السلام عليكم ورحمة الله وبركاته
اش اش اشلوونكم اش اش <<على وزن اس اس <<والمعنى في بطن الشاعر:biggrin:
هذا يا طويلات العمر على طاعة ربي ورضاه
مواقف وش كثر عد وغلط مع سورة الفلق
وطبعآ اغلبنا نحسب ان سورة الفلق فقط لتحصين والاذكار المساء والصباح وبعد الصلوات المفروضة
لكن انا اكتشف ان هالسورة لكل شي متعقد يصادفني
وأخر هالمواقف .. اليوم
بنتي دخلت دورة المياة اجلكم الله تتوضى لصلاة الظهر
وانا منسدحة بصاله شبه نايمة والتلفزيون على خطبة السديس
وشوي اسمع صوت >>> دف دفففف دففف << بنتي تحاول بالباب تفتحه تبي تطلع<<اجل تبي تقضيها ويك اند:glotz:
سكت عنها شوي يمكن تطلع...واسكت كمان شويات <<والله من الكسل
وكأني صحصحت ومسوية اني خفت عليها اقول وشفيك <<من اخر الصالة..
إلا تقول الباب عيا يفتح
اقول هاااه؟ <<بكسسسل شديد
وتقوم الأم الحنون بعد ما شافت ان الوضع ماينسكت عليه
وامسك بيد الباب ودفه بكتفي دف <<هالله هالله يا ستيف استن
واعطي بنتي التعليمات لفي المفتاح يمين لفي المفتاح يسار دفي وما تدفي
وبعدين قلت طيب اسحبي المفتاح وطلعيه من تحت الباب
واخذه منها وقوم انا لفي وما لفي ودفي ومادفي الين بغى ينخلع كتفي:icon32:
والله شوي بدأت ركبي تتراجف ..بديت اخاف من جد <<بدري
ياررربيه وش اسوي ..ابونا مسافر الدمام
اتصل عليه اقوله تعال افتح لبنتك باب الحمام!!
غير اسمع منه شي مايسر الخاطر.:dozey:..فسحبت على هالفكره
وانقز على التلفون ودق ناين ناين ون <<اخوي راعي الفزعات
تيييت تيييت تيييت <<ماحد حولك يا ولد
يابو الفزعات وينك يوم جا الصدق :icon10:
ابد مارد علي
وارجع عند بنتي وانا كأني ههـ كأني عصبت
اهاوشها من ورى الباب
ليش تقفلين.. ماله داعي.. لاعاد احد فيكم يدخل ويقفل خلاص ..ونعلق لوحه مفتوح ومغلق ونقلبها ميـد
ياخي لاعاد تقفلون <<طبعآ هذا كله وانا احاول بالمفتاح والباب
وشوي وتولع لمبة فوق راسي
وتذكر سورة الفلق ومواقفها الكثيره معي
وابدأ اقرأ وانفث على قفل الباب
بسم الله الرحمن الرحيم
قل اعوذ برب الفلق ..من شر ماخلق ..ومن شر غاسقٍ اذا وقب
ومن شر النفاثات في العقد >>>>وهنا اشتغل النفث
ومن شر حاسد اذا حسد
والله يا اخواتي ماخذت معي يمكن دقيـقة على ماذكر... إلا وأفتح يا سمسم ..فتح الباب الحمدلله
يعني كررت السوره يمكن من ثلاث إلى اربع مرات وفتح
وطبعآ مايحتاج اقولكم كيف كانت ملامح وجه بنتي لما طلعت
وموقف ثاني
بنتي الوسطانيه جلست يمكن اسبوع ما مشطت شعرها ماغير تلمه وبشباصات والبنس
<<كان اسبوع إجازة نصف السنة
المهم ويجي يوم الجمعة تتروش عشان المدرسه
وتجيني تبي امشط شعرها..... ووووياااا داااااااااااااااااااااافع البلاااا
قلت هذا يبيله منشار مو مشط
والله متعقد عقد وهي عاد شعرها اصلا مو ناعم
وتعالي شوفي المصارعه الحره مع شعرها :humm:
وابد عندها ربي يلهمني بسورة الفلق
وابدأ اقرأ وانفث <<بنتي تقول يا ماما توني مترووووشه هههههههههه :icon31:
واكمل قرايه ويمكن للمره الثالثه ويفك التعقيد وربي مثل القطن لما تفكينه من بعض بكل سهووووله
فسبحان الله
هذا من غير اسلاك التلفزيون والريسيفر والبلستيشن والفديو ودي في دي وشاحن الجوال و و
يعني اسلاك كثير عند طاولة التلفزيون تشابكت وتعقدت حيييييييل
ونفس الشي بعد محاولات لم تجدي بفصلهم عن بعض..
وبعد ما بدأت خنافري تنتفخ ضيقه وزهق منها..قرأت قل اعوذ برب الفلق وانفث وفكت معي مثل الحلاوة
والله المواقف كثيره مع سورة الفلق .وايش اقول وايش اخلي
".ولا عجب وهي اللي تفك سحر وتفك كرب المصابين بالحسد والعين."
فسبحان قائلها ومنزلها جلًّ جلاله
فهذي تجارب حبيت انقلها لكم ...ومانقلت لكم الا نقطة في بحر
فـ أي شي يتعقد معك ..
عليك بـ
قُلْ أَعُوذُ بِرَبِّ الْفَلَقِ (١) مِنْ شَرِّ مَا خَلَقَ (٢) وَمِنْ شَرِّ غَاسِقٍ إِذَا وَقَبَ (٣) وَمِنْ شَرِّ النَّفَّاثَاتِ فِي الْعُقَدِ (٤) وَمِنْ شَرِّ حَاسِدٍ إِذَا حَسَدَ (٥)
لكن لازم تقولينها بيقيــن مش من باب التجربه..لانها كلام من رفع السموات السبع بلا عمد القاادر على كل شي
ولو تحفظيها لعيالك وتوصينهم يقولونها عند اي مأزق يصادفهم بالمدرسه او في اي مكان
وبالمناسبة: هذا موقع لحفظ عيالنا القرآن حلو
بنتي سنة اولى استفادت منه وحفظت ..احط السماعة على اذنها وتجلس تردد مع القارئ
على بال اخلص شغلي بالبيت .ارجع الاقي لسانها اخذ على الأية
تختارين تكرارها كم مره
http://harfkids.com/quraan.aspx
وفيه برنامج جدآ حلو اسمه (( عدنان معلم القرآن )) جدآ حلو لعيالنا.. انصحك فيه..خذيه من قوقل
وهذا رابط لقناة تعليم الصـم القرآن وتفسيره
http://www.youtube.com/user/SEdotGOVdotSA?blend=21&ob=5#p/u/14/TFuCGzrRb9U
وطبعآ
احبكم في الله :27:
:26: