السعودية - شمال الرياض
معلم مراجعات
مراجعات النحو واللغة العربية للسنة التحضيرية والجتمعات والثانوي
السعودية - بريدة فقط
خادمة للآجار ببريدة
يوجد خادمة بالساعات اثيوبية ممتازةببريدة فقط 0555821682 مافيه بالشهر
           
           
إضافة رد
 
أدوات الموضوع انواع عرض الموضوع
قديم 27-02-1433 هـ, 03:37 صباحاً   #1
ريحانة قطر

عضوة جديدة
 
الصورة الرمزية ريحانة قطر
 
تاريخ التسجيل: 05-01-1433 هـ
المشاركات: 17


momayez حلويات & حلويات مع طبق معجنات

السلااااااام عليكم ورحمة الله وبركاااااته
مساكم الله بالخير



اليوم جايبه لكم حلويات بما ان هالاسبوع اغلب اللي سويته حلويات فقلت اخلي الموضوع كله حلويات والاطباق الثانيه اخليها انزلها لكم يوم ثاني




يالله نبدا والله الله بالردود الزينه وابي اشوفها بالتطبيقات قريبا ولا ترى بزعل ابي احس ان احد يستفيد واللي بتطبق لي تحط لي رابط تطبيقها بالردود الله يجزاها خير





اول شي سويت كيكة البسكويت من كتاب اطباق النخبه
الكيكه عجيبه وحلوه تقهويت عليها انا واختي وكتاكيتها فديتهم


هذي صورتها







طريقتها:

1- 1 ونص باكيت بسكويت الشاي يطحن>> تصدقون توني انتبه اني حطيت باكيت واحد ماحطيت واحد ونص مضيعه الله يخلف علي بس.. لو ماكتبت لكم الطريقه مانتبهت.. بس حمدلله انها ضبطت ولا كان تحطمت وانا مب داريه وش السالفه..
واحد ونص باكيت بسكويت شاي مطحون وملعقه صغيره بكينج بودر.

2-
3بيضات
نص كاس سكر
نص كاس زيت
نص كاس حليب سايل
رشة فانيليا


3-
بيالة سكر
بيالة حليب بودره
نص علبة قشطه
3 حبات جبن كيري



الطريقه::

تخلط مقادير 1 بالخلاط ثم تصب على مقادير 2 وتعجن جيدا ثم تصب في صينية التارت الخاصه

تخيز بالفرن واذا نضجت تخرج وتقلب في طبق التقديم بعدما تبرد

تخلط مقادير 3 بالخلاط ثم تصب على وجه الكيكه
* مكتوب بالكتاب يترك القليل من خليط الوجه في الخلاط ويضاف له ملعقة شوكولاته بودره وتصب على هيئة خطوط. >> انا صبيت كل الخلطه وزينتها بالهيرشي.







هذا نوع معجنات شفته بهالمنتدى للاخت همس ورعد
وهذا رابط موضوعها

http://forum.hawaaworld.com/showthread.php?t=2234745

وهذا صورة اللي سويته









الحين نجي لحاجه احب احب احب اسويها لو تلاحظون الا وهي حلى الكاسات








الحين نجي للتفاصيل


حلى النوتيلا اللي سويته للمره المليون




طريقته::

بالخلاط علبة بسكويت شاي مطحون
1 كاس ماء
1 ظرف دريم ويب
1 ظرف كريم كراميل
1 فنجان قهوه حليب بودره
3 ملاعق شوكولاتة نوتيلا
1 ملعقه صغيره نسكافيه
شوي قرفه

وحطي بالكاسات كيك امريكانا شوكولاته وصبي الخليط فوقها وزينيها باللي تبين .
وبالعافيه...




حلى طبقات من راسي هو طريقته من اختي سوته بصينية تشيز كيك وطلع حلو وانا خذيت طريقة الطبقتين الاولى والثانيه منها والثالثه سويتها من راسي





طريقته ::


الطبقه الاولى كيك بيتي كروكر بالشوكولاته السوداء يخبز كما في التعليمات ثم يفتت ويرص يالكاسات
انا واختي حطينا عليه شوي شوكولاتة هيرشي عشان يتماسك

الطبقة الثانيه

بسكويت شاي مطحون مع علبة قشطه وملي علبة القشطه ماي و4 حبات جبن كيري و3 فناجيل سكر

خلطتها بالخلاط ثم صبيت نصه في صحن على جنب وخطت مع اللي بقى بالخلاط شوكولاته بودره عشان يغمق وتبين طبقات مدرجه
صبيت الخلطه اللي معها شوكولاته فوق الكيك اللي بالكاسات ثم صبيت الخلطه البيضاء وزينتها ببسكويت شاي مطحون ومكعبات شوكولاته

واللي تبي تعرف اختي وش كانت حاطه الطبقه الثالثه كانت مذوبه 5 جالكسي مع علبة قشطه وصبتها كطبقه ثالثه والطبقه الثانيه سوتها بدون ماي ولا سكر ..



المهلبيه الفرنسيه بالكيك السرييييييييييييييعه





طريقتها::

لتر حليب الصافي او المراعي او اي شركه ثانيه
4 ملاعق نشا
4 فناجيل سكر
فانيليا

اول شي تصبين نص الحليب في قدر على النار وتحطين عليه السكر والفانيليا والنص الثاني تذوبين فيه النشا ثم تصبينه على الحليب بالقدر وتقلبين بالمضرب السلك ليييييين يثقل ويغلي ثم طفي النار وابدي وزعيه بالكاسات
** حطي كيك فانيليا بالكاسات ثم رشي جوز هند على الكيك ثم صبي خليط النشا وزينيه بالفراوله او المكسرات ودخليه الثلاجه وبس... انصحكم تجربونها لذيييذه وخفيفه ...







حلى كاسات الموكا::





طريقته::

كيك شوكولاته يفتت بالكاسات ويرش عليه نسكافيه مذوب بماء دافي.

وبالخلاط::

2 علبة قشطه
2 كريم كراميل
2 ظرف دريم ويب
2 بيالة حليب سايل
ملعقه صغيره نسكافيه
حبات من بسكويت الشاي على حسب اذا الخليط سايح ضيفي بسكويت لين تحسينه بدا يثقل واذا خلطيه وطلع ثقيل مايحتاج تحطين البسكويت يعني على حسب..

يصب الخليط على الكيك وتتركينه 5 دقايق ثم ترشين الشوكولاته البودره عشان يصير كانه شامواه ويوضع بالثلاجه ليبرد....







انتهت نشرتنا لهذا اليوم

روابط مواضيعي

ارشيف طبخاتي
http://forum.hawaaworld.com/showthread.php?t=3411982


وصفات ارشيف طبخاتي

http://forum.hawaaworld.com/showthread.php?t=3414124


جديدي بس هالمره بالوصفات

http://forum.hawaaworld.com/showthread.php?t=3417013


حياكم على جديدي

http://forum.hawaaworld.com/showthread.php?t=3424691


منوعااااات منواعات جديده

http://forum.hawaaworld.com/showthread.php?t=3476849



استودعتكم الله اشوفكم بموضوعي الجاي قريبا ..
مع السلامه



ريحانة قطر غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




27-02-1433 هـ, 03:47 صباحاً
#2
ما شاء الله تبارك الرحمن
الله يحفظك
يسعدني اكون اول رد على موضوعك المميز واقول لك تسلم يدينك


رد مع اقتباس
**رومانسية** غير متواجد حالياً  



27-02-1433 هـ, 03:52 صباحاً
#3
ماشاءالله عليك رووووعه تسلم ايدينك ..


رد مع اقتباس
اميرة الورد=- غير متواجد حالياً  



27-02-1433 هـ, 03:52 صباحاً
#4
مشاالله تجنن يعطيك الف عافيه


توقيع

لا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ
رد مع اقتباس
بنت العضيدي غير متواجد حالياً  



27-02-1433 هـ, 05:17 صباحاً
#5
ماشاء الله
تسلم الأيادي
جزاك الله خير


رد مع اقتباس
ASOMA222 غير متواجد حالياً  



27-02-1433 هـ, 05:27 صباحاً
#6

تـــســـلــم الايــــــــــــــــادي


توقيع


يارب ارزقني واخواني بالوظائف التي يسعد بها قلب والدي ووالدتي ونسجد جميعا لله شاكرين

رد مع اقتباس
كرزه ليلكيه غير متواجد حالياً  



27-02-1433 هـ, 05:32 صباحاً
#7
ماشاء الله كل طبق احلى من الثاني

وجتني افكار حلوووووووووووه

لحد يسألني وشي لانها وليدة اللحظه

خخخخخخ

اعجبتني الكلمه وضحكت عليها

ربي يسعدك ويوفقك ويحرسك من العين


توقيع

الابتسامه لاتكلف شيئاً ولكنها تعني الكثير

رد مع اقتباس
أُم دنـو غير متواجد حالياً  



27-02-1433 هـ, 05:53 صباحاً
#8
يعطيك العافيه


توقيع

يمه فقدت بيتنا
رد مع اقتباس
MissCute غير متواجد حالياً  



27-02-1433 هـ, 06:05 صباحاً
#9

ماشاء الله تبارك الله حلووياتك بجد ذوق
الله يعطيك العافية


رد مع اقتباس
((وردة بيضاء)) غير متواجد حالياً  



27-02-1433 هـ, 06:40 صباحاً
#10
قمة الروووووووووعة

يسلموووووووووووو


توقيع

لا تتخيل كل الناس ملائكة فتنهار أحلامك ،،

ولا تجعل ثقتك بالناس عمياء لأنك ستبكي ذات يوم على سذاجتك ،،

ولتكن فيك طبيعة الماء الذي يحطم الصخرة بينما ينساب قطرة ،، قطرة
رد مع اقتباس
سحابة سديم غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع

المواضيع المشابهة (العرض التجريبي)
الموضوع كاتب الموضوع المنتدى مشاركات آخر مشاركة
طريقة عمل معجنات بالصور - طريقه عمل عجينه المعجنات بالصور - صور معجنات 2012 $ام ليان$ المعجنات والمخبوزات والسندويتشات 28 04-04-1433 هـ 08:09 صباحاً
بنات جده :محلات وحريم يسوون حلويات و معجنات للحفلات؟؟؟ نودي* ساعـدوني 8 06-02-1433 هـ 10:49 مساءً


الساعة الآن 03:13 .