اليوم حابة شارككم باشياء لها علاقة بالمكياج استعملها عادة ولقيتها عملية ومريحة . رح اذكر تجربتي العملية معها واكيد البشرات تختلف من حيث اللون والنوعية فارجوك تذكري ان ممكن اللي يضبط مع وحدة ما يمشي مع وحدة ثانية .:27:
تفضلوا معي:
اول شي البودرة اليومية :
عادة اكتفي بواقي الشمس .بس من وقت للثاني بستعمل هالبودرة
ميبيلين MAYBELLINE AFFINITONE موجودة بقسم الميك اب ماركة ميبيلين بودرة مضغوطة كثير خفيفة على الوجه وتعطي مظهر طبيعي يعني لا تخفي تماما عيوب الوجه .مناسبة للاستعمال اليومي .وانا شخصيا ما بحب الشي الثقيل اللي بحسه بيسد مسام الوجه وبيخنق .
ماسكرا برجوا الف رمش ورمش BOURJOIS MASCARA 1001CLIS 1001 LASHES من قسم بورجوا
.ظريفة فعلا واكتفي عادة بطبقة واحدة لانني لا احب منظر الرموش الثقيلة خاصة انه مكياجي طبيعي عادة .
بعد ما اضع الطبقة الاولى استخدم فرشاة الرموش لافصل الرموش عن بعضها واعطيها مظهر طبيعي اكثر.
الروج:
روج من غولدن روز golden rose هي مو ماركة مشهورة كثير بس هالنوع ultra diamond الترا دايموند الصراحة رهيب لمعته كثير ظريفة وتغني عن الغلوس هالونين مناسبيني تمام وبيمشو مع كثير الوان ملابس .
السومو بيج 08
والزهري الغامق 05
من بودي شوب the body shop من محلات بوديشوب له فروع تقريبا بكل المملكة مصحح اللمسات البراقة( مامحطوط اسمه بالانكليزي ) ولا يوجد الا هاللونين :
الابيض رقمه 01 حلو كثير خاصة اذا كنت لابسة موف او زهري. عادة اضع نقطة منه مع الاساس وبتطلع البشرة زهرية حلوة وكل مين بقول هاللون لابق كثير وعاكس على بشرتك بس ما حدى بيعرف السر .
واللون البرونزي رقمه 02 يعطي لمعة دهبية مناسب للاعراس والحفلات .
بس انتبهوا لانه في نفس موديل العلبة بس اساس عادي.
شادو غلتر من فلورمار FLORMAR ماركة صغيرة كمان بس لمعته حلوة كثير لتحت الحاجب واحيان اضع لمسات منها على الشادو لاعطاءه بريقا . هالالوان احلى شي الابيض والذهبي والاسود والموف والازرق الفاتح اما الغليتر الاصفر خشن وما كثير ظريف على العين بس على الجسم ممكن .
وقلم الحواجب من فلورمارFLORMAR لونه رمادي غامق مناسب للون حواجبي ملمسه مخملي ولونه خفيف ما يخلي الحواجب تبين ثقيلة .
هذي لمعة الغلتر عذرا التصوير بكميرا الموبايل
اساس وبودرة من لانكوم LANCOME : من قسم لانكوم استعمل الاساس عادة في المناسبات والزيارات احيانا وهذا الاساس متوسط السماكة تنغطيته متوسطة ومع لمسات البودرة يعطي لون حلو طبيعي . عادة اخلط الاساس مع كريم مرطب او مصحح اللمسات من بودي شوب ليصبح امكانية توزيعه على البشرة اسهل واكثر تجانسا .
هذه خبرتي مع 6 مستحضرات للمكياج اتمنى تكوني استفدت.:27:
حلو المصحح بجربة