سبحان الله وبحمده ,سبحان الله العظيم
السلام عليكم ورحمة الله وبركااته
اسعد الله ايااامكم بذكره ونور الله قلوبكم بالايمان حبايب قلبي ,,
اقدم لكم مرقوقي الي اشرفت عليه خطيبة ولدي ربي يحفظهم ,, هي بنت اختي ,,رحت زياره لهم وكان عشاءنا
وقلت لازم اصوره وانزله لحبايب قلبي اليكم المقادير وبعدها الطريقه ,,
بسم الله توكلت على الله ,, ولا حول ولا قوة الا بالله
اول شي هاي خطيبة ولدي بسم الله عليها رافضه تعطيني الهوند مسويه اني دندونه قدامك ياااخاله جالسه دق البهارات وعباره عن فلفل اسود وكمون ,,,
اليكم المقادير
بطاطس + كوسه +جزر مقطعه ومغسله ومنقعه في مويه ,,
دجاجه كامله مقطعه قطع صغيره ,,
مكعب واحد ماجي ,,معجون طماطم ..طبعا مو كله بينحط اخذت منه بس ملعقتين صغار
4حبات طماطم مقطعه ,,بصله واحده ,,,خمس حبات ثوم مقطع كما في الصوره
ليمونه ناشفه ,,عودين قرفه ,,خمس حبات هيل ,,2مسمار ((عويدي)) ,,ملح
العجينه لازم تكون قاسيه ,, مكوناته كوبين دقيق اسمر ((حنطه ))وكوب دقيق ابيض شوي ملح وشوي زيت
ومويه والسر في العجينه حطيت معها فلفل اسود وكمون مطحونه وعجنتهم سوى
اليكم صورة المقادير والعجينه بعد ماعجنتها رشيت عليها بهارت عشانا اوريكم ...
نبدا في الطريقه
حطيت البصل والزيت وقلبته شويتين لحد ماحمر وعلى وشك الاحتراق ,,حطيت الدجاج وقلبته حتى تنشف مويته ثم حطيت الطماطم والماجي والقرفه واليمونه والهيل والمسمار والثوم ومعجون الطماطم وقلبتهم زين زين وخفضت النارعليهم وخليتهم خمس دقائق وحطيت البهارات المدقوقه الي هي فلفل اسود وكمون وقلبتهم وخليتهم كمان شويتين وحطيت الخضار وقلبتهم كماااان ,,,شوفوا الصوررر اكيد هي ابلغ من كثر القرقره,,
وهون العجينه وقت الفرد والقص والترتيب
اضفت المويه الحاااااااااره على الخضار وخفضت النار على الاخر وبدات بسم الله ارمي عجينه عجينه وطبعا اخواتي معي عشانا نخلص بسرعه
هون خلصنا العجين كله وقلت بسم الله وقفلت القدر وحسبت له ربع ساعه بس
هون بعد مافتحت القدر شكل المرقوق يفتح النفس
دقيت 3فصوص ثوم مع ملعقه صغيرهـ كمون وحطيتها فوقه بدون ماقلبه ورجعت الغطاء عليه لمدة عشر دقائق بس النار مش مولعه
شوفوا كيف بعد مقلبته على خفيف وبهدوء ونعووووووووومه مابحب المرقوق حايس حلاته خضاره واضحه مو مهروسه وعجينته مرتزه تقول احم احم انا هونا,,لاتنفجعوا انه صار قليل دخت من الريحه وتذكرته بعد ماحضرنا ....
وبالعافيه عليكم وسامحوني على القصورررررررر ...نسيت اقول لكم حبوبات اخواتي مشتركات معي في المرقوق ادري انهم بيخشون ويشوفوا الموضوع واذا ماقلت انهم معي ياويلي ويلها من النظرات وانا تعبت اكثر وحده تصوير وطبخ واااااااخر شي علي غسيل الموااعين كلها ياقهري وكل هذا بنتها تبغى ولدي يارب احفظنا جميعا ولاتحرمنا من بعض ...
الحمد لله الذي اطعمنا هذا الطعام ورزقنا ايه من غير حولنا منا ولا قوة
اللهم اصلي وسلم على نبينا محمد وعلى ال محمد كما صليت على ابرهيم وعلى ال ابراهيم انك في العالمين حميدا مجيد