السلام عليكم ورحمة الله وبركاته
كيفكم امهات عساكم ع القوه ان شاء الله مع تعليم اطفالكم
انا عندي بتين في الروضه
وحده مشاءالله عليها تفهم اكبر من عمرها وماتعبت معها
والثانيه فهمها صعب ومره تعبتني معها
وطول امس وانا افكر كيف اخليها تتعلم بطريقه مرحه
لانها تقعد معي ومخها في اللعب ولا الحلاوه ولا التلفزيون
ففكرت في شي مره ممتع واليوم رايحين الروضه يقولون يارب ناخذ حرف جديد عشان نيجي نتعلم
تعالو اوريكم ايش سويت لهم بالخطوات
اول شي شرح مبسط للفكره
جبت لكل وحده كراسه وسويت حروف وارقام وحطيتها في علبه
وبعد مايجو من المدرسه يعلموني ايش الحرف اللي اخذوه
بعدين افك العلبه واقولهم طلعي الحرف اللي اخذتيه في الروضه
وبعدها اخليها تلصقه بالغراء على كراستها وتبداء تكتبه
هذا بالنسبه للحروف اما الاقام
انفس الشي قصيت ارقام مفرغه ومجموعه من الورود والاشكال الصغيره
واسالها عن الرقم وتطلعه من العلبه
واخليها تلصقه في الكراسه وتلونه
واخليها تطلع من الصور الصغغار حسب العدد اللي اخذته عشان تعرف معنى العدد
وتلصقها جنبها
وتبداء تكتب العدد
والحين اتركم مع الصور عشان توضح لكم الصوره اكثر
هذي العلبه قسمتها 4 اقسام بكرتون ممكن تستخدمي الفلين او كرتونة مناديل للتقسيم
وهذي الاحرف بعد ما قصصتها
(طلعتها من النت ونسقتها وطبعتها وقصصتها)
وهذي الارقام
وحرصت انا تكون مفرغه لزيادة التسليه
وهذي الصور الصغيره تبع الارقام
وممكن الاستعاضه عنها بأزارير ملونه او الملصقات الصغيره اللي ع شكل نجمات
بس انا كنت مستعجله وسويت هذي
وذي صورتها قبل القص
وهذ صورة العلبه بعد ترتيب الاعراض فيها
قسم للارقام
قسم للاحرف
قسم للصور الصغيره تبع الارفام
وقسم كبير للصمغ والمسطره واقلام الرصاص والتلوين
اتمنى يعجبكم الموضوع وتستفيدو منه
وانا عندي ملفات جاهزه للارقام والحروف والصور
كل ما عليكي تتطبعيها
بس ما اعرف كيف احملها لانها مستندات وورد اللي تبغاها تعلمني الطريقه وبحاول انزلها
مبدعة تستحقي التكريم ربي يحفظ لك ما اعطاك وتشوفيهم في احسن مناصب