السلام عليكم ورحمة الله وبركاته
حبيباتي لأني أحبكم كلكم وكل أمكم وأبوكم :27:
عندي كم كلمه من زمان نفسي أكتبها لكم
واليوم فتحت النت وشفت موضوع عضوه ضيق صدري فكتبت لها هذا الرد
وبعدين فكرت اني انسخ الرد وأنزله في موضوع مستقل عشان الكل يقرأه
ووالله ثم والله اني ما كتبت لكم هذا الكلام الا لأني أحبكم وأبغاكم تجربون الي جربته >>ماني انانيه ودي كلكم تحسون بالشعور الي احس فيه
فاتمنى تقرون كلماتي بصدر رحب وتتأملون كل كلمه وتجربون بنفسكم
حبيباتي علاج لكل من تعاني من الفراااغ القاتل الذي يؤدي الى الوسوسه والهلوسه !!
علاج لكل وحده في بيت أهلها تأخرت في الزواج وتعاني من الفراغ وتحس نفسها مكبووته وطفشانه ونفسها تغير في حياتها
علاج لكل زوجه لم ترزق بأطفال يملو عليها حياتها وحااسه بضيقه وطفش وفراغ والتفكير يهدد حياتها
علاج لكل زوجه زوجها أكثر وقته برا البيت سواء شغل أو عزايم واستراحات وذبحها التفكير, ليه ما يجلس معي ؟ وتحس الوقت طوووويل
علاج لكل من تعاني من الأرق والرهاب الأجتماعي والمس والعين والسحر والأكتئااب وغيره من الأمراض في حياتها
علاج لكل امرأه ودها تطلع من البيت وبس , تحس بالطفش لو جلست كم يوم ما طلعت ! تبغى تتنفس ع قولتها وتبغى تجدد في حياتها
انصحكم أخواتي نصيحه والله ما تندمون عليها العمر كله
عليك بدور التحفيظ للقرآن الكريم
نصيحه سجلي بدار للتحفيظ ماشاء الله صار في كل حي تقريبا متوفر أكثر من دار
والي تبغى الصباح والي تبغى العصر كل وحده الي يناسبها والله أعرف كثييير مسجلات صبح وعصر !!
وغير كذه أكثر الدور أو كلهااا موفره باصات
وغير كذه تلاقين في كل حي أكثر من دار
والله ثم والله انك تشعرين بسعاده مالها مثيل
كفايه انك تصيرين مشغوله كل وقتك وماعاد عندك وقت للطفش والفراغ والتفكير
وكل يوم يكتبلك ربي جلسه ذكر والملائكه تحفكم
وكل يوم تمسكين القرآن >>يعني ماعاد فيه هجران للقرآن
غير الأنشطه والإحتفالت الي تقيمها الدور
وغير الصحبه الصااالحه , والله تتعرفين على أخوات يمكن أكثر من أخواتك الي ولدتهم أمك ! ايييه والله لا تستغربون كلامي
وأشياء كثييييره والله ما بتحسون فيها وتشوفونها الا إذا انتظمتوا في الدور
والله يصير طعم لحياتك بصراحه مقدر أوصفه
لا طفش
لا ملل
لا ضيق
لا تفكير زايد
لا مشاكل زوجيه >>>اصلاَ منتي فاضيه لها
الشيطان يطلع من بيتك غصب عنه >>>اصلاَ ماعاد له مكان
تصيرين مكتفيه من الخرجات والطلعات الي مال امها داعي وأكثرها يخالطها ذنوب
وعلى فكره الدوام من السبت إلى الثلاثاء
والأربعاء والخميس والجمعه تتفرغين لنفسك وبيتك واشغالك وإذا عندك مشاوير مهممممه
والله لو أكتب من اليوم لبكره ما أقدر أوصلّكم الي بتجنونه وتحسون فيه
انتي سجلي وجربي وشوفي
وكفاااااااااايه ان عداد الأجر شغااال يوميا :time:
والله اني أعرف كثيييرات عيالها يروحوا للمدارس وبعدين هي تقوم تتجهز وتروح للدار وما يجي الساعه 11 الا وهي في بيتها يعني تدواوم بعد عيالها الساعه 8 وتجي قبلهم
وبعضهم تدوام العصر هي واولادها وبناتها
الأولاد في قسم الرجال للتحفيظ , والبنات معاها في الدار , طبعا لكل مستوى وعمر فصل .
وأعرف معلمات كثير في الصباح يداوموا في مدارسهم وفي العصر يداومو في الدور !
طيب انتي الي مو مدرسه ؟ انتي الي ماعندك أطفال ؟ انتي الي ماعندك زوج وبيت وشغل ؟ انتي الي عندك فراااغ كبير
وش عذرك يوم القيامه ؟؟
اش الي أشغلنا عن كتاب الله , عن حفظه , عن فهمه , عن تدبره , عن تدارسه !!!
حبيبتي
أخيتي
راجعي نفسك مره ومرتين
بكره بنموت وش قدمنا وش سوينا في يومنا
الشغل عمره ما بيخلص
واشغال الحياه عمرها ما بتخلص
الله لا يشغلنا الا بطاعته ياارب
تحياتي *نوااامه*
حبيباتي الي تقول ولدي صغير عمره سنه ما أقدر
حبيت أقلكم ان كل الدور تقريباَ فيها حضانة اطفال
والأسعار جداَ رمزييييييه :32:
*نوااامه* @noaaamh
محررة ماسية
يلزم عليك تسجيل الدخول أولًا لكتابة تعليق.
جزاك الله خير ياقلبي وعساها بميزان حسناتك
انا لي سنه مسجله بالدار وجربت كل الي قلتيه
وجزاك الله كل خير وكثر من امثالك
انا لي سنه مسجله بالدار وجربت كل الي قلتيه
وجزاك الله كل خير وكثر من امثالك
الصفحة الأخيرة
لي فتره وانا افكر اني اسجل بتحفيظ ذبحني الفراغ لكن مدري وش فيني الى الان ما قررت والله انه لي اكثر من سنه وانا افكر حتى التحفيظ جنب بيتنا مو بعيد
لكن الله يسهل ع الجميع
اللهم اكفني بحلالك عن حرامك واغنني بفضلك عمن سواك