السعودية - جدة حراء
رياضيات وانجلش
تأسيس قراءه وكتابة ومتابعه المواد للابتدئى رياضيات وانجلش للمتوسط
              

السعودية - جدة حراء
رياضيات وانجلش
تأسيس قراءه وكتابة ومتابعه المواد للابتدئى رياضيات وانجلش للمتوسط
إضافة رد
 
أدوات الموضوع انواع عرض الموضوع
قديم 05-11-1432 هـ, 10:02 صباحاً   #1
كلي وله 1
تاجرة
 
الصورة الرمزية كلي وله 1
 
تاريخ التسجيل: 02-11-1431 هـ
المشاركات: 16,883


الجزء الثاني من سلسلة شي خطير شفته بعيني>>>>معقولة انا بمول وبمستشفى لالالا مستحيل ..

صباح ومساء االخير على عضوات منتدانا الغالي

حبيت اليوم اطرح مشكلة جديدة من سلسلة مما رايت بعيني اشياء نشوفها من واقع حياتنا والله مخزية وتفكرين مليون مرة >>>>وش يحسون فيه هذولا الحريم

طبعا بعد النجاح الغير متوقع لموضوعي ولله الحمد اغلب مواضيعي ورسايل الشكر على الخاص تشجعت اطرح الجزء الثالني من سلسلة مما رايت بعيني
وهذا رابط الموضوع الاول والي اغلبكم عارفه وهو بنات صغار ولكن....

http://forum.hawaaworld.com/showthread.php?t=2949312


حبيت اليوم اتطرق للمنظر العجيب الغريب صراحة المحزن والمقرف لبعض الفئة من الحريم

رحت مرة لمول بس لمن دخلت ناظرت يمين يسار اقول غريبة وين الطقاقة لاني صراحة حسيت اني بعرس ماهو مول
والله عبايات غريبة عجيبة
انا راح اتكلم بصراحة وجرئة مثل الموضوع الاول لانه صراحة طفح الكيل

والله اشوف الوحدة صدرها برة العباية عارفين قصدي من كثر مالعباية ضيقة الصدر مجسم بالكامل واقسم بالله بعضهم خط الكلوت واضح >>يااااااهو وش فيه سلامات

طيب انتي فرحانة بصدرك يمكن جهاز تكبير الصدر جاب نتيجة مو مشكلة افرحي بس ببيتك والله حرام اش ذنب الشباب ترى انتي ممكن تجري شاب للزنا او او تدمريه وانتي ماتحسي
لمن الشاب يشوف ها المناظر مرة ومرتين وثلاثة وش راح يصير فيه؟؟؟؟

كم من الشباب تغير اسلوبه مع اخواته وصار يحرم عليهم الطلعة ويحاسبهم ويشك فيهم بسبب الي يشوفه

تكلمت مرة مع اخوي كان وقت مراهقته الحين تزوج الله يسعده >>>ياويلي لاتسمعني زوجته فديتها
المهم
قلت له يا... بالله قولي وش لون تغازلون ضحك علي
وقال تستهبلي انتي

مرررررة قديمة انتي >>>>ليه وش قالولك عجيز
قالي اصلا الشباب ماعاد يغازلون البنات هم الي يعاكسوهم
قلت اييييييييييييييييش

قالي والله البنات هم الي يتحرشو وياهو ياحلو وياهو ماني عارفة ايش

الله المستعان
وينك ياام الي تخلي بنتك المراهقة او حتى الي ماهي مراهقة تخليها تروح المولات مع صاحباتها وتقولي واثقة >>>>ياشيخة طيري
كيف واثقة انا مااقول شكي ببنتك واحرميها وسلسليها لاكن برضو مارميها بالمولات والاسواق حرام عارفين ليش ....لان البنات اليوم دمرت قلوبهم ها المسلسلات قسم بالله سوت زي التنويم المغناطيسي لاكتر الحريم والله متزوجات تاثروا فما بالك بالي لسة بنات

وما يقهرني ويطلع الدخان من راسي هذا غير القرون الي تطلع مثل ها الشي ....اقولكم وش هو >>>راح اقولكم

الحريم الي يجون متكشخات المستشفى والله شي عجيب تجي الوحدة الكعب ياناس كعب طويييييييل بالمستشفى ليه راح ابكي من القهر>>>>وحدة ماتعرف تلبس كعب

وتجيك الكحل والله كاني اشوف برنامج مضارب البادية كحل الاسود الي من الانف للاذن
والظل الحركات
والشنطة الي طقم الجزمة >>>خلاص امسكوني حقوملها

يعني جاية بشنطة فوشي وجزمة فوشي ليه يامال العما

وتدخل من بوابة المستشفى وتعرفو اغلب المستشفيات كراسي انتظار الرجال جنب بوابات الدخول وشوفي كم واحد منظر ومن مختلف الاعمار وتدخل يالبا قلبها تتمختر واتحداك لو بقي احد مريض من الرجال

واحلى شي على قلوبهم ان قسم الاطفال يكون زحمة والحرمة ماتطلع
حسبي الله على ابليسك احنا وين نهرب منكم
قسم بالله عصبت اف ماني مسوية غدا اليوم >>>>اقول لايكثر

لا لحظة لحظة لحظة
في صنف تاني
يعني العباية الي على الراس لها احترامها واحترام الي تلبسها
انا قلت عباية الراس ماهو استلتش الراس

سلامات وش صار ياحريم
والله صارت بعض عبايات الكتف استر
يعني صارت الوحدة تتفنن الكم المطروز للرقبة والتخصير اللي على اصوله والله تخصير خاصة منطقة الصدر وش هذا درع حماية يعني ولا ايش والكم الضيق والخصر الممشوق

وتكلميها تقولك انا لابسة عباية على الراس >>>لاوالله احلفي ...وش عبايته خاصة القماش الي يلمع هذا والله احسه مرة يلفت تشوفين الوحدة تبرق من بعد كيلو خاصة وقت العصر وتحت اشعة الشمس الذهبية

مناظر عجيبة غريبة
فهميني طالعة لمول او مستشفى او سوق لابسة كعب عالي ليه انا ابغا افهم كعب احمر وشنطة حمرا او شنطة وكعب ابيض وبنطلون اسكني ابيض اش تحبي البيض مثلا او وزة متحركة خير
والعباية مفتوحة وحالتها حالة

والادهى والامر لمن يغازلها احد ياااااااااويلي ....انت ماتستحي وانت قليل ادب وتجي الهيئة وتلقط الشاب وتكفخ فيه وهي فرحانة

طيب اوكي الشاب غلطان لكن المفروض من الهيئة جعلهم فوق راسنا المفروض يشوفو الحرمة لو لبسها ماسخ يطلعوها من المكان ىالي هي فيه
بالله هذي مو فتنة متحركة طيب ليه يخلوها
معليش الي ماتستحي تذلف برة

اااااااااااااه ياقهري

معليش طولت عليكم >>>>وحدة معصبة زوجها ماوداها السووق

طولت من الي فيني من زمان ودي انزل ها الموضوع بس تعرفو اجازة ورمضان وعيد ومداارس واااخ من المدارس انا نفسي اعرف هذا رياضيات مطور ولا مدمر
قسم بالله رفع ضغطي ياهو قاهرني قهر فيه حسسني اني اغبى وحدة بالعالم
لا والقا نفس الدروس والتمارين بس متطورة شوي برياضيات بنتي الي اكبر منها
خير
كبر الكتاب يعني

ماكني دخلت عرض بالرياضيات

اخيرا

ياخواتي يانور عيني انا ماقول البسي جونتي وشراب هذا شي نطمح والله له وندعو لانفسنا بالرقي بحجابنا
بس يااختي استري نفسك
يعني لاتسمحي باي تطريز بعبايتك خلاص خذيها سادة
خصصي شنطة سودا وجزمة فلات او عالية شوي بس وخليها على جنب للاسواق والمستشفيات الله يبعد الشر عنكم
بلاش مضارب البادية وانتي خارجة خلاص زوجك عارف خشتك فمالها داعي الكحل والظل
والعطررررررررررررررررررررررررر ر فيه حريم يمرو من عندي كانها تعرض عطور يااهو ماسمعتي بحديث الزانية
الله المستعان

وتلقي الوحدة ببيتها الكحل مايعرفو زوجها ولمن تخرج عذرها اتكشخ لزوجك


عودي بنتك من صغرها من المتوسط وبعضهم ماشاء الله يكبر جسمها من الابتدائي خلاص قوليلها عبايات المسخرة مافي
خليها تبكي لين تنفجر مو تبكي بكرة انتي عند موتك وتضييعك الامانة

خلاص خلصت الي عندي

الي تدخل تدعيلي بولد صالح سليم معافى
والي ماعجبها كلامي او عندها اعتراض مافي مشكلة دامك مانتي قدامي اعترضي بس الله يخليك اعتراض مهذب وعادي اقبل النقد بصدر رحب
والي شافت منظر مخزي في مول او مستشفى او تعرف قصة ياليت تسدحاها هوون

ملحوظة
انا لاامانع بنقل مواضيعي فما كتبتها الا للنصح والارشاد ولكن ارجو كتابة منقول لاخت ترجو من الله ان يرحم الغالي والدها
لاني لقيت موضوعي الاول ملطوش باحدى المنتديات والحريم يشكروها وهي مبسوطه وماقالت منقول انا ناقصة رفعت ضغط>>>اليوم ماني طابخة يعني ماني طابخة

اللهم اصلح بنات المسلمين وزينهم بلباس الحشمة والعفاف
اللهم ارفع قدر وفرج هم كل من قرات ورفعت موضوعي وارزقهن يالله ببشارة لاتخطر لهن على بال تسعد بها قلوبهن ياكريم

استودعكم الله ونلتقي هلى خير في الجزء الثالث من السلسة....قريبا ان شاء الله




غسول باي تاتش العجيب للتضيق يدوم ل 18 ساعةو جهاز تكبير وشد الصدر

روعة البخوروزديادر ساىًل الشكر المتجددة من زبوناتي




0543542093

انستقرام nanaa799
كلي وله 1 غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




05-11-1432 هـ, 10:09 صباحاً
#2
صدقتي في كل كلمه قلتيها خصوصاً مستشفى سليمان فقيه انوااع المسخره


توقيع

اللهم أختر ليّ الافضًل فيٍ كُل أمور حيآتي
ثُم أرضني بـ أختيآرك ,
ولآتجعلني ألجآ لآحد سوآك ,
و أرحمني بـ رحمتك يً أرحم الرآحميين . .
اللهم آآمين
رد مع اقتباس
وُهـّ يآحلآتيـٌے•● غير متواجد حالياً  



05-11-1432 هـ, 10:10 صباحاً
#3
السلام عليكم ورحمة الله وبركاته
اللهم يامقلب القلوب ثبت قلوبنا على دينك

الله يثبتك يالغالية ويزيدك تقى وايمان
جزاك الله كل خير ياقلبي وبارك فيك
ونفعنا الله بماكتبتي
وجمعنا الله بك بالفردوس الأعلى مخلدين فيها

كلامك عين العقل .. احدى قريباتي كانت قمة بأخلاقها وتعاملاتها والآن لو تشوفيها ماتصدقي عباية كتف وحذيان صندل مفتوح ونقاب ابو مطاط ماادري تعرفوه او لا
واذا جاء وقت الخرجه او بنطلع تمشيه ماتلبس الا بنطلون جنز
وقررت اكلمها << يافلانه تغيرتي مره كنت فخوره بك لكن الحين احسك مره تأثرتي بالي حولك تدرين ايش ردت علي
قالت والله هذا الموجود بالسوق وربي يرحمنا وش اطلع اخس الناس ...!!!!!!!
طيب ماعليه ربي رحوم غفور بس الي يطلع منه الخطاء وهو ساهي وبدون قصد مو انتي متعمده تخرجي به الشكل
وصراحه الي يفور دمي لمن تكون الأم ماشاء الله لاقوة الا بالله ملتزمه بمعنى الكلمه وبناتها اللهم لك الحمد والشكر شتان بينهم ماتقولين بناتها يطلعوا قدام عينها
واذا نصحتيها قالت << ماابغى اعقد بناتي ..!!!
والله اني اغبط جيل امي وجدتي كانوا يلبسوا ثياب بزم وبناطيل حقت خط البلده المخططه وطويله مغطيه رجولهم ومسترات ماتسمعي منهم العيبه
والحين كل ملابس الأسواق تقصر وتكشف اكثر مما تستر
انا ولله الحمد ماانزل السوق الا لضروره والمرات تنعد على الأصابع
نادراً نادراً مانزل واذا نزلت انصدم من بعض مواقف البنات الله يهديهم
قبل رمضان والله الذي لااله الا هو قررت اشتري عبايه ورحنا محل عبايات وبنتي ام اربع سنوات قصرت عبايتها فقلت باخذ لها وحده جديده فاشتريت لها بطرحتها وانا اخذت لي العبايه الإسلاميه الي لها ربطه على الراس عشان ماتطيح
ويوم جاء زوجي يحاسب مسكه العامل الأجنبي وجلس يشكر زوجي قال انتم واجد كويس كل نفر حرمه يجي يشتري كل كذا ويأشر على عبايات الكتف المطرزه
سبحان الله هالأجنبي لاحظ وانتقد بنات بلاد الحرمين
الله يكفينا شر فتنة آخر الزمان



.............

بالنسبه لرياضيات صادقه والله لو بيدي كان ارتكبت جريمه في مؤلف هالكتاب
امس تعبانه ومضغوطه وقلة نوم وولدي مارضي يستوعب شرحي له والأستاذ ماقصر اربع دروس بواجباتها بدون شرح تخيلو << قالهم افتحوا الكتب الصفحه كذا وكذا واجب ... معلمين اخر زمن
المهم دخلت اجهز العشاء وجلس زوجي مع ولدي على اخر تمرين بواجب الرياضيات جلسوا يحسبوا ويطرحوا وكل واحد اخس من الثاني ... الله ينور قلوبهم ويفتح بصيرتهم
خلاص عقلهم قفل مو قادرين يفكروا ايش قام عمل زوجي
اخذ زوجي الجوال وجلس يحل المسألة بالحاسبه واعطى ولدي الناتج قال اكتبه ..!!!
قلت ليه كذا ... قال خلاص شوي بنفجر بالله هذه مسائل لطلاب صغار وينهم ووين هالمسائل حسبي الله ونعم الوكيل فيمن كان السبب


توقيع





رد مع اقتباس
ام لمار واختها_ غير متواجد حالياً  



05-11-1432 هـ, 10:11 صباحاً
#4
لاحول ولا قوة الا بالله اللهم عافينا


توقيع

[IMG]166681758http://[/IMG]
رد مع اقتباس
نوفة الهيلا غير متواجد حالياً  



05-11-1432 هـ, 10:16 صباحاً
#5
جزاك الله خير ويكثر من أمثالك وكلامك درر وعين العقل وعلى قولتك ماناقص الا الطقاقات الله يصلحنا ويهدينا يارب ويكفينا فتن الدنيا وشرها


رد مع اقتباس
حبيبة--جود غير متواجد حالياً  



05-11-1432 هـ, 10:17 صباحاً
#6
الله يهدي الجميع


توقيع

الحمدُللّه حمَداً تسّتطيبّ بهِ جِراحُنا وبِه يغدُو الفؤادُ غَنياً ♥
رد مع اقتباس
(نوووشه) غير متواجد حالياً  



05-11-1432 هـ, 10:18 صباحاً
#7
اللهم استرنا فوق الارض وتحت الارض ويوم العرض


توقيع


رد مع اقتباس
بنت عجلان غير متواجد حالياً  



05-11-1432 هـ, 10:19 صباحاً
#8
اللهم استرنا فوق الارض وتحت الارض ويوم العرض امين


رد مع اقتباس
(الشيخه1) غير متواجد حالياً  



05-11-1432 هـ, 10:26 صباحاً
#9
حياكم الله اجمعين
اختي ام لمار طرح ومشاركة رائعة

والله معاك حق بنتي المدرسة راصتلها خمس دروس وتقولهم بالبيت حلوها بالله اش تردي على ها الاشكال
الله المستعان
طيب تخيلي الام ماتعلمت وش تسوي والله حرام عليهم


رد مع اقتباس
كلي وله 1 غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 08:11 .