أخبار حواء:
«    »

                    

إضافة رد
 
أدوات الموضوع انواع عرض الموضوع
قديم 04-12-1432 هـ, 04:22 صباحاً   #1
بقـميـــه كـــلاس

محررة ذهبية
 
الصورة الرمزية بقـميـــه كـــلاس
 
تاريخ التسجيل: 07-07-1432 هـ
المشاركات: 4,387


الكبسـه السعوديـه حبيبة الشعب .... واعترافــي الخطير ...!!







..



نحن الشعب السعوي نقدس الكبسه ونعشقها بجنون..



وخاصه الرجال وبعضهم يتغدى كبسه ويتعشى كبسه >>> صار حلى



طبعا وهذا احد الاسباب لانتشار السمنه والكروش في المجتمع السعودي ... يعني يضربون بالمخمس في الكبسه ويقرطع عقبها كاسه او كاستين لبن >>> ياصبر المعده



ويقولون بنسوي ريجيم هع هع ضحكتموني



الشغالـه تقول مدام هذا نفر سعودي اذا ماياكل كبسه ممكن موت ... لازم كل يوم سوي كبسه بعدين يجي دوبا وبطني يطلع كبير



قلت يابنت الحلال استري ماواجهتي وسلكي ودبي في الكبسه معنا علشان اذا رحتي لاهلك جسمك دوبا وحلو >> طبعا بحكم انها جايتنا نحيفه



طبعا الحريم مايقلن عن الرجال في حب الكبسه ..



عندي اختي المصونه تقول انا اذا مااكلت كبسه في اليوم احس فيه شيء ناقصني احس ماني طبيعيه تضرب الفيوز عندي وتقفل الاخلاق معي >>> حشى خمر مو كبسه هع



وباالمقابل عندي بنت خالتي ماتحب الكبسه تجلس باالشهور مايطب فمها الرز >>> صراحه احسها مب طبيعيه يعني ممكن شهر اسبوع نبلعها بس شهور



تقول ماادانيها ولااشتهيها



عاد بعض الناس يموت في كبسات المطاعم يخق عندها ... واليوم الي بيطلبون فيه كبسه من المطعم يوم عيد خخخخخخخخخ



باالنسبه لي صراحتن صراحتن مااحب الكبسه يوميا مستحيل احسه روتين قاتل



يعني مثلا يوم ايه ويوم لا او اكثر الاحيان كل يومين اكلها ... بس تعالوا بعد يومين احس لو يقولون تبين فطور كبسه اقول هاتوه من كثر ماني شفقانه عليها



اما بعلي المصون لازم كبسه يوميا يقول اذا ماتغديت كبسه تسذا اعرفي أتوماتيك بدون مااقولك اني لازم اتعشى كبسه



حاولت اقنعه جيته منا مناك



قلت يابعد حيي مايصير ناكل يوميا كبسه بعدين تسمن ويجيلك كرشه ويخرب جسمك ..



يعني مثل ماانتم تبون حريمكم جسم حلو وحركات حتى حنا نبغى اجسام رياضيه ممشوقه بدون كروش وصدور خخخ



بعدين نمل يوميا يوميا كبسه كبسه >>> احسها صارت كابوس هع



قال اقول لايكثر يابنت الناس وخليتس مرتن سنعه اجل خبرتي رجالن ماياكل كبسه يوميا >>> قلت ايه الاجانب هع



وحده من صديقاتي تزوجت ... وجماعة زوجها واهله من اهل القرى ... وبعد الزواج راحت لهم واستلموهم الجماعه غدى وعشاء عزايم متتاليه كحال اغلب العرسان



والمشكله انه الغداء والعشاء اسطوانه وحده كبسه مرق ولحم بدون مقبلات او ايدامات طبعا كذا سلوم بعض القبائل



والمشكله انها لازم تاكل وتقلط على الصحن قبل الحريم لانها الضيفه والعروسه الجديده



المهم صبرت يوم يومين ثلاث وفي الاخير طلعت من طورها وجلست تبكي عند زوجها >>> ياني ضحكت عليها يوم علمتني



قالت لزوجها دبر لي حل مليت من الكبسه المهم زوجها سنافي دبرها وعمل المستحيل علشانها >>> توه متزوج لو تقول جب لي لبن العصفور جابه هع هع



لحظه بشطح



<<<<< جالسه تفكر سعر الرز في السعوديه غالي جدا جدا ... ومع هذا مالها بديل الكبسه الغاليه عند الشعب السعودي ..!!



وخاصه حبيب الشعب رز ابو كاس غالي لو تتغلى علينا هع هع



المهم نرجع لمحور حديثنا :



طبعا بعض الحريم الله يهديهن مايحلالهن الرز الا ويحطن عليه ايدام او لبن



والمصيبه اكثرهن تسوي هالحركه في عزيمه او مناسبه >>> تشويه للمنظر العام وطريقه يتقرف منها الجالسين على السفره



اوكيه ماهنا مشكله سوي الي يعجبك بس في بيتك .. خلي عندك اتيكيت ورقي في الاكل قدام الناس



طبعا الاتكيت مب تاكلين بملعقه وشوكه قدام الحريم مجرد تقليد او تحضر وانتي ماعمرك اكلتي بها ولا انتي متعوده عليها ولاتعرفين تاكلين بها



لا ياقلبي خليك على طبيعتك وعفويتك تجنبا للاحراج ...



وترى والله العظيم مـو جريمه ولاعيب ولاحرام تاكلين بيدينك بس بشكل مرتب >>> صدقناك بس لاتحلفين خخخ



طبعا البنات الدلوعات يمامي بينهن وبين الكبسه شوية نفور ... يفكرون ان الكبسه لكبار السن بس هع



ولما تجي تاكل الكبسه تاكل بملعقه وتقعد ساعه وهي تقلب في اللحمه تبي تقطعها باالملعقه



واللحمه معنده وراسها الف سيف ماتنقطع الا بااليد وانواع الاحراج



طبعا عندهن نظريه ان الكبسه تسمن والحلويات والشكولاتات والغازيات ماتسمن >>> ماتقصد شيء هع



ماتدري ان قطعه صغيره جدا من الشوكوولا كفيله بخربطة الريجيم وتزد نص كيلو >>> جاكم العلم هع



على العموم :



هاذي نماذج للكبسات المتداوله عند الشعب السعودي ... وعند الساعه الواحده ظهرا تبدأ عمليات تركيب القدور على النار





كبسة لحم :













كبسة دجاج :













سليق دجاج :











سليق لحم :









كبسة راس من الثلاجه هع هع











وعاد عقب الغدا لازم برادي شاهي على طول >>> عقدة حياتي











زوجي لازم قبل مااحط سفرة الغداء اكون حاطه برادي الشاهي ومحضرته وجاهز .. لانه مباشره عقب مايغسل يدينه يتقهوى



مع العلم ان الدكاتره ينصحون بعدم تناول الشاهي والفواكه والادويه بعد الاكل مباشره لانها تضر الجسم



على الاقل تؤخد بعد الاكل بربع ساعه ان لم يكن نصف ساعه حتى تهضم المعده الاكل



مشكلتنا نقرأ ونسمع ونعرف الصح والغلط ولكن مانطبق اهمال منا وتخاذل





شطحه >>> لي يومين ماسكه على هاالكلمه عاجبتني خخخخ



انا من عشاق الكبده ... وخاصه اذا كانت نصف استواء



والاطباء ينصحون باالكبده لمن يعانون من فقر الدم وينصحون باكلها زي ماقلت نصف استواء يعني مو ناجحه مضبوط















وشسمه بعترف باعتراف خنطير للغايه واتمنى يكون سر بيناتنا >>> ابوك ياالسر الي كلن بيقراه





انا اكل الكبده نيه >>> ادري فتحتوا افواهكم يابعدي



بس يؤسفني اني اقول لكم هاذي الحقيقه واتلذذ وانا اكلها نيه وخاصه لسان التسبد >> الشاطره تعرفه



طبعا هاالعاده متوارثه عندنا في العائله وانا ماخذتها من اخوي الكبير واخوي ماخذها من خالتي



ذالحين خفيت شوي ارضاء لامي الحبيبه قالت ان شفتك اكلتيها مره ثانيه ولا سمعت انك اكلتيها ماني مسلمه عليك ولاني مكلمتك



طبعا تقول لان كبود اليوم مو نظيفه مثل كبود زمان ... الكبود ذالحين مب سليمه واغلبها تكون مريضه >> من قالت لي امي هاالشيء كرهتها نوعا ما >> لاحظوا باقي ماكرهتها مره



ذالحين كل وحده تقولنا وش حالها مع الكبسه هل هي ادمان عندها او لا او عادي..؟؟؟



واولا واخيرا الحمد والشكر لله حمدا يليق بجلاله .. وباالشكر تدوم النعم .. غيرنا مايلقى قطعة الخبزه الله يديمها من نعمه ويحفظها من الزوال ياارب



يالله فتكن بعافيه وراحة بال



بقـميـــه كـــلاس غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر



قديم 04-12-1432 هـ, 04:29 صباحاً   #2
#ران موري#
Registered User
 
الصورة الرمزية #ران موري#
 
تاريخ التسجيل: 10-07-1431 هـ
المشاركات: 5,343





ياربييييييييي لو ادري ان موضوعك في صور كبسه مادخلت >> سديتي نفسي عن سحوري



انا اعشق المندي والحنيذ مع الرز هذي ادماني لو افطر واتغدى واتعشى منها ماعندي مانع



اما كبسات الرز العاديه سواء لحم او دجاج او سمك مو دايم .. اذا في ملوخيه اكلت اما اذا مافي لا ما اكل >> تتشرط



تقدرين تقولين عني خبله .. بس مشي خخخخخخخخخخخخخخخخخخخخ


#ران موري# غير متواجد حالياً رد مع اقتباس

قديم 04-12-1432 هـ, 04:32 صباحاً   #3
شهودي2006

كبيرة محررات
 
الصورة الرمزية شهودي2006
 
تاريخ التسجيل: 19-09-1427 هـ
المشاركات: 8,779




هههههههههه

موضوع رايق كالعاده

والله ياقلبي الكبسه ادماااااااااااااااااان

قبل ماتزوج كان عادى يمر على يوم يومين اسبوع

انا بعد الزواج لا

طبعا الفضل لابو الشباب

تخيلى مره وانا عروس قلت يابنت بلاش كبسه خلينى اغير الروتين شوى

وقعت احوس فى المطبخ

انواع الفطائر بالدجاج وبيتزا

وسويت مقليات سلطه الخظار

وقدمتها له

بعد ماكل منها

جبت الشاهى

قعد يناضر فينى





يقول وين الغدى

ااااااااااااااااااااه بغيت انتحر



يعنى اذا مافيه كبسه ماتغدوووو



الى جنه الخلد يايمه رحلتى واظلمت دنياي
كنت بينكم يوما بقلبي وقلمى ..ولا اعلم لى عودة اولا ..سامحونى وحللونى
ولا تنسونى من دعائكم..احبكم
شهودي2006 غير متواجد حالياً رد مع اقتباس

قديم 04-12-1432 هـ, 04:32 صباحاً   #4
صبح الرشاش

كبيرة محررات
 
الصورة الرمزية صبح الرشاش
 
تاريخ التسجيل: 08-01-1430 هـ
المشاركات: 8,212


يوووه

مابغيت أخلص

ماشاء الله عليك ..!

انا غير عن السعوديين انـــا وزوجي نقعد يوم يومين ماذقنا الكبسه

وحتى يوم نروح للمطاعم تلقين كل الطاولات لابد يكون فيها رز

إلا إحنا << شاذين بقوه



والكبده ياويل حاي ويلاه أعشقها مووووت

خصوصاً يوم العيد بالصبح عذاااب

ولسان الكبده هو الجزء الصغير الناعم مره < أبوك يالشرح < أكيد عرفتيه



وترى أعرف ناس صح زيك ياكلونها نيه < بس مره ماتقبلتها





عاد أخواتي وأهلي غير عنا مستحيــــــل يمر يوم ماأكلوا كبسه

وان ماتغدوها تعشوها < ناشبين لها نشبه ،،



وعندي ثلاجة الشاهي مع الغداء والعشاء < زوج مدمن


صبح الرشاش غير متواجد حالياً رد مع اقتباس

قديم 04-12-1432 هـ, 04:33 صباحاً   #5
اااه يادنيا

كبيرة محررات
 
الصورة الرمزية اااه يادنيا
 
تاريخ التسجيل: 15-11-1431 هـ
المشاركات: 7,988


عاد لو تجين عند عيلتنا



مانعرف الكبسسسسسسسه ابدا



نستبدلها برز وخضار



ابوي عودنا كذاا



والسمنه ماتعرف لها طريق عندنا ابداااااااااااا


twqyy


استغفرالله واتوب اليه
اااه يادنيا غير متواجد حالياً رد مع اقتباس

قديم 04-12-1432 هـ, 04:39 صباحاً   #6
أحلام ليلكية

محررة برونزية
 
تاريخ التسجيل: 20-11-1430 هـ
المشاركات: 2,638


واااااااااااااي جوعتيني الله يصلحك شكلي بروح اطبخ لي الحين كبسه <<<<<< امزح خخخخخخخخخخخ





والله ادمان الكبسة بشتى انواعها فينا اللهم ياكافي لازم كل يوووووووم غدا واذا ماتغدينا كبسة يوصون علينا وهم يتغدون ان العشاء لازم كبسة



هههههههههه الله يديم النعمة علينا وعلى المسلمين


أحلام ليلكية غير متواجد حالياً رد مع اقتباس

قديم 04-12-1432 هـ, 04:39 صباحاً   #7
ندآوي

عضوة فعالة
 
الصورة الرمزية ندآوي
 
تاريخ التسجيل: 07-12-1431 هـ
المشاركات: 611


الله يسامحك وربي حامت كبدي من قلتي تاكلين الكبده نيه ..

ع العموم بالعافيه والكبسه عندنا روتين حالنا حالكم وللأسف زوجي

ما تهمه كثير <<< معجزه صح .. بس يشتهيها كل كم يوم


آڵړضآ بِمآ لډيڼآ هو نصًصًف ( آلړآحٓھُۂ ) , فـِـيْ ھِذھۂ آلدُنيا ..!؟
ندآوي غير متواجد حالياً رد مع اقتباس

قديم 04-12-1432 هـ, 04:44 صباحاً   #8
النحله الصغيره

محررة برونزية
 
تاريخ التسجيل: 29-02-1429 هـ
المشاركات: 2,965


محدثتك زيك والله صادقه اذا ماتغديت كبسه اليوم الثاني كني من سنه ماكلت وبناتي مايحبونها احيانا اطبخ طبخه ثانيه

عشان نرضي جميع الاطراف

وموضوعك صراحه حلو يطرح نفس المعاناه


النحله الصغيره غير متواجد حالياً رد مع اقتباس

قديم 04-12-1432 هـ, 04:45 صباحاً   #9
ام عيالها **

محررة
 
الصورة الرمزية ام عيالها **
 
تاريخ التسجيل: 23-04-1430 هـ
المشاركات: 1,576


اتقي الله فينا



والله اني جعانه وزدتيني جوع



متعشيه زبادي وشريك - الحمد لله على النعمه -



لي كم يوم عن الكبسه ويوم شفتها بغيت اصيح





























وعلى فكره بربرتك واجده .


ام عيالها ** غير متواجد حالياً رد مع اقتباس

قديم 04-12-1432 هـ, 04:46 صباحاً   #10
سوسو 1984

محررة
 
الصورة الرمزية سوسو 1984
 
تاريخ التسجيل: 20-02-1431 هـ
المشاركات: 1,257


قبل الزواج ماكنت احبها



بس الحين خلاص صرت مدمنه خخخخخخخخ





عودني عليها







كل يوم كبسه واذا مافيه كبسه ياويلي


سوسو 1984 غير متواجد حالياً رد مع اقتباس

إضافة رد








تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 07:17 .


تابعونا على Facebook
تابعونا على Twitter