دروس دورة تزيين الدفاتر بالرسم بالألوان الخشبية

***المسافرة*** · 29-11-1432 هـ, 02:04 صباحاً

.

دروس الدورة

.

السلام عليكم ورحمة الله وبركاته..

هالموضوع ان شاءالله راح يكون بدون ردود.. وخاص فيني فقط

لدروس الدورة..

وبتكون ان شاءالله 10 أيام وبنزل درس جديد كل يوم ورا يوم ..

هنا موضوع لمناقشة الدورة وتقدرين تسألين عن أي شي..

وهنا تطبيقات الدورة

واللي بتشارك فضلا تحطي بتوقيعها هالشعار:

.

حبيباتي..

بالنسبة لي أستخدم أكثر شي نوعين من الألوان الخشبية.. حسيتهم أحسن شي.. ولكم حرية الخيار..

.. يتبع أول درس ..

.

***المسافرة*** · 29-11-1432 هـ, 06:57 صباحاً

.

الدرس الأول:
الأغصان الملونة

بسم الله ماشاءالله

ملاحظة:

الرسومات هذي في مذكرات ودفاتر بناتي.. يعني بتشوفون كتابة فيها.. وطبعا تكون على حسب وين الفراغات اللي بالصفحة..

بديت لكم بدرس سهللللللل جدا بس عشان تتقنون التموجات أو العروق اللي نسويها.. وممكن تبدعين فيها أكثر على ذوقج..

أهم شي في الرسمة انه الخط مايكون مثل المسطرة أو الشكل الهندسي.. لازم نخليه متموج يبين مثل النقش..

سبحان الله الطبيعة أغلبها متموجة.. الأوراق.. البحر.. الجبال.. الرمال..

يعني كونوا سلسين بالتموج ههههههههه

بهالرسمة اخترت هالألوان الثلاثة.. والأحلى انكم تبدون الرسمات بالغامق وبعدين الفاتح..

البداية ارسموا مثل الغصن الصغير..

بعدين طلعوا غصن ثاني منه.. مموج شوي.. بس يكون مقابل الجهة الثانية..

كملوا بنفس الطريقة أغصان كل واحد يكون بعده مقابل للجهة الثانية.. وعلى حسب وين تبقون تكون الرسمة.. بالطول.. أو بالعرض..

بعدين بلون ثاني نرسم غصنين على كل غصن.. يكونن أصغر شوي من القبلي..

.. يتبع ..

***المسافرة*** · 29-11-1432 هـ, 07:12 صباحاً

ألحين بنفس الطريقة نبتدي لون ثالث والأغصان أصغر منهم وكل غصن يكون بعده عالجهة المقابلة.. بس نزيد على حسب المطلوب ملئ فراغة..

هنيه خلصنا من الأغصان كلها..

ممكن بنهاية الغصن نمد الخط شوي بتموج بسيط.. وهذا الشكل النهائي...

حياكم الله .. الدرس الثاني ورا بكرة بأذن الله..

أنتظر تطبيقاتكم

.

***المسافرة*** · 01-12-1432 هـ, 11:32 مساءً

.

فضلا حبيباتي عدم الرد في هذا الموضوع..

هذا فقط للدروس..

وفيه موضوع خاص بالمناقشة في قسم الدورات..

يعطيكم العافية..

.

الدرس الثاني يوم السبت ان شاءالله ..

.

***المسافرة*** · 02-12-1432 هـ, 06:17 صباحاً

.

الدرس الثاني:
الورود المربعة
بسم الله ماشاءالله

بهالرسمة اخترت الألوان الخشبية من شركة جيوتو.. حلوة بس فايبر كاستل أحلى.. واخترت هالألوان.. لأنهم ورود يعني حاولوا ترسمون مثل ألوان الطبيعة لاترسمون ورد أزرق أو أخضر.. ولكم الخيار طبعا..

في البداية نرسم دائرة وداخلها دوائر متتالية..

بعدين نبتدي بأول بتلة للزهرة مثل الصورة..

والبتلة الثانية بالدور..

ونبتع بالبتلة الثالثة والرابعة والخامسة..

.. يتبع ..

***المسافرة*** · 02-12-1432 هـ, 06:19 صباحاً

ألحين بنفس الطريقة القبلية نعيد ونرسم وردة ثانية.. وثالثة ورابعة..

الرابعة سويتها نص وردة.. وسويت خط صغير بكل البتلات في النص..

بعدين نختار لون يناسب لون الورد عشان نظلل اللي داخل الوردة.. وأنا اخترت هالألوان..

نبتدي نرسم من داخل البتلة خطين عالطرف وبعدين نملي اللي بين الخطين من الاعلى فقط.. مثل الصورة..

ونكمل باقي الورود..

اللون الأبيض الباقي في البتلة حبيت ألونها باللون الأصفر..

.. يتبع ..

***المسافرة*** · 02-12-1432 هـ, 06:23 صباحاً

خلصنا من الورود وألحين دور الورق.. ناخذ لونين للأخضر.. فاتح وغامق..

نبتدي بالغامق نعمل خط مموج شوي للورقة..

وبعدين الطرف الثاني للورقة.. موجووووووها لاتنسون حبايبي..

ونرسم خط صغير بوسط الورق..

ونرسم ورقة ثانية..

ونبدي نلون الأوراق من الداخل على شكل خطوط .. من الداخل للخارج..

ونلون كل الأوراق.. بنفس الطريقة.. وممكن ترسمون أوراق متناثرة..
وهذي الرسمة النهائية..

حياكم الله .. الدرس الثالث ورا بكرة بأذن الله..

أنتظر تطبيقاتكم

***المسافرة*** · 03-12-1432 هـ, 03:51 مساءً

.

الدرس الثالث:
الورود المثلثة

بسم الله ماشاءالله

اخترتلكم رسمة ثانية لورود بتلاتها غير.. الرسمة سهلة بعد.. وبتستانسون منها..

هذي الألوان اللي استخدمتها في الرسمة كامل.. ومثل ماخبرتكم اعتبروهم ورود طبيعية يعني لاتختارون الا ألوان موجودة في الطبيعة.. تطلع أحلى..

مثل ماعملنا في الدرس الثاني.. نبتدي بدائرة وداخلها دوائر بالتتالي..

نرسم خط منحني .. جزء من البتلة.. والصورة اللي تحتها الجزء الثاني..

نكمل البتلات مثل الصور التالية.. خلوا ايدكم خفيفة عالرسمة..

ونبتدي نملي البتلات من الدائرة لفوق بخطوط مثل الصورة..

ونرسم ورود ثانية بنفس الطريقة..

.. يتبع ..

***المسافرة*** · 03-12-1432 هـ, 03:55 مساءً

.

بعد مانخلص الورد نبتدي نعمل الأوراق تقريبا مثل الدرس القبلي بس هالمرة أطول.. وبلون واحد مع التعرجات اللي داخلها.. وهنيه الخطوات..

في بعض الأماكن نعمل مثل الغصن الصغير.. نغيرمن الأوراق..

وبجذيه خلصنا الرسمة .. ان شاءالله تلقونها سهلة عليكم.. وتعجبكم..

حياكم الله .. الدرس الرابع ورا بكرة بأذن الله..

أنتظر تطبيقاتكم..

.

***المسافرة*** · 05-12-1432 هـ, 03:13 مساءً

.

الدرس الرابع:
الكازو (الكاجو)
بسم الله ماشاءالله

بهالرسمة اخترت لونين بس والثالث الأصفر تدخيل.. لاحظوا بكل رسمة أدخل الأصفر

نبتدي نعمل نقطة بداية..

نسوي مثل الغصن الدائري ويكون صغير

ونطول العصا بحركة دائرية..

ونرجع نرفعه للغصن الصغير اللي بديناه.. الصور توضح أكثر

نسوي طبقة داخلية موازية للخارجية..

ونبتدي نملي الطبقة الداخلية بأي حركة نبقيها.. خطوط.. دواير.. وهالصور تشرح أكثر

.. يتبع ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

01-12-1432 هـ, 11:32 مساءً	#4
*المسافرة* مشرفة منتديات الطبخ تاريخ التسجيل: 17-05-1422 هـ المشاركات: 21,319	. فضلا حبيباتي عدم الرد في هذا الموضوع.. هذا فقط للدروس.. وفيه موضوع خاص بالمناقشة في قسم الدورات.. يعطيكم العافية.. . الدرس الثاني يوم السبت ان شاءالله .. .