كنت اعاااااني من الحلاوه وكيف اسويها تعالوا اعلمكم كل شي بالتفصيل نعومه ونظافه وتفتيح

السلام عليكم ورحمة الله

كيفكم يابنات
تعالوا اقولكم سالفتي مع الحلاوه ومعاناتي مع اني مستعجله بس قلت بكتبها واروح اكمل شغلي
يابنات كنت اشيل هم الحلاوه اولا لاني ماعرف اسويها واضطر اروح اشري كل مره وحوسه وتنعدم الارضيه وخواتي يهاووشون على الحوسه
وماااطلع بنتيجه واشيل هم
قعدت على الموس اكثر من سنه لين صار جسمي يفججججججع من الحبوب الصغيره تحت الجلد غير كذا المنطقه الحساسه
اقسم بالله كانت غابه اشيل بالموس ووالله اليوم الثاني يطلع الشعر سمييييييييك وبالمنبت الواحد 3 الى 4 شعرات

قلت يابنت مايصير لازم اشوف لنفسي
جسمي انعدم

كتبت بالنت كيف اسوي حلاوه بالبيت لان اهلي رفضوا يجيبون لي حلاو يقولون ماتعرفينلها وتحوسيننا
المهم جربت كذا طريقه وكل افشل فيها مرررره تطلع غلط وماتضبط ويجيني احباااااااااااط

لين ذاك اليوم يارب لك الحمد طحت على طريقه ضبطت معي وشاالت شعري من جذوره
صارلي شهرين يابنات اسويها بالبيت واشيل مرتااااااااااااحه

طبعا المنطقه الحساسه اول مره شلتها بغيت اموت من الالم بس صدقوني والله والله مع التعود بتشيلووون والالم بيخف
انا كنت اشيل هم اشيلها لانها مره تعور بس خلاص تعودت حتى منطقة الاشفار باديه اشيل فيها ولله الحمد النتايج ممتازه

يابنات السواااااد خف ولله الحمد والمنطقه صاااقيه من الحبوب والغابه اللي قبل يارب لك الحمد
حتى مسامات يديني عند الاصابع كانت تفججججع من الموس وربي يشهد
الحين خففففففت بنسبة 70%

خلوني اقولكم على الطريقه والمقادير اول شي

كاستين وربع سكر
كاسه ونص مويا
ملعقتين زيت زيتون
عصير ليمونه وحده
حبة بنادول


بنااااات سووا طريقتي بالضبط لاتسوون من عندكم ترا بتخرب عليكم صدقوني

اول شي خذوا كاستين سكر وحطوها وخلوا الربع بعدين
وبعدها حطوا الكاسه ونص مويا وحطوا حبة البنادول وافتحوا النار خفيييفه عليها وحركوها وخلوها من ربع ساعه الى ثلث ساعه بعدين حطوا الربع السكر ثم حركوا شوي الى مايقرب يصير اللون ذهبي بعدين حطوا عصير الليمونه الوحده بعدين ملعقين زيت الزيتون
وحركوا حركوا لين مايصير اللون ذهبي او اخف بشوي انتبهوا لاتطولون مررره بعدين تحترق وتخرب اذا حسيتوها بدت تغمق شوي بس على طول طفوا النار وحركوها شوي وحطوها بعلبة عندكم


يابنات مرررررررررررررررررره ممتازه تشيل شعرك من جذوره والمها مو قوي مره يمكن حبة البنادول وزيت الزيتون يخففون

نصيحتي لكم يابنات سووها ولاتشترون من برا بس تكلفه على الفاضي وهذي الطريقه ممتااازه
الاحظ بعدها نعووووومه وتفتيح والمسامات مثل ماقلتلكم خفففت والشعر صار مااااايطلع الا بعد فتره
انا صرت كل بعد دوره اشيل ولله الحمد الامور تمااام وبعد ماشيل احط زيت بيبي اويل حق الاطفال شوفوا النعومه كيف
والله مابي شي غير دعوه منكم