بتروحين دبي وعندك اسئلة عنها ادخلي وبتلقين الجواب بإذن الله

السلام عليكم ورحمة الله وبركاته:26:
انا من محبات هذه الواحه واحب اطّلع عليها كثير واكثر شي لفت نظري ان اغلب المواضيع تسأل عن دبي وعن افضل الاماكن فيها فحبيت اكتب لكم خبرتي المتواضعه فيها لاني زرتها مرات كثيره ماشاء الله يمكن تستفيدون من الموضوع وراح اكتب الموضوع على شكل نقاط
* دبي مدينه جميله وراقيه لكن اكثر شي مشهور عنها انها غااليه وبصراحه احس هالمعلومه غير دقيقه
يعني اي مكان سياحي بتروحيه راح يكون الصرف زايد شوي عن المعتاد واللي يدور الغالي بيلقاه واللي يبي المعتدل بيحصل
يعني مثلاً مطاعم الوجبات السريعه اسعارهم مقاربه جداً لنا ونفس الشي المطاعم الفخمه الغلى عندنا وعندهم متقارب الى حد كبير واسعار البقالات نفس الشي متقارب يمكن اللي يفرق شوي اسعار المولات الكبيره مثل التسالي والمويه احياناً يعني مثلاً في امارات مول اخذت المويه الصغيره بخمس دراهم من احد الكشكات ويوم مشيت شوي اخذت نفسها بدرهمين انا اقصد انها مو رخيصه لكن مو مثل ما يصور البعض وكأنها اسعار سويسرا :42:
* السكن
وهو اللي دائماً يكون عليه السؤال وحبيت اعطي معلومه ان اغلب فنادق وشقق دبي راقيه واقدر اقول ان كلها تقريباً نظيفه طبعاً ما دخلتها كلها بس لأن نظام السياحه عندهم صارم على الفنادق والشقق
وسكنت في فنادق وشقق متنوعه واقدر اقول ان افضل منطقه سكنت فيها هي منطقة البرشا وهي منطقه جديده على شارع الشيخ زايد خلف امارات مول تقريباً المنطقه مناسبه للعوائل وموقعها جيد ويمر فيها المترو
يفضل البحث عن سكن قريب لشارع الشيخ زايد ( اغلب المولات والاماكن السياحيه عليه هذا غير المتروا )
علشان ما تروح السفره على زحمة الشوارع وبعد المسافات والضياع بالطريق :icon33:
ودائماً الافضل والاريح والارخص هو الحجز قبل السفر عن طريق النت وشخصياً تعاملت مع عرب لينك
وكان الحجز جداً سهل وسويت كل شي بنفسي مع ان ماكان لي سابق خبره من قبل بس اخذت رقمهم وصرت
اتواصل مع الموظفه حتى بالرسائل وهي تشرح لي كل شي
والشقق اللي جربتها
- مونارك فندق خمس نجوم رائع وفخم لكن فيه بار ودسيكو فما ارتحت فيه
- امارات قارند فندق ممتاز وفخم ولا فيه بار لذلك يصنف على انه اربع نجوم لو رجعت ما راح اسكن الا فيه بإذن الله
- شقق قاردن ستي منطقة البرشا حلوه ومناسبه جداً للعائلات
- ابراج الامارات قديمه ورغم ذلك ما زالت نظيفه بصراحه ما حبيتها بس كنا مضطرين لها لاننا وقتها عايله كبيره وما حجزنا قبل
وفيه فنادق غيرها ما اذكرها بصراحه لانها من سفرات اقدم
*الاسواق و المولات
دبي مول ( الاجمل والاروع والاكبر يكفيه غالباً يومين ) ومتصل فيه سوق البحار
امارات مول - ابن بطوطه - ميركاتو - ستي سنتر - فسيتال مول - برجمان وغيرها معليش الذاكره تخون ساعات
والاسواق الشعبيه على راسها سوق نايف ( تم تجديد جزء منه مؤخراً واصبح مغطى ومكيف )
واللي يبي الزعفران والبهارات فيه السوق الايراني ويسمى سوق راس الخور ( على كلام سواق التكسي )
وعندهم زعفران على كيف كيفك
السوق الصيني فيه ناس ما اعجبهم والناس اذواق انا شخصياً رحت له ثلاث مرات ولو يحصلي اروح له بكرا قلت مشينا :42: عيبه ان بعيد شوي تقريباً 40 كيلو عن وسط دبي لازم قارمن او سواق تكسي علشان ما توصلون لمدينة العين مثلنا اول مره :09:
* اماكن اخرى تستحق الزياره
- برج خليفه ممكن الصعود له بس غالي بصراحه والمنطقه اللي حوله رووووووعه خصوصاً بالليل
- مدينة مدهش - القرية العالميه بس ما تفتح طول السنه
- المسابح المائيه اتلانتس - الوايد واد ( ما انصح فيها للعري الشديد )
- المارينا - جزيرة اتلانتس
- بوابة النجوم ( ستار قيت ) انصح فيها للي معه اطفال جداً حلوه
- متحف دبي للي يحب التراث ومقدم بشكل جميل
- ركوب المترو وهو تجربة ممتعه تستحق التجربه حتى لو معك سياره
- منطقة الممشى على البحر وفيها مطاعم حلوه
- سفن الخور ويكون فيها عشى بوفيه مفتوح ( لم اجربها )
- الباص البرمائي وينصح فيه اذا الجو كان حلو ( لم اجربه للاسف )
والاكيد ان دبي فيها اماكن اكثر بعضها لم اعرفها وبعضها خانتني الذاكره وقت كتابة الموضوع
اخيراً
اتمنى اي احد عنده اضافه تحطها الموضوع حلالكم :icon28:
واعذروني على التقصير وتكفون ادعو لي ان الله يفرج كربتي ويشفي مريضي يارب العالمين وكل مسلم :44:
-