مريت بفترة 6 أشهر تعبانة من ظهري وتدليك وحوسة ولا زرت احد ولا قبلت زيارة أحد عشان ماعندي احد يقوم فيهم لا شغالة ولا اهلي قريب
ومن قبل اسبوع تقريبا طلعت للجيران ومسكو في لازم ترتبين لنا طلعة استراحة ننتظرك
وارجع للدوام واقولهم حكاية الجيران ويقولون حتى احنا ننتظرك تتعافين >>> متخصصه في المسابقات والبرامج والالعاب والمحاضرات الدينية
وبعد طبت علينا معها كم مناسبة
وبعد فترة ركود وراحة شكلي ظهري بيرجع للتعب مرة ثانية الله يعين
طبعا فرفرت ادور شي مميز وحلو ولقيت هذا الموضوع الله يوفق صاحبته
طلبت منها بألف ريال وحطت لي معاه هدية وشحنتها فيدكس بعد
وريحتني من الحاجات الي اسويها وارجع اغسلها مع ان عندي غسالة بس تعب هذا رابط الموضوع وتقريبا كل الي حاطته طلبت منها درزن ولا ثنين وبعضها ثلاث على حسب
http://forum.hawaaworld.com/ec_showproduct.php?t=3154018&page=6
عندي بكره استراحة لحريم الجيران جمعة كل كم شهر مره في استراحة بس الحريم
والخميس الجاي بعزم وحده وبنتها ومجموعة معلمات زميلاتي ومشرفات
والأربعاء الثالث ملكة بنت زوجي ووعدتها بحلا للسفره نفس لون فستانها وردي وفضي
والخميس جمعة استراحة المعلمات في كل فصل دراسي نسويها مره وطبعا هذي اهم مناسبة فيها لأن تعرفون مجاكرة الحريم
وبكره الجيران حليلات على قدهم فماسويت أشياء كثير قالو علي صنف حلا وصنف سلطة
السلطة خليتها سلطة البقول مع طبقة صوص الزبادي والطحينه والخ مع بطاطس برنجلز
والحلا طبقات منوعه في حلا الكاسات
وبعد هذي المقدمة الطويلة
اوريكم الصور مع المقادير وشرح للطريقة حلا الكاسات البلاستيكية بطريقتي
من الجنب للمجموعة كاملة
هذا الاول حطيت جلي برتقال الطبقة الاولى
الثانية اوريو كسر
الثالثة12 كيري وعلبة نستلة و2 قشطة و3 دريم ويب وخلطتها ونفس هذي الطبقة الاخيرة لكل انواع الحلا
اما الي تحت على حسب
وزينت الي بالبرتقال ببشر الجلاكسي وزينة ذهبي هذا شكلها
والنوع الثاني جلي ليمون الطبقة الاولى
والثانية أناناس قطع
والثالثة نفس الطبقة في كل الانواع نستلة وكيري وقشطة ودريم ويب
وزينتها بتوفي جاهز ومالتيزرز
تابعوني
