24-02-1433 هـ, 04:37 مساءً
السلام عليكم ورحمة الله وبركاته
مساء الخير
حبيت انزل لكم طريقة غسيل الملابس في الغسالة الاتوماتيك تعبئة امامية
كثير بنات اشوفهم يسبون هالضعيفة ويقولون ما تنظف عاد حزنت عليها لان هالغسالة قمة في الروعة
وقلت خليني انزل موضوع عن طريقة الغسيل فيها
اول شي
كل ست بيت لها طريقة معينة في الغسيل
ولها طرق في ازالة البقع والتنظيف
انا عندي غسالة عادية حوضين
وسكنت بشقة مفروشة فيها غسالة تعبئة امامية ارستون ولما جربتها واجهتني نفس المشاكل في الغسالة العادية
مثل البقع الي ما تنظف الا بمعاملة خاصة
يعني هي مثل الحوضين بس يبي لها احد يفهمها
للي يشتكون من الابيض ما ينظف هاذاي طريقة الغسيل الابيض فيها
1- عالجي البقعه قبل تبداين الغسيل
اذا البقعة صعبة جدا صبي شوي كلوركس على البقعة
2- اقلبي الملابس على الظهر
3- حطي الملابس بالغسالة وحطي الصابون بالدرج المخصص والكلور والملطف بالنسبة لي استعمل اريال ما احط كلور الا اذا في بقعة صعبة احط شوي عليها واشطفها قبل ادخلها الغسالة
4- حطي الماء على درجة 90 درجة
5- اذا الملابس تحتاج نقع حطي على غسيل ثم نقع وحطي تاجيل الغسيل
انا احطها قبل انام واأجل الغسيل الين الساعة 4 الفجر وتبداء تغسل تحتاج ل3ساعات لما اقوم اصلي وارتب بالبيت تكون الساعة 7 وخلصت اروح لها واطوي الي يحتاج طوي وعلى الدولاب والي يحتاج كوي على طول اكوي وارجعها للدولاب
كذا خلصنا الابيض
,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,, ,,,,,,

الحين للملون
افرزي الالوان على حسب درجة اللون فاتحة وغامقة
استعملي سائل غسيل بدل الصابون البودرة
الغامقة استعمل شامبو عباية
فيه انواع شامبو بدون او قليل الرغوة
عندي استعمل اومينو حلو
اختاري درجة حرارة الماء على البارد
ومدة الغسيل على 30 دقيقة
والتجفيف بعد على البارد لا تختارين الحارر ابدا" لانه يبهت الالوان
.............................. .........................

الالوان الفاتحة جدا حطي صابون اريال
الموية على البارد وايضا وقت الغسيل يكون مدة قصيرة
.............................. ....................

الملابس الداخلية
صابون اريال ونقع وماء حار بس مدة غسيل متوسطة

.............................. ..............
المناشف صابون اريال وماء متوسط 50 درجة ومدة غسيل 30 دقيقة لانها مو وسخة كثير

.............................. ..................

باقي المفارش واللحف والمخدات ما جربتها لان الغسالة كانت 7 كيلو
ان شاء الله قريب اغير غسالتي الحوضين واخذ حجم كبير لاني من النوع الي يغسل بالبيت ما احب المغاسل
وان شاء الله اكون افدتكم بموضوعي
دعواتكم لي بظهر الغيب


24-02-1433 هـ, 04:46 مساءً
الله يسعدك مشكوره بارك الله فيك
بس بسالك هل اللي تعبئته من الامام افضل او اللي من فوق افضل واسهل بحكم تجربتك ومشكوره
سبحان الله والحمد لله
24-02-1433 هـ, 04:58 مساءً
اقتباس مشاركة  (ورد المدينة)
الله يسعدك مشكوره بارك الله فيك
بس بسالك هل اللي تعبئته من الامام افضل او اللي من فوق افضل واسهل بحكم تجربتك ومشكوره
هلا حبيبتي
انا عندي غسالة حوضين متعبة جدا جدا
التعبئة العلوية ما جربتها ابد ما اقدر احكم عليها
بس اختي عندها تقول مرررة مريحة
تقول تحط كل شي وترجع بس تنشر
انا جربت الامامية مرة مريحة
بس يبي لك تفهمينها وتنظمين شغلك
فيها تجفيف كل شي اجففه واجي بس اطوي وارجع بالدولاب
الابيض احب اكويه ما احط المجفف بس تنشيف كنت اجي واطلع الي يبي كوي وارجع اشغلها على تنشيف فيما اكوي تكون خالصة اطلعها واطوي
تخيلي شغلك كله تقريبا نص ساعة
ان شاء الله ناوية على الامامية بس حجم اكبر
والله يكتب الصالح
24-02-1433 هـ, 05:07 مساءً
حبيبتي انا عندي تعبئه من فوق وحجمها9كيلوينفع اغسل فيها لحاف السرير القطن انا دايما اغسل ف المغسله قلت اجرب ف البيت بس أخاف يخرب اللحاف واندم واخاف تخرب حشوته انت7‏ ايش رايك ‏‏?وكيف طريقة غسيلك للحاف معليش رجيتك


24-02-1433 هـ, 05:26 مساءً
اقتباس مشاركة  (أحلى جعالة)
حبيبتي انا عندي تعبئه من فوق وحجمها9كيلوينفع اغسل فيها لحاف السرير القطن انا دايما اغسل ف المغسله قلت اجرب ف البيت بس أخاف يخرب اللحاف واندم واخاف تخرب حشوته انت7‏ ايش رايك ‏‏?وكيف طريقة غسيلك للحاف معليش رجيتك
هلا قلبي رجك زي العسل
خخخخخخخخخخخخ
شوفي حبيبتي غسالتي العادية 7 والنشاف يشيل 4ونص
واغسل فيها البطاطين الصغيرة النفر طبقة وحدة
اللحف حقت السرير النفرين اغسلها في البانيو
اعبي البانيو واذوب الصابون وادخل مع المفرش وهاتك يارقص خخخخ
مو رقص رقص يعني اغسلها بالدعس برجولي
اذا في الللحاف بقعة اغسلها قبل بيدي قبل اغطسها بالبانيو
بعدين احطها على حافة البانيو واخليها تقريبا ساعة الين ينزل الصابون
وارجع اعبي البنايو موية وملطف واكرر نفس الطريقة
بعدين اخليها تطول شوي على حافة البانيو وانشره على المنشر في المطبخ لانه ينزل موية الين الصباح واشغل المروحة الصباح يكون نشف
عشان كذا ابي اخذ ان شاء الله حجم كبير من 10 وفوق لاني اتعب بغسيل المفارش
وسلامتك
شفتي يا عسل رجيتك اكثر من رجتك
24-02-1433 هـ, 05:41 مساءً
اقتباس مشاركة  (سنعة بس ملول)
هلا قلبي رجك زي العسل
خخخخخخخخخخخخ
شوفي حبيبتي غسالتي العادية 7 والنشاف يشيل 4ونص
واغسل فيها البطاطين الصغيرة النفر طبقة وحدة
اللحف حقت السرير النفرين اغسلها في البانيو
اعبي البانيو واذوب الصابون وادخل مع المفرش وهاتك يارقص خخخخ
مو رقص رقص يعني اغسلها بالدعس برجولي
اذا في الللحاف بقعة اغسلها قبل بيدي قبل اغطسها بالبانيو
بعدين احطها على حافة البانيو واخليها تقريبا ساعة الين ينزل الصابون
وارجع اعبي البنايو موية وملطف واكرر نفس الطريقة
بعدين اخليها تطول شوي على حافة البانيو وانشره على المنشر في المطبخ لانه ينزل موية الين الصباح واشغل المروحة الصباح يكون نشف
عشان كذا ابي اخذ ان شاء الله حجم كبير من 10 وفوق لاني اتعب بغسيل المفارش
وسلامتك
شفتي يا عسل رجيتك اكثر من رجتك



‏ فديتك ‏
ياسكره يعني حشوه اللحاف ماتتكلكع ‏‏>‏‏>ههه ونعم الوصف يعني يرجع زي ماكان
عندي كمان فكره ايش رأيك اغسل بالبانيو واخليه ينزل مويته وارجع انشفه بالغساله تتوقع ينفع‏!‏‏!‏‏! أبو الشباب قالي لو خرب أكسر راسك خخخخ طبعآ يمزح بس انا أقوله ينفع وهوا يقيل انه حينعدم عليا


24-02-1433 هـ, 06:14 مساءً
شوفي حبيبتي على حسب نوع اللحاف فيه انواع دمااااار ما ينفع معها حتى المغاسل
بالنسبة للفكرة حلوة الي يخوف هو اللحاف وهو مليان موية اذا يخوف انها تخرب الغسالة
اذا الغسالة تشيل اللحاف توكلي على الله ونشفيها فيها
الله يكتب لك الصالح وييسر لك كل امر
24-02-1433 هـ, 06:38 مساءً
تسلمي حبيبتي عساكي ع القوه الله يسخر لك زوجك و ويعطيكي ع قد نيتك الطيبه


24-02-1433 هـ, 09:09 مساءً
انا غسالتي ماشاءالله تبارك الله 10 كيلو واغسل فيها اللحف نفرين بس الخفيفه مو الثقيله وكمان البطانيات
24-02-1433 هـ, 09:28 مساءً
اقتباس مشاركة  (أحلى جعالة)
تسلمي حبيبتي عساكي ع القوه الله يسخر لك زوجك و ويعطيكي ع قد نيتك الطيبه


اخترنا لك هذا الموضوع:

اقرئي المزيد »

الساعة الآن 09:15 .

جميع الحقوق محفوظة - عالم حواء - 2015