السلام عليكم جميعا
بنوتات ومتزوجات
انا عضوه جديده نوعا ما يعني مالي بالمنتدى شهر وحبيت انه اشارككم بتجربتي مع الوزن
انا ولله الحمد طولي حلو وتفصيلة جسمي حلوه لكن كنت اعاني من السمنه
كان وزني 67ولانه انا نوعا ما طويله ماكانت تناسبني السمنه ابدا
طبعا كنت ابي ابدا الدايت بس قلت انتظر اخلص اختباراتي بالجامعه وبس خلصت بديت تقريبا بعد 7-7 بدات الدايت
بالبدايه بدات نظام غبي وجبته من راسي
كنت اصحى الصباح وافطر الفطور الي يعجبني بس اظل عليه اليوم كله يعني ما اكل شيء الا صباح اليوم الثاني ويجي الصباح وانا جيعانه
النظام كان قاسي شوي وبعديين ندمت اني عملته وحسيت لو اني وزعت الاكل ع ثلاث وجبات او وجبتن عالاقل كان اهون
المهم نزلت عليه تقريبا 5 كيلو يعني من 67 الى 62
وظليت عليه الى رمضان برمضان كنت اكتفي بوجبة الافطار وكنت متعبه نظام حساب السعرات الحراريه يعني مثلا
لما اكل سمبوستين وكل وحده فيها 150 سعره وكم ملعقة مكرونه وقطعه صغيره حلا توصل السعرات الى 700 واكتفي بهالقدر واقوم من السفره حتى لو مشتهيه اكل بعد وبرمضان نزل وزني الى 59
ومن وقتها الى الان كنت ظليت متبعه نظام السعرات الحراريه ووزني حاليا 57 والحمد لله ماشاء الله
جسمي تمام ومجموع نزولي 10 كيلو
بس بقولكم شيء اكتشفته احلى نظام هو نظام السعرات الحراريه لانه مايحرمك من شيء معين
مثلا الكت كات فيه 102 سعره حراريه ليش تحرمين نفسك منه
تناولي ماتحبين بس احسبي كم سعره ولاتزودين سعراتك باليوم عن 700 وكثري رياضه
ترى المشي السريع نص ساعه = حرق 150 سعره
والاهم الاهم هو الاراده والصبر والعزيمه
وبصراحه ضروري النحف للكل العزباء والمتزوجه
الله ينحف كل من تبي تنحف ويمتعكم بالصحه والعافيه ولاتنسوني من دعواتكم
اختكم
رزان
بس بدي اصحح لك معلومه يجهلها الكثير
صحيا يجب ان لا تقل السعرات المتناوله في اليوم عن 1200 سعره ابدا ابدا و للي بده ينزل وزنه يضل في هذي الحدود و يزيد نشاطه اليومي و رياضته و حركته..للتنويه و الفائده فقط
صح بهيك بينزل تقريبا 2 الى 4 كيلو في الشهر
موفقه و مشكوره