لو كنتي مكاني وش تسوين ؟؟؟؟

انا ياحبيباتي متزوجة من ثلاث سنين والحمد لله كنت عايشة السنتين الاولى من حياتي حياة الامراء والدلع والرومانسية والحب الزايد ومع الايام بدأ زوجي يفكر يترك وظيفته بحجة عدم راحته النفسية والجسدية مع انه راتبها حلو مرررررررررررررررررررة
وجلس يقنعني اننا نروح نسكن ببلاش عند اهله ويبر بوالديه لان ماعندهم غيره ويشتغل عند اخوي في شركة بنص راتبنا الاول اهم شئ الراحة النفسية واخوي ماقصر ... انا رفضت في البداية بحكم مشاكل اهله معي واننا ماراح نقدر نعيش براتبنا الحالي لانه قليل مرة وخاصة انه عندنا طفل ويحتاج مصاريف ولكنه جلس يقنعني وطق الصدر انه ماراح يتركني اواجه الحياة لوحدي واقتنعت وضحيت عشانه لان الحب تضحيات

وصار اللي يبغاه وزادت مشاكل اهله معي ... وبدأ يجتهد ويفكر يكمل دراسته مع ظروفنا المادية القليلة وصار يطلع من دبلوم ويدخل في دبلوم ويطلع الصباح ولا يجي الا في اخر الليل بحجة انه يبغى شهادة عشان يدور وظيفة حكومية واقتنعت
وبدأت المشاكل بينه وهو اخوي في العمل لدرجة يدخل عندي يسب ويطلع يسب فيه

وبدأ قلبه يقسى علي يعني يشوفني ابكي يسوي نفسه مايشوفني او يشوفني تعبانه يسألني من بعيد اوديك المستشفى ؟ ولا حتى يلمسني ...ويطلع ولاعاد يطمن علي ولا يشوف انا حية والا ميتة ؟ صار يمن علي انه يطلعنا يمشينا ويقول احمدي ربك انه في احد يطلعك ... مع انه زمان كان هو يلح علي نطلع نتمشى
صار يجبرنا ننام بدري عشان انه يحب الهدوء ويحب يجلس قدام التلفزيون ولا يحب الازعاج ؟؟؟؟
جاني القولون بعد المشاكل اللي جتني ومع كذا اذا جاني القولون كانها وحدة في الشارع قاعدة تتالم

قبل فترة قدم على وظيفة بالجمارك يعني على الحدود واحتمال فيها سكن وراح ياخذنا
وانا ماوافقت من البداية لانه ترك وظيفته الاولى عشان اهله فليش يروح يدور وظيفة برا وبعيد عن اهله
وقلتله حرام عليك اهلك كانوا ينتظرون متى تجي عندهم فالاخير تتركهم
فرد علي انه يبغى يرتاح من الضغوطات وانه جيته هنا غلط
امس قاعد يلح علي اكمل الماجستير وانا رافضة بحكم راح نضغط انفسنا في المصاريف فعصب وقال لي انه
اذا توفق في وظيفة الجمارك راح يخلينا هنا لانه مافي سكن وراح يصرف علينا من هناك انا هنا انفجرت ليه يقولي فيه سكن بعدين يقول مافيه ؟؟؟؟
ويخليني بين المشاكل والضغوطات ويهرب هذه انانية ....طبعا زعل مني .... ا
وجاء كالعادة اليوم الثاني بالليل ولا كلمني حاولت اكلمه مافيه فايدة
قلت في نفسي لازم اراضيه حتى لو كان هو الغلطان لاننا طول الاسبوع مانشوف احد ولانشوف خشته ولازم نطلع نمشي ولدي ماله ذنب ان جلس زعلان راح يطلع خميس وجمعة ولا يعبرنا ولا صرنا نكسر خاطره زي اول
فحاولت اعتذر والطف الجو شوي ... رضي بس كانه يتغلى

ماادري وش اسوي ؟؟؟ لو كنتوا مكاني وش تسووووووون ؟؟؟؟

هل انا غلطانة ؟؟؟ عادي قولوا اللي تقولون والله مسامحتكم