السلام عليكم ورحمة الله وبركاته
بدون لف ودوران ومقدمات انا كان وزني 86 والحين ولله الحمد والفضل 76
بقولكم الرجيم حقي خلال شهرين طبعا وقفت برمضان وحاولت احافظ على جسمي زاد وزني
ال 79 بس الحمدلله تداركت الموقف وحاليا وزني 76 وبقولكم ترا فصيلة دمي O+ < او موجب
على بركة الله
عندي وجبة الفطور والعشاء اقدر ابدل بينهم حسب مزاجي الي هم
1_( كوب حليب منزوع او قليل الدسم +سبشل كي < زي الكورن فليكس حق الدايت )
لاتكثرون من السبشل كي لانه وجبة متكامله خذو نص كوب منه مع الحليب
طبعا تحطين كوب الحليب بالميكرويف عشان يتصخن وبعدها تحطي سبشل كي وتاكلينه وتشربي الحيب كامل
2_( شريحتين خبز توست اسمر + شريحة مرتديلا دجاج + جبن سائل وللامانه كنت احط جبن عادي مو قليل ولا منزوع الدسم مقدار ملعقه طعام ونص ) ممكن تاخذي معاها حبة فاكهة عشان تكون وجبة كاملة
----------------------------------------
بنات اذكركم الوجبتين هذولا ابدل بينهم ساعات افطر حليب وسبشل كي واتعشى توست ومرتديلا
وساعات العكس افطر توست ومردتيلا واتعشى حليب وسبشل كي
الغداء $:
تاخذي لك نص صدر دجاجه تقطعيها مكعبات وتحطيها بالشوايه مع شوية زيت < احنا ناكل صحى مانعقب انفسنا :44:عادي لو شوية زيت وتحطي البهارات ولما يستوي الدجاج حطي عليه بصل وانواع الصوص لو حبيتي او طماطم واشوي معاه حبة بيذنجان مشوي او حبة بطاطس + 7 ملاعق رز او خبز مو شرط اسمر بس انا افضل اسمر لانه بسرعه يشبع ويسد النفس الابيض يفتح نفسك:09:
واذا حاسه نفسك تقدري تاكليه بدون نشويات يكون افضل وافضل كليه بشوكة + صحن سلطه ( خيار-طماطم - خس + اعصري عليه ليمون بلاش تحطي ملح لان الملح يحبس الموية )
وبقولكم على طريقه انا اخدع نفسي فيها عشان اشبع من الرز
اخلط الدجاج مع الرز مع الخضار يصير كثير والله اني ساعات ماكمل اكلي وتقدري تحطي بدال النص صدر
صدر كامل
بالنسبه للقهوة العصريه
اتقهوى وكلي نص حبة شوكلاته او 4 حبات تمر واجلسي مطمطي فيهم لين تشبعين
ودااائم وانتي تاكلين اجلسي كلي بشويش عشان تشبعين ومنها تتعودين لان فشله لو طلعتي جمعات تاكلين بشراهه
رجيمي مو صعب يبي له احد يلتزم فييه
اي واول الفتره كنت اصحى جوعانه من النوم احط عند راسي موية واصحى اشرب تمتلي بطني وتنسد نفسي وارجع انام
وساعات افطر واجوع قبل وقت الغداء اجلس اشرب موية لين يجي وقت الغداء
والله يابنات اختي نحيييفه جسمها زي عاراضات الازياء تقول اصحى جوعانه اشرب موية اشبع وتسد نفسي
وانا اخذت الفكره منها وصديقتي برضو وزنها كان بال 90 والحين ماشاء الله تبارك الله 69
تقوول لاجعت قبل وقت الاكل اشرب موية
وبالاخر صار اكلي منتظم والله اني الشهر هذا اكلت رز مرتين مرة باول ايام العيد ومره من اسبوعين وماكثرت
ولما تنحفين وتتعودين على الاكل الغى وجبة العشاء وخذي لك كوب عصير انا صرت اخذ نص كوب عصير
ولاتنسسسسسسسسسين موية عند راسك قبل لاتنامين
ايوة وبعد امشي يوميا نص ساعه ضروري الي ساعتين حسب قدرتك
كلي شوكلاته بس بعقل واشربي ببسي نص كوب 3 مرات بالاسبوع
انا الحين بوصل لل 66
اي سوال انا جاهزة والي حابة تبدى معي بامانه
اسفه طولت الشرح بس اتكلم من كل قلبي :26:
شـاشـا @shasha_3
عضوة نشيطة
الدايت حقي نزلني ولله الحمد 10 كيلوت برجع اعيدة الموضوع كتابتي وعلى مسئوليتي
104
22K
يلزم عليك تسجيل الدخول أولًا لكتابة تعليق.
الصفحة الأخيرة
وعقبالنا يارب
نظامك حلو الله يتمم عليك بصحه وعافيه