السسلآلآم عليــكم
مساء الورد
حبيت اكتب تجربتي ويا * التخفيف * .. عشان اشجع اي وحده حابه تبتدي دايت لاني ف يوم كنت ادور ع هالمواضيع عشان اتششجع..
بدييت دايت تقريبا شهر 7 الي طاف
ف البدايه كنت استمر يوم ويوم لا ويعني تخبيصات مستمره
وبعدها ابتدا رمضان وبديت اشد حيلي اكثر عشان ابين بطله مميزه ف العيد
لكن ف العيد مابان عليه وايد لان رجيمي اساسا تخفيف ومانزلت وايد
بس رضيت وقلت العيد الي عقبه ان شاء الله اكثر ..
واستمريت بكل جهد جهيد..
و ف عيد الاضحى
الكل لاحظ عليه الحمدالله
وها الشي شجعني واستمررييت
لين الكل الكل لاحظ الحمدالله
حتى ربيعاتي كل ماوحده تجوفني تسألني شومسويه
الحين يمكن كملت 6 شهور ع التخفيف
والرياضه ..
وزني اول مابديت : 84.4
ويوم الجمعه اخر مره وزنت : 65.9 ..
تقريبا 19 كيلوو ..
وصح نسيت اقولكم كل جمعه كنت اخذ يوم مفتوح واكل كل الي نفسي فيه ..
واساسا اصلا الحين معدتي صغرت حتى ماروم اكل مثل قبل
ومستمرره ان شاء الله في الدايت و التخفيف..
مع اني هالايام وايد اخبص خاصه يوم الكل يقولي ضعفانه احس عزيمتي خفت ><..
بس احاول ايود عمري لين اوصل للخمسينات بس الكل يقولي خلاص وخاصه ماما حاشرتني تقولي بسج هي ماتحب الضعف وايد بس انا احس بعدني شوي
وهذي قصصتي حبيت اخبركم للتشجيع..
فمان الله