السلام عليكم ورحمة الله وبركاته
كيفكم يا اخواتي
دي اول مرة اكتب فيها موضوع بنفسي اتمنى انه يعجبكم وينفعكم بيه :39:
هوموضوع متكرر كتييييير طبعا لكن انا في فترة تعليم بنتي مريم كنت محتاجة استفيد من اي تجربة
ودي تجربتي انا بعد الكتييييييييييييير من القراءة وكمان بعد التطبيق العملي
نبدأ على بركة الله
اولا:السن المناسب للتعليم
اول حاجة لازم نعرفها ان الاطفال مش كلهم زي بعض يعني فيه اللي بيحبي الاول وفيه اللي بيسنن الاول وفيه اللي بيمشي من غير حبو..................
والموضوع ده كمان فيه طفل بيتقبله بدري وفيه آخر لازم نصبر عليه شويه
بس من وجهه نظري السن المناسب سنة و7شهور وما فوق ومش قبل كده عشان الطفل يكون عله قدر من الفهم ولو حتى 20% من الهدف من تدريبة وايه هي العمليه نفسها وحاجات كتيييييير ......طبعا في ناس هتقوللي مافيه بيعلموا اولادهم في سن صغير "من شهر أو 40 يوم او4 شهور"وعلى سنة بيكون الطفل اتعلم وتمام التمام ......طيب يا ترى الطفل اتعلم ازاي اتعلم زي_انا آسفه اني باقول كده_القطة ما بتتعلم يعني بدون فهم ولا ادراك مجرد اتعود انه يعمل هنا ودي بدايه التبول اللإرادي عند الطفل لأنه طول ماهو صاحي متعود يعمل في المكان ده لكن لما ينام بيعمل وخلاص بدون فهم انا طولت في النقطة دي لأنها محور جدل دايما
ثانيا: التمهيد لبداية التدريب
ودي نقطة مهمه جدا بتبدأ قبل التدريب الفعلي بشهر تقريبا
1_تمهيد الطفل
*نفسيا:وده باننا بنفهم الطفل ان ماما او بابا بيدخلو الحمام وانت كمان زي ماما وبابا ونبدأ نقوله ان البيبي اللي انت عملته ريحته وحشة والمفروض يكون في البوتي (النونية) ونحكي قصة الولد اللي ماما بتحبه وكان بيعمل في البوتي
*بدنيا:اننا ننظم الاكل في اوقات محددة يعني الفطار له وقت والغداء والعشاء وكمان بكميات محدده وبكده ننظم عملية الاخراج
2_تمهيدك انتي نفسيا
لازم تشحني طاقتك وتركيزك ان يوم كذا هابدأ في تدريب طفلي الحمام وتخلصي اي مشاريير وراكي قبل التدريب وتحمسي نفسك بانك تقولي دايما انها مرحلة صعبة شوية وهتعدي وبعدا ترتاحي من الحفاضات ومشاكلها.
3_تهيئه البيت
لازم تشيلي كل السجاد واي شيء خايفة علية تحطي عليه مشمع او اي كسوة عشان الفوضى اللي هاتحصل
ثالثا:بداية التدريب
بتكوني جايبة البوتي من قبلها بفترة عشان الطفل ياخد على شكلها وياريت تكون لها شكل بيحبه الطفل زي دب او سيارة.....................
وتقلعيه الحفاض واول ما هيعمل هيبدأ يدرك الموضوع وهتلاقيه مشتغرب ايه ده؟؟؟؟
دي بداية النجاح
انتي هتقوليله ايه ده كخ نعمله في البوتي وتكثري من الكلام مع الطفل في اول3 ايام هاتشعري انه مش فاهم حاجه بس اوعي تلبسيه حفاض تاني حتى لو زادت عن 3 ايام وطبعا كل مره بيعمل على نفسه بتقوليله قول لماما عايز البوتي يا حبيييبي
بعد كده هتلاقيه يقولك بعد ما عمل ده تاني علامة انك في الطريق الصحييح و الله لما تستمري بدون تعصب او ضجر في خلال 10 ايام هيكون ابنك ظبط حاله
والله انا بنتى ربنا يحفظها "مريومه" مشيت معاها بالطريقة دي والحمد لله بعد اسبوع جابت نتيجة مزهلة
اهم شيء الصبر واحتساب الاجر
وماتنسو الدعوة الحلوة لاختكم
يلزم عليك تسجيل الدخول أولًا لكتابة تعليق.
كم عمر بنتك الله يسعدك بنتي عمرها سنتين وشهر واحس ماتفهم علي مرة رديلي الله يسعدككم عمر بنتك الله يسعدك بنتي عمرها سنتين وشهر واحس ماتفهم علي مرة رديلي الله يسعدك
نفس عمر بنتي ردي علينا جزاك الله خير
الله يجزيك خير
موضوع جاء في وقته
ولدي عمره سنتين واربع شهور دحين بداء يفهم علي بس لسؤ الحظ دخل علي الشتاء والوقت هدا صعب اعلمه
موضوع جاء في وقته
ولدي عمره سنتين واربع شهور دحين بداء يفهم علي بس لسؤ الحظ دخل علي الشتاء والوقت هدا صعب اعلمه
نفس عمر بنتي ردي علينا جزاك الله خيرنفس عمر بنتي ردي علينا جزاك الله خير
آسفه على تأخير الرد
بنتي كان عندها سنتين وخمس شهور لما علمتها الحمام بس انا اتاخرت عليها عشان كنا في الشتاء لكن ممكن نبدأ قبل كده:39:
الله يجزيك خير موضوع جاء في وقته ولدي عمره سنتين واربع شهور دحين بداء يفهم علي بس لسؤ الحظ دخل علي الشتاء والوقت هدا صعب اعلمهالله يجزيك خير موضوع جاء في وقته ولدي عمره سنتين واربع شهور دحين بداء يفهم علي بس لسؤ الحظ دخل...
وإياك حبيبتيك
دي مشكلة لأنه معناه انك هتستني كتيييييييير لو عندك دفايه في البيت حاولي تعلميه عشان ترتاحي انت ولكن لو حسيتي انه ممكن يبرد بلاش صحتهم اهم من اي شيء
الصفحة الأخيرة
رديلي الله يسعدك