السعودية - جميع دول الخليج
كتاب نكهة الاطباق
جربي الكتاب الذي نال رضا الجميع ..للمزيد من المعلومات زوروا موقعنا
              

السعودية - جميع دول الخليج
كتاب نكهة الاطباق
جربي الكتاب الذي نال رضا الجميع ..للمزيد من المعلومات زوروا موقعنا
قديم 15-11-1432 هـ, 08:30 صباحاً   #1
روحي هايمة بذاتي

محررة برونزية
 
الصورة الرمزية روحي هايمة بذاتي
 
تاريخ التسجيل: 23-03-1432 هـ
المشاركات: 2,544


قصة ولادتي بفرحتي يوسف << القصة طويلة اللي تحب الاختصار تدعي لي بس هههه

هلا وسهلا للي بيشاركوني فرحتي وقصة ولادتي


اول شي انا كلامي كثير وبكتب بالتفصيل الممل اللي تطفش تنزل الصفحة لنهاية القصة وبتلقى مكتوب وولدت بالسلامة خخخخخخخخخخ << اخلصي

اول طبعا انا بكرية ولا افقه شي وطفشوني من كثر مايقولو امشي وكنت صراحة اتعب من المشي وكنت اقول بولد بولد سواء مشيت ولا اتسدحت

كنت اراجع الشهر التاسع في الالماني الله لا بارك في ابليسهم << ماتحب تدعي على احد
مواعيد زفت في زفت تجلسي انتظار وياتدخلي ياماتدخلي جلست اسبوع انتظار الين صدت موعد وكنت ابغى نسرين بس كانت مافيه ورماني الله في تشكر الله لا يجعل احد يتورط معاها في ولادة << جايتكم في الحكاية

دخلت عند الظريفة توشكر واول شي تنفخ طبعا وتسألك وتحسين انها كانها حشرانة تبي تدخل الحمام يعني لو عندك سؤال تخافين تسألينها لا تورطين الحرمة عندك
المهم قالت لي اول التاسع ؟ قلت ايوة
قالت عاوزة عملية ؟ قلت لااا طبيعي
قالت امشي كتير عشان مانسوي لك عملية وادتني موعد بعد اسبوعين وسوي اشعة لاني شايفة المشيمة نازلة ونخاف نولدك عملية
وشوية تقولي حجم البيبي كبير واحتمال ماينزل الحوض ونولدك بعملية ؟(ذكرت العملية 3 مرات ) والمشي الكتير ينزلها زيادة ؟( امشي كتير تقولك وبعدين تقولك المشي الكتير يخلي المشيمة تنزل زيادة طيب يعني اريح ولا امشي ؟؟
طبعا يسير باقي لي اسبوع وادخل العاشر ؟ لمن اعطتني الموعد التاني
استغربت انا اعرف التاسع كل اسبوع المهم جيتها طبعا مشيت يوم واحد ويوم عسل مرة وحدة يعني خفت من المشيمة تقول نازلة
ورحت لها موعدي طبعا موعدك 7 تدخلين 9 ونوص 10 يعني تستني غصب عنك ساعتين وتطلع روحك ويضيعو ام الملفات وخربطة يعني شي يجيب الصداع اللي اتعالجت في الالماني راح تفهم قصدي

دخلت عندها والحمدالله المشيمة كويسة وباقي لي تقرييا ابو 9 ايام وادخل العاشر
ادتني موعد بعد 5 ايام وقالت لي لا تمشي كتير البيبي جالس ينزل الحوض يعني لا تتعب عمرك بالمشي قلت كويس
لاني كنت اشتكي من الام طلق وتقول الرحم مقفل لسسه بدري
جيتها بعد 5 ايام وبقي على التاسع ويخلص 4 ايام
قالت بطنك لسه مرفوعة ليه مامشيتي ؟؟ << الان مو قالت لا تمشي اول ؟ تحسيها مو دارية عن الدنيا وجلست تهزئني ؟
انتي اكيد عاوزة عملية عشان كدا مامشيتي ؟
ادتني موعد بعد يومين قالت لي اهلكي نفسك مشي
صرت امشي والله فوق ال3 ساعات الصباج والمغربية ابو ساعتين

طبعا موعدي كان الخميس الظهر عندها لانها سوت لي اشعة في الموعد اللي قبل وبتشوف البيبي ليه مانزل الحوض وعلى قولتها حجم البيبي كبيييييير وكان 3600 بس الموهم
واروح يومتها بيتي واهلك نفسي شغل وانا قيدني لي شهر عن البيت النفسية الزفت كلنا على اعصابنا اخاف البيبي يصير فيه شي لاننا مانبغى عملية وتقول البيبي بدا ينقص الاكسجين عليه وتخربط علينا ليييييييين خلااااااص
وينزلني زوجي الاطباء المتحدون قبل لا اطلع موعدي على الالماني واطلب اقرب موعد مع الدكتورة مجد وقالت لي الريسبشن ماينفع نفس اليوم وشافتني بموت من التعب ويا الله اجر رجولي جر وشوية ببكي من الالام والرحم مسكر والحوض صغير والبيبي كبير وضايقة عليه الدنيا وممكن لو كبر زيادة بيختنق يعني سوت فيا الهوايل هالتشكر طول الشهر التاسع وهي موسوسة فيا وقلت لها انا بكمل التاسع السبت والبيبي تعبان وبشوف الدكتورة مجد ايش تقترح ماعندي وقت

حنت عليا حقت المواعيد وقالت انا الان اسوي لكي موعد بسس تجين اكيد قلت اكيييييييييييدين
قالت تعالي على 10 ونوص في الليل الدكتورة الين 11 تجلس وسوت لي ملف في دقيقة وطبعت موعد
وانطلقت الى الالماني طبعا قبلها الدكتورة خلتني قبل يومين اعمل تخطيط لقلب البيبي وللطلق وكان النبض تقول كويس بس فيكي طلق والرحم مسكر ولازم تعملي عملية << بالله عدو معايا كم مرة قالت لي خلال مواعيدي معاها بسوي لك عملية

اروح الخميس للتوشكر وادخل بالمضاربة طبعا مواعيدهم مفقعة قالت تعالي 3 ودخلت 4 ونوص بعد صياح
كشفت الرحم وقالت مقفففففففففففففل والبيبي مانزلش الظاهر رح نعمل عملية
امشششششششششششي هاليومين وتعالي السبت
قلت لها السبت اكمل التاسع قالت السبت نحدد لك نعمل معاكي ايه نصبر عليكي ولا نعمل عملية .؟ مع اني عاوزة اقولك انو ممكن البيبي تقل الموية والاكسجين ويختنق لمن نولدك طبيعي وينزل الحوض والحوض صغير عليييه والبيبي كبيير < وانا مححححححححححطمة
جالسة تخوفني على النونو
وزوجي لمن طلعنا قال والله معادترجعين هنا وبنشوف الاطباء لو نفس الكلام بنروح حكومي ونشوف بس لا تزعلين نفسك عشان النونو

المهم رجعت بيت اهلي واخواتي وامي يقولو البكرية تعوشر عادي وهذي كذابة وماعليك منها < وانا كدا وجهي


المهم قبل لا اروح موعدي في الليل زوجي مشاني ساعة وجالس يهدي ويضحك فيا ولازم نفسيتك تكون حلوة عشان الرحم يفتح ومن هالكلام
طبعا طول فترة التاسع ما اخدت اي شي من الكلام اللي يقوله عن القرفة وكف مريم لانو معايا طلق ورحمي مقفل فهالاشياء تقوي الطلق على الفاضي يعني يابننننننننننات لا تشربو شي يحمي الطلق الا اذا الرحم مفتووووووووووووح

الموهم نرجع للموضوع الطويل << اخلصي

رحنا على الساعة 10 وربع وقالو مجد في العمليات قلنااااااا ياربي من اولها نحاسة
قالو الان ندق ونشوف متى جاية ؟
دقيقة وحدة وردو علينا قالوو 10 دقايق
يابنات بالدقيقة جات هالدكتورة 10 دقايق 10 دقايق
على بالنا زي تشكر يقولو لنا ربع ساعة وجاية والله يابنات قصدهم اربع ساعات انكم ماتصدقون كذبهم هالالماني


المهم دخلنا عليها على موعدنااااا وقلت لها ولادتي السبت
سألتني تراجعي عند مين زوجي من قهروو على توشكر فرط السبحة للدكتورة مجد قالها تعبت لي نفسية المدام وكل شوية عملية عملية والبيبي فيه ومدري ايش فيه وحبينا نغير وجينا هنا على السمعة الطيبة
قامت كشفت قالت انتي بكرية يعني مو على طول عملية نصبر عليك من اسبوع لعشرة ايام
وتاني شي من قالك البيبي كبير وحوضك صغير ؟ طبيعي جدا وضعك وماشاء الله البيبي حجم مرررة طبيعي وحتى لو زاد مررة كويس وحركتو كويس ماشاء الله ومستوى الموية مرررررة ممتاز
يعني ادمية تريح الاعصاب
وطلبتني تحاليل واشعة وادتني موعد ليوم التلوت يعني بيكون ليا 3 ايام بالعاشر قلت لها طيب كيف ؟ ولادتي السبت تقول قالت ماعلللللللللللليكي التلوت تعالي

جا الجمعة وجا يوم السبت والطلوق اصبحت كل نص ساعة يعني بدأ خفيف ومنتظم الين الاحد وقلنا عادي الدكتورة تقولي الطلق هذا الخفيف عشان البيبي يهيا راسو للنزول للحوض
يوم الاحد الصباح ماقدرررررررررت اناااااااااااام من الالم واكلم زوجي وقلتوو بطلع مع بابتي بروح الاطباء بكشف حاسة بألم غريب مو المعتاد
قالي روحي وانا الحقك لانو في العمل على بال مايستأذن ويجي قيدني في المستشفى خفت اني ولادة


ودخلوني طوارئ وتكشف عليا دكتورة لو بيدي كان كشفت عليها انا برجولي عشان تحس بقوة الالم اللي سوتو لي حسيت اني ضرتها مو مريضة
وقالت مفتوح واحد سانتي هنا كنت بزغرررررررررررررررط وزوجي الحمدالله اهم شي فتتتتح لاننا شلنا هم مقفل من اول
وقالت لسه حتولدي نهاية الاسبوع ان شاء الله امشي كتيرررر
كان هادا الكلام على العصر
كلمت اختي وقلت لها رحمي فك قامت قالت لي تعالي بسوي لك خلطة كف مريم وطبعا اروح لها ومشوار بيتها عن الاطباء وصراحة كنت ابكي من الالم وقالت هذي الخلطة بتسرع عليكي
المهم ادخلها وانا اتلوى من الالم
وتدين الخلطة وتقولي اشربيها طول الطريقة واعطتني علبة مليانة رطب وقالت كلي فيها الين توصلي المستشفى مع ان المستشفى قالوو لسسسسه بدري بس الطلوق عدمتني
المهم زوجي يشربني في السيارة ويشجعني وانا كل ماجاتني الطلقة اخبط شباك السيارة وزوجي كدا يسوي عشان سيارتو يقولي كسري كسري خخخخخخخخ فديتوووووووووووووووو

المهم كلم اخوه وقالو اديني الجيب حقك بقربع الحرمة في كل مطبة اقابلها بنولدها اليوم بنولدها
وصلت قريب المستشفى المغرب وقالي ها انزلك قلت لااا بمشي
المهم جلست امشي نص ساعة وهو يحسب الطلقات معايا وكانت كل 4 دقايق
المهم جانا الجيب ودخلنا منطقة جنب البحر وهاتك رايحين جاين وانا مع كل مطبة الالم يزيد عذاااااااااااااااب والدوريات حسينا بتمسكنا كاننا مجانين ينقز فيا ويلف ويرجع المهم حسبنا الطلقات صارت كل 3 دقايق
دخلت المستشفى وتكون نفس الدكتورة وقالت ماقلت لك بدري؟
قلت لها تعبت والمسكن مامسك اللي اعطتوني هو والطلق كل 3 دقايق قالت هذاااااااااااا طلق كااااااااااذب
قلت لها اكشفي وكشفت ومازال الرحم 1 سم
حسيت زوجي بيولدني من كثر القهر يقول من الصباح رايحين جاااااييين على 1 ؟؟
وقلت لها طيب انا تعبانة ادتني مغذية وفيها مسكن وخرجوني
نزلني زوجي عند بيتي اهلي على الساعة 11 وكان بيموووووووووت تعب
ابويا لمن شاف وجهي قالي ايش رجعك ؟
قالو زوجي المستشفى خرجونا قال الااااااان ترجعها
وعلى فكرة مشوار بيت اهلي والمستشفى ساعة الاربع ومع الزحمة ساعة
حسيت طلعت لزوجي قرون
وجلس يقول انا رايح جاي رايح جاي ماصاااااااااااااار حمل وجالس يستغفر طول الطريق لاني حسيت انو في النهاية هو راح يسوي لي عملية قيصرية


المهم دخلنا المستشفى تاني والحمدالله دكتورة تانية ورجعنا تخطيط وبرضو كلام فاضي وطلق كادب والرحم 1 سم
هنا زوجي قالي قووووووووومي والله ما اوديك عند اهلك بنرجعنا بيتنا لانو بيتي قريب من الاطباء
المهم نزلت البيت وانا دموعي اربعة اربعة ياناس ذبحني الطلق مو معقولة يتهيألي
ونزل عليا دم خيوط مع الافرازات وتقولي الدكتورة طبيعي من كثر الكشف
دخلت بيتي على 1
وزوجي نام زي القتيل مسكين
وانا نمت في الصالة لانو طلقي يخلين ازعق وكان كل 5 دقايق
اختو الشقة اللي جنبي قالت مانمتي تعالي
رحت لها على 4 وجلست اتلوى عندها واخدت راحتي بيتي صغير لو زعقت بقوة بتجيني اباجورة طايرة من غرفة النوم

المهم على 6 بتقطططع واروح اصحيه ويرمقني بهديك النظرة خلت ام الطلق يهجد
هو صحوت 7 للعمل
وخليتو وجلست ابكي من الالم في الصالون جا وقالي دحين اوديك بس حيرجعونك ومدري ايه قلت له كيفك طيب خلاص
استحمى ولبس وقالي يلا البسي عبايتك وبنزلك انتي واختي وبروح العمل وشوفو وضعكم
نزلنا على 9 وكنت مترددة بس قوة الالم قلت جالسة جالسة والله ماخرج لو انام اسبوع الين اولد
المهم كشفت وزوجي طبعا مامشي يبغى يطمن
الموهم قالت 1 سم ونوص
زوجي فرصع عيونو قال بس نص اللي زاد ؟؟ كل الالم دا
قالت روحي البيت لسه بدري
قلت والله ما اخرج
قالت مارح تولدي
قلت ماني خارجة
وزوجي يابنت الحلال يلا البيت
قلت والله ماخرج يا انا يا هما انا تعبانة وابغى مسكنات بجلس وماني خارجة وكلمي لو سمحتي دكتورتي وقولي لها بتنوم
وكلمت الدكتورة مجد وقالت خلاص طلعوها غرفة
وشوية الا مدخليني غرفة الولادة زوجي قال ايش فيه
قالت هنا عشان نراقب التخطيط والقلب حق البيبي
قلت لها انا ابغى من الغرفة العادية قالت لا غرفة الولادة تجلسي فيها
انا هنا جاتني ام الركب
قلت لها غرفة ولادة غرفة ولادة قيدنا حلفنا مانخرج << كانت بتتراجع بس الشرر تطاير من عين بعلها
ربطوني وزوجي قالي انا رايح الدوام لا صارشي جديد دقي
يابنات حطوني على السرير وتخطيط وكل شي وكانت الساعة 9 ونوص وجاتني دكتورة قالت انا حتابع اليوم معاكي ومرررة عسل صراحة
قلت بكشف رحمك عشان اتابع كل شوية معاكي
كشفت يابنات 3 سم << انا عيوني طلعت قبل نص يقولو 1 ونوص ولسه النص ماكتمل ومطولة ؟؟؟
انا انففففففففففجعت قلت اها بدأت ساعة الجد
وادق على زوجي ويقولي اشبك؟
قلت له 3 سم
ماصصصدق
قلت والله دوبها كاشفة
قال ارجع قلت لا يمكن ال3 سم الين الظهر اجلس كدا
المهم على 10 يعني بعد نص ساعة قالت 3 ونوص انفجعت اكتر
وادق على زوجي دوبو وصل العمل قال ها قلت 3 ونوص
قال ارجع قلت لا صبر
10 ونوص 4 سم
وبدأ الالم يزززززززززيد جابو لي كمام وقالوو اشفطي قليل مع الطلق عشان البيبي لا ينام
المهم شي يخلي الواحد يسكر صراحة
قالت لي بحط لك طلللق خفيف مررة جرعة بسيطة وحطت مسكن معاه طبعا كلها في المغذية
الساعة(-11 )4 ونوص
كلمت زوجي وقلتووو ترى خلاااااااااااااص
مسكين كل اللي سواه انو وقع وجاني على الطريق
على (12 )
5 سم والالم يزيد وانا انتفض من الفجعة جالسة اتخيل واقول كيف لو اني رجعت البيت وسمعت كلامهم كان ولدت في بيتي طبعا جوالي ماهجد اخواتي ابويا امي اخواني كل شوية احد دق كم وصل << سنترال يومنها
واشفط في الكمام
على 1 الالم لا يطاق جات قالت بكشف بشوف كم واتاريها جلست تفك لي الموية بس ماقالت لي
وشوية احس نص بطني فضي وماحسيت بأي الم لمن فكت الموية قالت عشان يسررع الولادة
والالم لا يطااااااااااااق واشفط ووصل زوجي وصرت اشوفو 4
وشغال الكاميرا واستعد
ابويا كان عندي حسيتو دمع وقال انا ماااااااااااشي وبجيك العصر
وشوية على (2) 7 سم
وحطت جرعة ثانية من الطلق ومعاه مسكن يابنات لا ابرة عضل ولا ابرة ظهر الحمدالله صح الم بس المسكن والكمام قامو بالواجب
زوجي يصورني صورة وانا ازعق كل شوية
على الساعة (4 )8 سم وطبعا بدأ مايفتح كويس لان البيبي مانزل الحوض صارت تحاول تنزلو لمن تكشف انها تفتحلو مجال والمشكلة ماتسوي الحركة الا وقت الطلق وانا ابككككككككككككككي واقولها شيييييييييييلي ييدددك
المهم على (5) 9 سم
على 6 ونوص 10 وجري ورفعو رجولي وسحبو الكمام وانا مو مصدقة بوووولد
وزوجي قررب الكرسي عند راسي جلس واختي جات من ورى الستارة وشويى اشياء وعدة اصلن مع الكمام ماشوف شي
وزوجي لا تزعقي
واختي من الجهة التانية لا تصرخي خلي البيبي ينزل من غير ماتتعبينو وتتعبي نفسك
ودففي ووحدة جالسة تضغط بطني وبوووش يبغو ينزلووو الحوض
واحول اكتم صرختي زوجي يزعق عليا لااااااااااااااااتصرررررررخ خدي نفسي
والدكتورة ممتاز كمان
راااااايقة دكتورتي
على الدفة التانية زعقت زعقة اتوقع جدة سمعتها لاني انكتمت وحدة على بطني تضغط والدكتورة تشق وتوسع
وزوجي يشجع معاهم واختي معاهم البيبي مع الزعقة طلع فوووووووووق وزعقت الممرضة وسحبت رجلي على جهتها تحسيها تبغى تقومني ورفعتتني وووووووووووودووووووووووفي تحسيها خافت
صارت تقول بييييييييييبي بيييييييييبي الله يعطيها العافية قسم بالله حسيتها تعبت اكتر من الدكتورة
وزوجي اللللللللللللللللولد اكتمي نفسك وحطي قوتك في الدف
والدكتورة خلاص ياشطورة اخر دفة اخر دفة وادددددددددددددددف وشوية اشوف زوجي قام والدكتورة ماسكة ولدي وسبحان الله ماحسيت بطلعت الراس مع انو لا مسكن ولا شي بس مسحت المنطقة بشششي باااااااارد
وقلت الحمممممممممدالله بأقوى ماعندي وزوجي يلحق الدكتورة يصور اللحظات اللي ينظفونو فيه وشوية ركبو اكسجين ليا وماشفت شي بعده الا غرفة نورها خافت واطالع في الساعة وكانت 9 ونوص
على بالي حلم وتقولي مبروك واستوعب واشوفها تمسح اقولها دحين خياطة ؟
قالت خلاص خياطة ونظفنا الرحم الحمدالله
ونزلوني غرفتي والقى الكل مستني قومتي ودخلت وانا رافعة يدي ومسوية علامة الانتصار
وماتسمعوو غير الزغاريد

والحمدالله ولدت حبيب قلبي الساعة 7 الا 5 المغرب
طبعا الفضل لله ثم لاختي وخلطتها لانها قالت لي خلال 24 ساعة راح تولدي لانها مجربتها في بكريتها
وسبحان الله شربتها الساعة 6 ونوص ورحمي فك 10 سم 6 ونوص اليوم الثاني وجبت ولدي بالسلامة

الخلطة فيها كف مريم بس الباقي بسألها وبرجع اكتبها لكم

ادري قصتي طويلة وتعبت فيها وانا اكتب وولدي كل شوية ويصيح وانا اقولوصبرررررررررررررر اكمل حش فيك واجيك وسوري لو فيه كلجات او اخطاء مافيا اراجع تعبت


الله يقوم كل وحدة حامل بالسلامة ويرزق كل مشتهية يارب
وسامحوني على الاطالة

السعودية - جميع دول الخليج
كتاب نكهة الاطباق
جربي الكتاب الذي نال رضا الجميع ..للمزيد من المعلومات زوروا موقعنا



روحي هايمة بذاتي غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر


قديم 15-11-1432 هـ, 08:32 صباحاً   #2
وريفـ

عضوة نشيطة
 
تاريخ التسجيل: 29-11-1431 هـ
المشاركات: 421


مبرررروك الف مبروك
والحمدلله ع سلامتك والنونو

واستعجلي علينا بالخلطه خخخخ



وريفـ غير متواجد حالياً رد مع اقتباس

قديم 15-11-1432 هـ, 09:00 صباحاً   #3
الــــجــــوري

محررة برونزية
 
تاريخ التسجيل: 10-02-1429 هـ
المشاركات: 2,284


الف الحمدالله على سلامتك

استمتعت بالقصه خخخخ الله ياجرك يارب

ومبروك النونو الله يجعلو من الذريه الصالحه يارب



لااله الا الله محمد رسول الله
الــــجــــوري غير متواجد حالياً رد مع اقتباس

قديم 15-11-1432 هـ, 09:03 صباحاً   #4
امل وعندي امل

محررة
 
الصورة الرمزية امل وعندي امل
 
تاريخ التسجيل: 18-10-1429 هـ
المشاركات: 1,280


الحمدالله على سلامتك
ويتربى بعزك
وربي ماقصرتي بصراحه خوفتني وطمنتينيي بوقت واحد

الله يعيني يارب
شايله هم



امل وعندي امل غير متواجد حالياً رد مع اقتباس

قديم 15-11-1432 هـ, 09:13 صباحاً   #5
روحي هايمة بذاتي

محررة برونزية
 
الصورة الرمزية روحي هايمة بذاتي
 
تاريخ التسجيل: 23-03-1432 هـ
المشاركات: 2,544


الله يبارك فيكم كلكم فديت بنات تجمعي والله اني دعيت لكم كلكم الله يسهل عليكم ويفرحكم
صراحة على قد ماقريت قصص وولادة بس التجربة غير
حلم يابنات والله تحلمين وتصحين وكلها الام ساعات والله نسيتها لمن شفت ولدي بحضني
والخلطة بكلم اختي اليوم لاني من اول اقولها اكتبيها وتنسى قلت بديها بنات التجمع وان شاء الله ناخد اجركم وكم دعوة حلوة لي وللعري حقي


روحي هايمة بذاتي غير متواجد حالياً رد مع اقتباس

قديم 15-11-1432 هـ, 09:23 صباحاً   #6
بكرى احلى!

محررة برونزية
 
الصورة الرمزية بكرى احلى!
 
تاريخ التسجيل: 20-04-1429 هـ
المشاركات: 2,586


الحمدلله علي السلامه
ومبروك البيبي يتربى في عزكم وان شاء الله تشوفينه عريس
وتفرحين فيه



دعواتكم لنا ننقل لاهلنا
بكرى احلى! غير متواجد حالياً رد مع اقتباس

قديم 15-11-1432 هـ, 09:41 صباحاً   #7
معقوله؟

محررة فضية
 
الصورة الرمزية معقوله؟
 
تاريخ التسجيل: 09-03-1432 هـ
المشاركات: 3,275


الحمدلله على سلامتك ومبروك النونو



الحمد لله ولدت بتاريخ 14/3/1433هـ
معقوله؟ غير متواجد حالياً رد مع اقتباس

قديم 15-11-1432 هـ, 09:42 صباحاً   #8
أم حبيبتها

عضوة فعالة
 
تاريخ التسجيل: 03-12-1431 هـ
المشاركات: 726


الف الف حمدالله ع سلامتك

بصراحة قصتك قد ماكان فيها الم بالبداية قد ما فطستيني ضحك

لما طلعتي من غرفة الولادة مسوية علامة النصر خخخخخخخخ

الله يحفظك ويحفظ مولودك من كل شر وعقبالنا يارب دعواتك



[IMG]



[IMG/]
أم حبيبتها غير متواجد حالياً رد مع اقتباس

قديم 15-11-1432 هـ, 09:43 صباحاً   #9
سماء2009

عضوة فعالة
 
تاريخ التسجيل: 14-11-1429 هـ
المشاركات: 717


الحمدلله على السلامه

والله يحفظ ولدك يارب

استمتعت بقصتك ضحكت وتحمست وبكيت وكل شي هههههه


سماء2009 غير متواجد حالياً رد مع اقتباس

قديم 15-11-1432 هـ, 09:54 صباحاً   #10
رحيق وقلبي رقيق

محررة
 
الصورة الرمزية رحيق وقلبي رقيق
 
تاريخ التسجيل: 11-05-1432 هـ
المشاركات: 1,227


مبرررررررررروووك النونو
والحمدلله على سلامتك


رحيق وقلبي رقيق غير متواجد حالياً رد مع اقتباس

إضافة رد







أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 01:08 .


شات عالم حواء
تابعونا على Google+
تابعونا على instagram
تابعونا على twitter
تابعونا على Facebook