السلام عليكم ورحمة الله وبركاته
عملت ترايفل ياحبيباتي وطلع طعمه تحفة وحبيت تشوفوه ولو كان ينفع كنا ناكله سوا
اول حاجة نجيب كيك شيكولاتة -بسكويت ماري مش كتير -مهلبية بالكاكاو-كريم خفق وقالب بقاعدة متحركة او بدون قاعدة ونحط له فويل من تحت ونحطه علي صينية
احط قطع كيك وافرشها واحط حوالي 6 بسكويتات ماري واكسرها بايدي خشن مش مطحونة وارشها فوق الكيك
واصب عليه المهلبية وهي ساخنة وادخلها التلاجة
بعد لما تبرد اضرب كريمة خفق او كريم شانتيه واحط له كاكاو واضيفه للصينية وبرضه ادخلها التلاجة حوالي ربع ساعة
اجيب شيكولاتة خام حوالي 200 جرام واكسرها واحطها علي النار مع حوالي نص كباية حليب بس النار مش عالية
اصب الشيكولاتة بعد لما تبرد فوق الصينية واعمل بالشوكة حركات عشوائية علشان تديني شكل الرخام
اعمل وردات بالكريمة البيضا علشان اخف اللون البني واحط اي نوع فاكهة انا حطيت كريز فريش كان خطير
وندخلها التلاجة وتتاكل بعد ساعتين علي الاقل ونفك القاعدة وتقدم وممكن ماتاخدش شكل فرمة وبعد لما تقطعيها بتخرج الحشوات لانها مش تورتة بس الطعم حكاية يعني ممكن تعمليها كمان في سلطانية وتتغرف في اطباق عند الاكل واسيبكم مع الصور
شكلها من جوة للتشويق هههههه
شوفو المهلبية طرية من جوة
وبالف صحة وعافية اتمني تجربوها ومستنية رايكم
اترككم بالف عافية
ليلى محمد64 @lyl_mhmd64
عضوة مثابرة
يلزم عليك تسجيل الدخول أولًا لكتابة تعليق.
قهوة الضيافة
•
soso_s_m
•
وااااااااااااااااااو
ماشاء الله تسلم الايادي.
شفت شكلاطة جيت طيراااان
بس عن جد شكلها روعه
ماشاء الله تسلم الايادي.
شفت شكلاطة جيت طيراااان
بس عن جد شكلها روعه
الصفحة الأخيرة