بالنسبة للبنات اللي مو طالعة لهم الصور .. روحوا للصفحة الثانية "على هالرابط " من الموضوع نفسه بتلاقون الصور ان شاء الله
بدون مبالغة .. الحلو اللي سويته بمستوى المطاعم و أحلى
تبين تسوين كيكه و داخلها صوص كاكاو و مثل هذا و بكل سهوله :
عيل اتبعي معاي هالخطوات و راح تدعين لي بعدها .
و صدقوني ماراح تاخذ منكم اكثر من 20 دقيقه بالكثير .. و لازم تقدمينها حاره و على طول .
المقادير:
- 1 كوب زبدة غير مملحة بدرجة حرارة الغرفه " و اذا مو متوفره استخدمي مملحه و استغني عن ذرة الملح "
- 227 جم " 8 أونص " كاكاو مبشور شبه محلى semisweet أو حبيبات الكاكاو الجاهزه chips اللي تستخدم في الكوكيز ( انا استخدمت كيس هيرشي اللي مثل هذا "
- 5 بيضات
- نص كوب سكر
- ذرة ملح
- نصف ملعقة فانيليا سائلة
-4 ملاعق كبيرة طحين
- 8 مواعين فخار صغييرة مثل اللي تستخدم في السوفليه " مثل هذي " أو بالصينية الخاصة بعمل كيك المافن واللي فيها 12 مكان للكيك و اللي مثل هذي .
الطريقة :
- شغلي الفرن بحرارة 450 درجة فهرنهايتية ( تقريبا 230 درجة سيليزية )
- ذوبي الزبدة مع الكاكاو فوق النار على حرارة متوسطة .ولما يذوب عدل بعديه عن النار .
- في خلاط الكيك حطي البيض و ضربيه
. بعدين ضيفي السكر و الملح .
- ضيفي الكاكاو السائل و لما ينخلط عدل ضيفي الطحين . و الفانيليا
- دهني المواعين بالزبدة . استخدمي الفخار
أو المعدن بس حطي بالمعدن الأوراق الخاصه بالكيك و هم دهنيها .
- حطي الخليط في الاكواب . و لا تعبينها . حطي لي نص الماعون بس .
و دخليها الفرن على الرف الوسطي.
- راقبيها ..راح تستوي ما بين 8 إلى 10 دقايق " انا استوت عندي ب 6 دقايق " .. شلون تعرفينها انها استوت . لما تشوفين جوانبها . غالبا بتشوفين سطحها لين نوعا ما بس مو سائل .. عادي لان راح ييبس شوي بعد ما تطلعينه.
بعد ما تطلعينه قدميه على طول .
ممكن ترشين عليه سكر ناعم أو تحطين فوكه آيس كريم .
للاسف الصوره النهائيه مو واضحه بس و الله ما تفرق عن الجاهز اللي ينباع بمحل chocolate bar أو ب water lemon " الكويتيات يعرفونهم "
و بحاول لما اكررها اصورها صورة احلى
و كبديل شوفوا هالصور
باشاميل @bashamyl
محررة
لأول مرة بالمنتدى .. كيكة المولتن Molten Chocolate Cake.. "صورتها لكم بالخطوات"
357
105K
يلزم عليك تسجيل الدخول أولًا لكتابة تعليق.
الصفحة الأخيرة
فعلا فاخرة:)