طريقه سهله و بسيطه تفتح ابطك 100% تعالوا شوفوا تجربتي

[Al-Farasha]

السلام عليكم و رجمه الله و بركاته

بقولكم القصة من اولها كنت استخدم مزيلات الجمعيه و ما اختار الي ريحتها واو و بالاخر جاني سواد مو طبيعي بابطي و كنت اشيل الموس طبعا الغلطه هذه مو غلطتي غلطه امي الي ما علمتني ولا اهتمت بالموضوع اصلا
المهم بعدها بحثت و دورت و قمت استخدم مزيل لويس مدمر خف السواد و صار سمار بس وصل لمرحله مو راضي يتغير
استخدمت خلطه الرتن اي + اليكوم + اليكا و نزلت فيها موضوع بتجربتي و فعلا روج السمار و صرت بيضا بس الي صار
انه من وقفته رجع السمار اخس من اول و اكتشفت بعدين انه اليكوم كرتزون و انه الكرتزون من عيوبه يعطيه نتيجه سريعه و حلوه و بعدين يرجع الوضع اخس من قبل هذا كلام الدكتوره طبعا يأست و استخدمت الليمون بديت فعلا اشوف نتيجه بس مو حاله كل شوي جايبه ليمون من الثلاجه افرك فيها
و من حوالي سنتين زرت رفيجتي كان ابطها اسود و شفته قلب ابيض تعجبت و سالتها قالتلي شريت ديودرنت مع غسول باستخدام شهر فتحني و نحست علي و ما رضت تعطيني اسمه و مره رحت معاها الصيدليه قالتلي هذا المزيل نفس هذاك اسمه صافي و عجزت استخدمه شهوووووور ولا شفت نتيجه و بالاخر اكتشفت انه هذه الشركه تنزل منتجاتها للحجاج و انه كل منتجاتها مو معطره


و من حوالي اسبوعين رحت لدكتوره جلديه و نزلت موضوع بزيارتي لها هنا

http://forum.hawaaworld.com/showthread.php?t=3342766

و شريت كل الاغراض بعدها باسبوع رحت مع وحده صيدليه جميعة الروضه تبي تشتري نفس اغراضي
المهم كان تستلمنا صيدلانيه ولا تقولي عن شركه منتجاتها تحتوي على احماض الفواكهة و طبعا معروفه احماض الفواكهة و مدحتلي السنفره و رفيجتي تبي تشتري ديودرنت مو معطر فنصحتها بدويرنت الشركه انه مبيض و عندهم كذا نوع العادي ونوع مخفف للشعر و نوع مبيض لما قالتلي سعره تذكرت كلام رفيجتي انه شرت واحد بالسعر هذا قلت بس هذا هو الي نجست فيه علي و شريته هو و غسوله و خذيت سنفره للركبه
السنفره عباره عن تقشير الكريستال لو سامعين عنه بالعيادات
المهم شريت المزيل و اقسم رب العزه انه فتحتي بنسبه 70% خلال اسبوع و زوجي لاحظ الملاحظه هذه
استخدمه مرتين باليوم و ما يحرق ابدا حتى تشوفين الجلد الميت يتقشر
و السنفره فتحتني شوي بس لازلت استخدمها

و الحين بشرح لكم منتجاتهم الي خذيتها و طريقه استخدامها و كم سعرها بس صراحه و الله الفلوس فيها حلال دفعت مبالغ كبيره بمنتجات غاليه و لا شفت اي نتيجه و الخلطات تعبت منها


الديودرنت هذا هو سعره 15 دينار



DERMAdoctor

Total Nonscents ultra-gentle brightening antiperspirant

تستخدمينه مرتين باليوم بعد ما تغسلين بالغسول هذا
****************************** ****************************** *****

Wrinkle Revenge 2
15% glycolic facial cleanser

سعره 14 دينار

تحطين على الاماكن الداكنه بجسمك او بشرتك و تخلينه لما يتشرب بعدين شطفيه هو ما يرغى لانه مو قلوي


---------------------------------------------

و هذه السنفره سعرها 20 دينار


اتعب و انا اقول عنها خياليه هي سنفره جسم تحطينها على جسم نااشف و تسنفرين لغايه ما جسمك يتشربها و بعدين شطفيها
بس نصيحه من قلب منطقه الابط بللي ماي بعدين حطيها و دعكي خفيف لاني لما سنفرت على بشره ناشفه حمرت و اذا بتحطينها لوجهك حطي ماي لان سنفره البشره مالتهم غاليه بـ 35
هي تحتوي على احماض الفاكه و روحي كتبي اسم dermadoctor باليوتيوب و شوفي تجاربهم
هي مثل ما قلت سنفره تقشير كريستالي منزلي تستخدم مرتين بالاسبوع عن نفسي قمت استخدمها لركبتي كل يوم و بعدين ارطبها باي كريم مو معطر


---------------------------------------------------------------------------------------

و خذيت بعد كريم فيتامين سي للبشره



سعره 15 دينار صراحه عطاني نضاره و صراحت بشرتي ناعمه و رايقه و زوجه بابا خذت كريم العين منه روح السواد و الانتفاخات

و ناويه اخذ كريم تفتح الاماكن الحساسه من ديماردكتور سعره 20 بس لما يخلص سيرم مالي



و في منتجات وايد من شركه ديرما دكتور خياليه
في للتجاعيد و تضييق المسام الواسعه و تضبط الدهون للبشره الدهنيه و سنفره البشره و مناديل تعالج فرط التعرق

و لو وحده من بنات الكويت حبة تشتري المنتجات هذه تلقاها باي صيدليه و لو حابين تتعاملون مع خبيره التجميل للشركه اسمها ساره تلقونها يوم السبت من بعد الساعه 5 بصيدليه الروضه و يوم الاحد صيدليه الدسمه بعد الساعه 5 و رقم تلفونها عندي لو حده فيكم تبيه ادزلها اياه على الخاص و هذه هي تجربتي مع منتجاتهم و حلال فيها الفلوس


و مابي منكم الا دعوه حلوه

[lola2005]

يسلموووووو ويعطيك العافية

[الفراشه المبخوته]

الله يعطيك العافية

[همس المشآعر]

يعطيك العااااااااااااااااااافيه خيتو ~~

[عسوـوله]

الله يعطيك العافيه

[فديت آمي وآبوي..}]

الله اكبر الله اكبر لاإله الاالله

[ღ خـزآمـى نـجـد ღ]

جزاااااااااك الله خير ..

[جالسه على المركى]

ماشاء الله باين عليها فعاله بس بحصلها بسعودية ذي الشررركة ؟؟؟


لايك لموضوووعك ياعسل

[إشراقةالأمل]

سئل فضيلة الشيخ علي الطنطاوي رحمه الله عن أجمل حكمة قرأها في حياته
فـقـال :
لقد قرأت لأكثر من سبعين عاما ، فما وجدت حكمة أجمل من تلك التي رواها ابن الجوزي رحمه الله في كتابه ( صيد الخاطر)

حيث يقـــول :

« إن مشقة الطاعة تذهب ويبقى ثــوابـهـــــــا

وإن لذة المعاصي تذهب ويبقى عـقـابــهـــــــا»

[حبيبة أنا]

يعطيك ألف عافيه و مشكورة على المعلومةالطيبة . و أكرر نفس السؤال .. هل توجد هذه المنتجات في السعودية ؟