..
كيفكم جميعا عساكم بخير وعافيه
,,
..
أنا يالغوالي أحب الأشغال اليدويه وقلت بما أني قاعده في بيتي لاشغل ولا عمل دنيوي خلني أصلح لي شي أستفيد منه
وكان خاطري أسوي لي سفره للقهوه يعني للضيافه
وشغلت مخيخي وطلع لي أشياء حلوة والحمد لله والمنه أعجبت اللي زاروني
بس أحس الصور ظالمتني ماطلعت شغلي زي ماهو في الحقيقه ,,
..
المهم يالحبيبات هي عباره عن :
1)- سفره ..من نوعين قماش بطانه ستان بيج لامع ودانتيل أحمر (لأن لون مجلس الحريم أحمر وبيج) قصيتهم بالتساوي وخيطتهم بالمكينه ,,
وعليها شريط كلفه ترتر ذهبي ثبتها بصمغ المسدس ..
وتغليف بلاستيك شفاف متين ثبته بعد بصمغ المسدس ..
,,
2)- وعلبة منديل..عباره عن كرتون جلدته ولبسته البطانه البيج وبعدها الدانتيل الأحمر وبعدها الشريط الذهبي وكلهم ثبتهم بصمغ المسدس ..
,,
3)- وسله زباله ..ولكم الكرامه تنحط بجنب السفره للمناديل بدل ماتصير السفره مليانه مناديل وتزعج الضيوف تصير هالسله حاويه للمناديل بشكل مصغر .. السله عباره عن علبة شاي أخضر أسطوانية الشكل بطنتها بالستان ثم الدانتيل وشريط الستان والتغليف البلاستيك ..
,,
4)- صينيه ..كنت بحطها للمعجنات بس شكلها ماضبط للمعجنات ,,
قمت حطيتها للبخور يعني بعد مايخلصوا الضيوف ضيافتهم أحط بالصينيه دهن العود ومخلط ثاني ورد ومسك ومن هالأشياء والمبخره فيها الجمر وعلبه من نفس اللون فيها العود وأجيبها وأطيب ضيوفي ..
تنبيه: أنا ما أبخر غير الضيفه اللي من سيارتها لباب بيتها يعني ماتمر مكان ثاني علشان إثم ريحة العطر وهي طالعه برى ..
والحمد لله كل اللي يجوني محافظات ولله الحمد والمنه ولايتعطروا وأسألهم قبل البخور علشان اللي عندها مشوار بعد ماتطلع من عندي ماأبخرها ..
,,
اللهم ثبتنا على طاعتك وأغفر لنا وتب علينا وأرحمنا
,,
..
المهم هذي يالغاليات الصور وسامحوني على كثر الكلام
,,
..
,,
,,
,,
,,
,,
,,
هذي السفره وعلبة المنديل
..
أتمنى ماأحد يرد لين أكمل تنزيل الصور الباقيه
وتقديري لكم
..
,,
,,
,,
,,
,,
,,
,,
راجعه لكم أنتظروني
,,
..