بنات الامارات شو سالفة الجنسيات و الجوازات اللي طايحين الاهالي فيها بيع حق التجار

سوق عالم حواء التجاري

السلام عليكم و الرحمه...

شخباركم حبايبي...

بصراحه موضوع أغرب من الخيال مدري سمعتوا به ولا لا خصوصا انه منتشر بجميع امارات الدوله...أنا سمعت بس ما جربت بس اذا كان صج بجرب خصوصا انه مغري... :)

سمعت ان التجار الهوامير الله يطول بأعمارهم يا رب يشترون أسماء مواطنين عن طريق نسخة الجواز أو الجنسيه علشان يشتركون فيها بالأسهم و طبعا اللي بيبيع اسمه أبد ما يطلع خسران لأنهم يدفعوا للشخص الواحد من 30000 الى 100000 الف درهم اماراتي ...مدري الكلام صحيح أو بس اشاعات..اذا الكلام صح انا بايعه من اليوم خصوصا اني مب من هواة الاسهم و لا أعتقد راح أشترك فيها في يوم من الايام لاني ما افهم فيها أصلا.

ودمتم سالمين...ويا ليت اللي عندها اي معلومه تفيدنا يزاها الله الف خير..
18
763

يلزم عليك تسجيل الدخول أولًا لكتابة تعليق.

تسجيل دخول

توته الحلوه
توته الحلوه
الغاليه اعتقد انها اشاعه
لان اللي يسجل لاي سهم لازم يكون متواجد بنفسه
يوقع على الاوراق الخاصه الا عن طريق الوكاله اذا الشخص عنده وكاله عامه عنج

+الجواز الاصلي+الجنسيه (مش صوره الجواز)

واما ادري اذا هاي الطريقه حلال او حرام لان فيها نوع من النصب

ان شاء الله اني قدرت افيدج
غيمه مطر
غيمه مطر
صدج كلامج يالغاليه
انا بولعيال خبرنى عن السالفه

والله صدج ما قصرو تجارنا منه هو ربحان والطرف الثانى ربحان
بنت الكويت العسل
حبيبتي هذا من زمان يصير بدول ثانيه مثلا لكويت عندنا يصير بس اللي سمعته انه حرام لانه فيها غش وتدليس كانه انتي صاحبة السهم وتبيعين حقج في استملاكه بالكم فلس اللي يعطيج اياها التاجر واهو اللي يقش القش ومن الاساس انتي كانج تبيعين بطاقتج اللي سمعته انها حرام وماتصير اذا تبين الصراحه احسن لج يا انتي تسوين اكتتاب باسهم بنك لانه مضمون انشالله او شركة اتصالات وانا مكتتبه ابنك بلكويت هذا اللي اعرفه
بنت_البنات
بنت_البنات
ووايد من الناس والتجار اشتروا خلاصات القيد بس لازم اتكون الاصلية ويعطونج عن كل اسم شخص الف درهم اختي

وفي ووايد من الناس ما عندهم شغل الا يالسين جدام المحكمة يدورن على ناس يشترون منهم خلاصات القيد
المشغولة دوما
3000 او 10000 وين نحن يا اختي
انا اعرف انهم يشترون بثمنمئة درهم فقط لا غير وبعضهم يغشونك ويعطون 400 او 500