أسعد الله أوقاتكن بكل خير
سلمكم الله هذي بنتي امس بالليل تقول ياماما بكره عندنا حفل بالمدرسه ويوم سألت عمتها ( لانها مدرسه بنفس المدرسه ) تقول حفل تكريم المعلمات عشان يوم المعلم قلت اهااا .. في البدايه ماتحمست بس بالليل قالت بنتي ليش ماتسوين لي ياماما دايما تسوين لرشود وانا لا طبعا هالكلمه كانت كالسهم القاتل بقلبي ،،،قلت لها ابشري اسوي لك من عيوني كم لولو عندي ،،،
واقوم احوس بالبيت ادور لها على فكره حلوه وسريعة التنفيذ والحمد لله من حظها ليلتها شريت كيسين شوكولاته من بنده
وجبت هالبوكس كان عندي وعبيته بالشوكولاته وطبعت لها بطاقة كتبت فيها :
( لأنك تستحقين التكريم // شكرا معلمتي )
وطلعت معاي بهالشكل
ويوم خلصت منها ويادوب اخذت لي غفوه قبل الفجر وبعد ماصحيت عيالي عشان اوريها طبعا طارت من الفرحه فديتهااا وقالت لي شكرا ياماما ( قسما بالله خنقتني العبره وقتها )
لكن ما اكتملت فرحتي يوم شافها اخوها وفك الونااااان وهاتي صياح يقول ليش بس لولو قلت له انت بكره قال مانيب رايح المدرسه خلاص ولا يوم قلت الله يعني بسوي لك اصبر طبعا اكيد حاسين بالتعب بعد السهر
قمت جبت له سطل كبير شوي وعبيته شوكولاته وصممت له بطاقه وكتبتها باسمه كمعايده منه لاصحابه بالروووضه
وقامت الحرب بعدهااا كل واحد يقول للثاني حقتي أحلى
صوره جماعيه
وهذا رشودي شايلها من الحماااس ويقول صوريني معهااا
بس والله يوم شفت فرحتهم فيها وهم طالعين نسيت التعب
والله يحفظلكم عيالكم جميع
واعتذر على رداءة التصوير لانه ع السريع الساعه 6 وربع الصباح
شغلك حلو حتى لو ع السرييييييع
الله يخليهم لك وييرزقك برهم