نبينا محمد)
4) تستغفرين الله ( اللهم اني استغفرك واتوب اليك انك انت التواب الرحيم) او تستغفرين بأي دعاء استغفار تعرفينه.
5) وبعدين تدعين باللي خاطرج فيه .... (وادعي دعواتي الخمسه اللي ما تركتهم ام خمس دقايق+ اضيف ادعيه كثيره تاخد مني نص ساعه )
وادا تبون تطبقون نفسي احفظي اللي بين الاقواس وقوليهم بالترتيب.

ملاحظه مهمه عن نفسي:
ادا حسيت اني سرحانه او ادعي وانا افكر بشي ثاني اي شي من امور الحياة على طول اقول الحمدلله رب العالمين والصلاة والسلام على نبينا محمد آمين ( انهي الدعاء بسرعه ولا اكمل)
لان اهم شرط بالدعاء ان تستحضرين القلب يعني تركزين بقلبج وعقلج بالكلام اللي تقولينه فعشان جدي انا انهي الدعاء ولا اكمل ادا حسيت اني سرحت او في شي شاغلني. وادعي وقت ثاني من اليوم.

مع مرور الايام وزيادة يقيني ان الله يقدر يستجيب لي المستحيل ويخليني احس اني انولدت من جديد.. وتكراري لرؤيه حلقات معينه باليوتيوب عشان ترفع من معنوياتي اكثر..
صارت عندي ثقه ان هالشي المستحيل مرح يكون مستحيل على الله...وتصكرت الابواب بوجهي وتعقدت الامور بطريقه غريبه واقول بقلبي سبحان الله كل ما اجتهدت بالدعاء والاعمال الصالحه تطلع لي مشاكل وتتعقد الامور اكثر.. ما اصابني اليأس نفس بعض الضعيفات بالعكس قلت سبحان الله لان حسيت انها حكمة من الله.. ولم ألتفت حق هالتعقيدات في حياتي ولم اعرها اي اهتمام كان همي اني اظل ادعي لان الرسول عليه الصلاة والسلام قال: ( يستجاب لأحدكم ما لم يستعجل.. يقول دعوت ودعوت ولم ار يستجاب لي..فيترك الدعاء) وانا ما كنت ابي اكون من هالفئه..فظليت ادعي وماتهمني الظروف ولا الاحداث اللي تصير حولي.. ومع دلك كل يوم ابجي ليل نهار بس الحمدلله ما ابجي جدام احد كنت ابجي عند ربي بس
ومثل ما قلت لكم كنت حيل ودي احلم حلم يبشرني ان هالشي راح يتحقق عشان اواصل دعائي بتفاؤل ولا يصيبني احباط.. ما حلمت ولا حلم...لقيت ناس ما يقربون لي ولا لي علاقه فيهم يحلمون فيني احلام ويطرشون ناس عشان يقولوهم ان حلمنا بطموحه بزياده حلم..وانا جتني البجيه شكثر ربي رحيم مو شخص ولا شخصين اكثر من 5 اشخاص حلموا فيني
ومحد كان يدري عن حالي المأساوي الي عشته بروحي لا رفيجاتي ولا خواتي ولا اهلي عشته بروحي مع ربي الرحمن الرحيم الرؤوف اللطيف الرفيق الدي ادا قضى امرا فأنما يقول له كن فيكون

ولما قعدت افكر متى تكون الاجابه بظل هالظروف توقعت تكون بعد سنه ونص او سنتين او ثلاث ( نظرتي كانت واقعيه مابي اكون خياليه فقلت لنفسي هالشي يبيله صبر وانتظار ما يقدر عليه الا الاقوياء فقررت اكون قويه وانطر حتى لو طالت المده)

والمفاجأة كانت
ان الله استجاب لي الحين الحين وكانت اكبر مفاجأة في حياتي
لما سمعت الخبر بطلت حلجي عالاخر وبحلقت عيوني وقعدت سرحانه بعيوني اطالع سيده بصمت خمس دقايق حسيت نفسي بعالم اخر... والناس تتكلم وتتناقش عن اللي صار بعد عشر دقايق من الصمت والسرحان ابتسمت بتسامه محد عرف سرها هي ابتسامه اجابه الدعاء طعمها حلو حييييييييييل


يارب كلكم تجربونه ولا تنحرمون منه
ما مر اسبوع من هالخبر والا همي راح وحياتي تغيرت حيييييييييل وصرت انسانه جديده توني مولوده...الفتاح فتح لي مخرج وفتح لي صفحه جديده بحياتي

وحصلت على اشياء عمري ما حصلتها قبل ارزاق تهل علي يمين ويسار والحين صارلي اسبوعين من الاستجابه ومتنت واحب اقعد ويا رفيجااتي وخواتي وحدي مستانسه واحب الاكل حيييل ومطحيه بالجمعيه ككاويات وعصاير وخرابيط صرت انسانه حيه ولا قبل من الهم جني ميته..
وصارت لي عزه وكرامه والكل يحترمني مادري حسيت لي هيبه غريبه..يمكن لاني ما استعنت ولا تعلقت الا بالله وخلاني عزيزه ومكرمه لان هو العزيز الكريم

هدا من فضل ربي ليبلوني أأشكر أم أكفر ومن شكر فأنما يشكر لنفسه ومن كفر فإن ربي غني كريم
احمدلله حمدا كثيرا طيبا مباركا
الحمدلله والشكر لله وحده بس
والحمدلله الدي بنعمته تتم الصالحات
ان ربي قريب مجيب

منقوووووول من منتدى آخر
والله والله والله اللي يعتمد على الله مايخيب ابدا واذا عندكم اي سؤال اسألوني ع الخاص
والله العظيم ماشاءالله تبارك الله صارت لي امور مستحيله بفضل الدعاء والالتجاء الى الله

اللهم صل وسلم وبارك على نبينا محمد

دعواتكم لصاحبة الموضوع وليه ان ربي يرضى عني ويدبر امري ويرزقني اللي اتمناه ويكتبلي الخير فيه ويعجل بالفرج وادعوا لوالديني ولاهلي


سبحان الله والحمد لله ولااله الا الله والله اكبر
اللهم صل وسلم على نبينا محمد
الله يسعدكم ادعولي ربي يرضى عني و يحقق لي امنيتي ويجعل الخير الكثير والسعاده فيها
*,,,دنيا الهنا,,,* غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر


قديم 11-03-1433 هـ, 07:14 مساءً   #2
*,,,دنيا الهنا,,,*

عضوة فعالة
 
تاريخ التسجيل: 25-03-1432 هـ
المشاركات: 556


لاإله الاانت سبحانك إني كنت من الظالمين


*,,,دنيا الهنا,,,* غير متواجد حالياً رد مع اقتباس

قديم 11-03-1433 هـ, 07:26 مساءً   #3
حبية قلب زوجها

محررة
 
تاريخ التسجيل: 22-03-1432 هـ
المشاركات: 1,718


سبحان الله و الحمد لله و لا اله الا الله


حبية قلب زوجها غير متواجد حالياً رد مع اقتباس

قديم 11-03-1433 هـ, 08:08 مساءً   #4
سمراء جدة غير

كبيرة محررات
 
الصورة الرمزية سمراء جدة غير
 
تاريخ التسجيل: 19-03-1431 هـ
المشاركات: 13,408


جزاتس الله خيير --





ممـنوع ألسـؤال عن الخصوصيـات وألرسائل اللي تتعلق بالرؤى --
سمراء جدة غير غير متواجد حالياً رد مع اقتباس

قديم 11-03-1433 هـ, 08:14 مساءً   #5
sshm

محررة
 
الصورة الرمزية sshm
 
تاريخ التسجيل: 15-04-1432 هـ
المشاركات: 1,644


جزاك ربي الجنه والله ان كلامك يرد الروح
والله يديم عليك يارب وجعلك من فرح في فرح ومن سعاده في سعاده
وي رب حقق مناي ومناك وكل مسلم


((سبحان الله وبحمده سبحان الله العظيم))
((أستغفر الله الذي لااله الاهو الحي القيوم واتوب اليه))
(( حسبي الله الا اله الاهو عليه توكلت وهو رب العرش العظيم))
sshm غير متواجد حالياً رد مع اقتباس

قديم 11-03-1433 هـ, 09:01 مساءً   #6
كبتْ

عضوة جديدة
 
تاريخ التسجيل: 04-02-1433 هـ
المشاركات: 24


ماشاءالله عليها , الله يرزقنا إرادتها
حنا ندعي مرتين ثلاث ونقول ربي ماستجاب ونبطل ,

الله يوفقها يارب والله فرحت لها


http://goo.gl/LFr9W ,

^

بنات بالله اللي تعرف إسمه تقولي : ( ,
شي خطيرررر (L)
كبتْ غير متواجد حالياً رد مع اقتباس

قديم 11-03-1433 هـ, 11:31 مساءً   #7
*,,,دنيا الهنا,,,*

عضوة فعالة
 
تاريخ التسجيل: 25-03-1432 هـ
المشاركات: 556


اللهم صل وسلم وبارك على نبينا محمد


*,,,دنيا الهنا,,,* غير متواجد حالياً رد مع اقتباس

قديم 11-03-1433 هـ, 11:33 مساءً   #8
*,,,دنيا الهنا,,,*

عضوة فعالة
 
تاريخ التسجيل: 25-03-1432 هـ
المشاركات: 556


لاحول ولاقوة الابالله العلي العظيم


*,,,دنيا الهنا,,,* غير متواجد حالياً رد مع اقتباس

قديم 11-03-1433 هـ, 11:35 مساءً   #9
*,,,دنيا الهنا,,,*

عضوة فعالة
 
تاريخ التسجيل: 25-03-1432 هـ
المشاركات: 556


يااااااااااارب يحقق كل امانيكم يااااااارب
اللهم صل وسلم وبارك على نبينا محمد


*,,,دنيا الهنا,,,* غير متواجد حالياً رد مع اقتباس

قديم 11-03-1433 هـ, 11:39 مساءً   #10
*,,,دنيا الهنا,,,*

عضوة فعالة
 
تاريخ التسجيل: 25-03-1432 هـ
المشاركات: 556


سبحاااانك ربي يامجيب الدعاء لاترد دعاء ولاوحده من اللي دخلوا موضوعي وحتى اللي مادخلوا وفرحهم قررريب
اللهم صل وسلم وبارك على نبينا محمد


*,,,دنيا الهنا,,,* غير متواجد حالياً رد مع اقتباس

إضافة رد







أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

المواضيع المشابهة (العرض التجريبي)
الموضوع كاتب الموضوع المنتدى مشاركات آخر مشاركة
للي ضايقه فيها الدنيا تدخل وتبشر بالخير من ربي ان شالله...... فدى الرسول قسم حياة أسرية سعيدة 31 24-11-1432 هـ 06:25 مساءً
ماذا تتمنى في هذه اللحظات؟؟.. ام سعد واسامة مجالس الإيمان 6 03-06-1432 هـ 06:42 مساءً
أمي تسلم عليكم وتقول عندكم طماطم ^؟؟؟ عسوله الدمام قسم المواضيع المكررة 43 22-05-1432 هـ 05:31 صباحاً


الساعة الآن 08:37 .


شات عالم حواء
تابعونا على Google+
تابعونا على instagram
تابعونا على twitter
تابعونا على Facebook