مساء الورد
مساء الشوق
يقولون من طول الغيبات جاب الغنايم
كنت مسافره ورجعت من فتره بسيطه وسويت لي كم طبخه وحبيت انزلها لكم لعويناتكم
بسم الله وعلى بركة الله
اول شي نبدا بخبز الصاج السريع
اسويه بالطحين الابيض لذيذ لذيذ ومع جبن سايل وكرك يصير خووووش فطور ..
هذي صورته
طريقته سهله وهي ملح وماي وملعقة حليب نيدو وطحين
صراحه مالها مقدار عندي اسويها على نظري بس اهم شي ان الخليط يصير مو ثقيل ولاخفيف يعني نص ونص
تدهن الصاجه بزيت ثم يصب الخليط ويواسى واذا احمر من تحت يقلب عالوجه الثاني لين يشقر وبس..
الحين نجي للتشيكن ماسالا
جربته بربيان ودجاج اما لحم مابعد جربت بس الروبيان عجبني اكثر
طريقته
بصل وثوم وفلفل حار وزنجبيل طازج يحمس عالنار
بعدين تحطين الدجاج او الروبيان وتقلبين ثم البهارات وهي : كزبره ناشفه مطحونه وزنجبيل مطحون وبهارات ماسالا او كاري وملح وفلفل احمر بورده وملح
تصاف صلصه وعصير طماطم وتترك تتسبك
لما تنضج نضيف نص كاس قشطة خفق وكزبره وبقدونس طازجه ومفرومه
تقدم مع رز ابيض..
حلى القوالب
هالقوالب شفت طريقة الحلى حقتها وماقتنعت فيها مدري ليش لاني ماحب البسكويت يكثر بالحلى احب الحلى يميل للكيك والصوص اكثر عاد اخترعت حلى من راسي
وهو :
الطبقه الاولى:
جوز هند حطيته على حليب مغلي وسكر يصير زي العجينه والحليب ينشف ورصيتها بالقوالب
ثم فتت كيك شوكولاته وحطيت عليه الباقي من الجوز هند وشوي قشطه ورصيته بالقوالب ثم سيحت بالمايكروييف جالكسي وقشطه وصبيتها فوقها وزينتها بحبيبات الهيرشي
طلع خطيييير
حلى فراشتي وخنفسانتي خخخخخخ
بعد من راسي وهذي مشكلتي لازهقت حطيت حرتي بالطبخ من راسي مره يضبط ومره اجيب العيد
طريقته: سيحت جالكسي وبطنت فيها القوالب ثم اخذت كيك سويسرول شوكولاته مع ايسكريم شوكولاته وخلطتها مع بعض وحطيت شوية مكسرات وحطيتها بالقالب ثم غطيتها بالجالكسي ودخلتها الفريزر ..
الحييييين طيخات خيتوووو
كيكة سبونج بوب
سوتها بس تقول ان القمع اللي تزين فيه انفتح عليها وصارت عيونه صفراء خخخخخخ ولاتدققون باسنانه
اول تجربه لها بس ماشالله انا عاجبتني وعيالها طااااارو من الفرحه فديتهم
موالح حاره
هذي بف باستري حطتها بقوالب كب كيك وحطت عليها خلطة اجبان : جبن موزريلا ومالح وشيدر وفلفل رومي وزيتون ودخلتها الفرن
وقدمتها مع صوص الكشري..
والحين خلص مافي جعبتي ههههههههههههه
اشوفكم على خير
ماشاءالله
تسلم ايدك يالغاليه