بسم الله الرحمن الرحيم
السلام عليكم ورحمة الله وبركاته
كيفكم وش علومكم مع الشورى ...مين رشحت ...ومن اخذت برد
هذا يا طويلات العمر على طاعة الله
سمعت امس من الشيخ ناصر السنة مفسر الاحلام يجي على قناة بداية <<<شديدة الإعجاب بقدرته ع تعبير
سبحان من وهبه هذي النعمة ..ماشاءلله لاقوة إلا بالله
المهم سمعته يرد على احدى المرسلات له تطلب حل للوسواس
قالها قطري في أذنك زيت مقري عليه..واستمري عليه وإن شاءلله ستشافين
عاد انا اول مره اسمع بكذا!!
يعني اسمع بالرقيه وتدهن بزيت مقري وشرب ماء مقري ورشه بالبيت
لكن زيت بالاذن اول مره
عمومآ انا ارسلت هالرساله لاخواتي بالجوال
وقلت لازم ارسل هالمعلومة لخواتي وحبيباتي بنات حواء :heart: لعل الله ينفع بها ويفك بها كربه
وهالله هالله بالاذكار الصباح والمساء والله لها مفعول عجيب سبحان الله
وعلى طاري الاذكار!!
واحنا بهالسوالف الا اختي تحكيلي عن رؤيا شافتها قريبة صديقة اختي <<<مشوار :icon32:
صديقة اختي اسمها قيونه <<يازين اسمها
قيونه هذي سكنت بيتها الجديد..
بيت حلو وشرح وله ساحة حديقه وزرع ونفوره ومن هالعلوم الطيبة
تقول واخذت لي غرفه عملتها لي مكتب لشغلي<<مدرسه
والله وتقول ان قريبتها شافتها في رؤيا ..وقريبتها هذي ماجاها خبر بأن قيونه سكنت بيتها الجديد
فتحكي لها تقول: شفت بيت جميل وحلو ومش واضح فيها الا غرفه وحده وفيها مكتب ..المكتب هذا جالسه عليه حرمة
ماشوف وجهها ..
وقبال المكتب شباك كبير وشوف ناااس سووود بشعين مرره وعددهم كثيررر ويترأسهم شخص كبير حجمة
يقول لجنوده:لازم نقضي على هذا البيت واللي فيه لازم عليكم فيه لا تخلون فيه شي وخاصة هذي الحرمة<<يقصد اللي جالسه على المكتب أذوها و اهل بيتها
تقول: وشوف من ورى البيت ناااس بيض واشكالهم حلوه واجسامهم قويه وكثيرررررررر وبأيديهم اسهم ورماح
ويترأسهم شخص حجمة كبير وجميل مره
ويقول لجنوده: لا تسمحون لهم بالدخول واقتلوهم ولا تبقوا منهم احد ولا تخلون احد فيهم يدخل البيت ..ثم يقول
والله طالما هذي الحرمه في البيت ماتدخلونه..ولا نخليكم تأذون احد فيه وخاصة هذي الحرمه
تقول فقتلوهم كلهم برماحهم واسهمهم
تقول قريبة قيونة: انا صحيت وقول ياربي منهي هذي الحرمه..مين اللي عندها مكتب ماذكر احد من معارفنا عنده مكتب
وتمر الايام وتعمل قيونة عزيمه وتحضر قريبتها وتشوف المكتب وعرفت ان قيونة هي المقصوده فحكت لها الرؤيا.
فسألتها اختي قالت ايش تسوين انتي عشان ربي مرسلك جند من جنوده يحمونك؟؟؟
قالت والله مامن زود ومثل ما انتي شايفه زوجي عنده بالمجلس دش فيه كل القنوات و ولدي الله يصلحه راعي اغاني
وماعندي غير الاذكار..والله ما اذكر شي اسويه وحريصه عليه إلا الاذكار الصباح والمساء
فسبحان الله اللي ارسل لها جنود يحمونها ويحمون بيتها بسبب اذكارها
المفروض ما نستهين في الاذكار والله..:frown:
خاصة لعيالنا الصغار مساكين لازم نعلمهم اية الكرسي عشان ربي يحفظهم
وترى تعليمهم ماهو صعب بس ياخذ وقت
كل بعد صلاة اقريها بصوت عالي وحبه حبه بيلقطونها منك و مع الايام الا صاروا حافظينها
ما انسى بنتي زمان كم كانت تصارخ وهي على فراشها وتنزعج ...
والله كنت اشوفها حتى ماكنت اسمي عليها جهل مني وقلة خبره...
اقول عادي احلام <<خووش أمالين تعلمت اية الكرسي والحمدلله صارت تنام نومة حلووه وهاادئة
حتى الحمام كانت تخاف تدخله وتسكر الباب الين تعلمت ذكر دخول الحمام وشوي شوي صارت عادي والحمدلله
والاذكار بدأت تتعلم منهم كم ذكر ..والحمدلله
وسبحان الله لا يقول الواحد فينا انا عاصي وقليل اقبال على الله وش بتنفعني الاذكار
الاذكار بوابه للإقبال على الله من اوسع الابواب بأذن الله
طولت عليكم السموحه بس سالفه سحبت سالفه..ومعكم السوالف غير
يله فتكم بعفيه
وصلوا على من علمنا الاذكار نبي الرحمة صلَّ الله عليه وسلم
http://www.youtube.com/v/oyv4f23M_7g&feature=fvsr
WIDTH=400 HEIGHT=350
احبكم في الله
:26:
ويجزاك ربي الفردوس الاعلى من الجنه
صدقتي اختي لازم المداومه على الاذكار
اللهم من ارادنا بسوء فأشغله في نفسه ورد كيده في نحره