لازانيا مع تبوله والصوص الحااااااار

السلام عليكم ورحمة الله وبركاته
بدون مقدمات وكلمات رنانه وبدون جمل منمقه
اليوم ياطويلات العمر سويت لازانيا والحمدلله حازت على رضا امي وابوي اخواني وحرمة اخوي مع انه كان ودهم برز بس كتغيير عن المعتاد قلت اسوي لازانيا وتبوله واليكم الصور مع الطريقه
اولا المقادير اسفه مافكرت اصور الا يوم سويت كل شي العذر والسموحه منكم
لحم مفروم ,, بصل ,, ثوم < الثوم الي استخدمه في اغلب طبخي هو الثوم المخلل بالزيت مره روعه
زنجبيل اخضر ,,طماطم مفرومه,, صلصله ,,زيت ,,ملح فلفل , اوريقانو ,شوي مويه ,بقدونس ,شبث ,
اولا تحطين اللحم بقدر وتحطين عليه مويه مغليه وتخلينه على النار حتى يغلي اللحم مع المويه بعدين تطلعينه وتغسلينه علشان زفرة اللحم تاخذين قدر تحطين فيه بصل وزيت وتقلبين حتى يذب بعدين الثوم وتقلبين بعدين الزنجبيل بعدين اللحم وتقلبين خمس دقايق وتحطين البهارات الفلفل والملح والدقه <هذا سر نكهة طبخي ,, الى الان عطيتكم سرين من اسراري
بعدين تحطين الطماطم المفرومه وبعدها الصلصله وبعدها المويه لاتكثرين مويه بس نبي اللحمه تصير فيها مرق شوي وبعدين تحطين اوريقانو وبكذا نكون خلصنا اللحمه وهذي صورتها

3

في هذه الاثناء او قبلها نكون حاطين مويه في قدر كبير وملح وشوي زيت ونخليه يغلي ونحط ثلاث حبات لازانيا لاتكثرين علشان ماتلزق في بعض ,, ونجيب صينيه ونحط فيها مويه بارده علشان اول مانطلع اللازانيا من القدر نحطها بالمويه البارده وتكون اللازانيا نص استواء مو سوا كامل لانها راح تكمل سواها في الفرن
وهذا شكلها بعد السلق

1

نجي للبشاميل
خمس ملاعق حليب لكل ملعقه حليب كوب ماء
وثلاث ارباع الكوب دقيق ونص كوب زيت
كلها تخلطينها في الخلاط وتحطينها في قدر وتخلينها على النار تحركينها حتى تثقل وتحطين عليها اوريقانو وفلفل ومرقة ماجي
تقفلين النار عليها وتحطين عليها ملعقتين مليانه جبنه كرافت كاسات
وهذا شكلها النهائي

2

نجي للطريقه
نحط في الصينيه الي راح ندخلها الفرن
شوي بشاميل وشوي من اللحمه ونخلطها مثل الصوره

4

بعدها نحط اللزانيا ونحط شوي من اللحم وشوي فوقها من البشاميل ورشة بارميزان وشوي موزيريلا وهذي الصوره
5

66

تاااااااااااااااااااااااااااااااااااااااااابع بليزززززززززززززز لا احد يرد حتى اخلص :09: