صباح الخير
علي الامهات العسولات
لاحظت في الفترة الاخيرة زادت شكوة الامهات من عدم اكل اطفالهم
طفلي/طفلتي لا ياكل/لاتاكل ومغلبني/مغلباني
او طفلي/طفلتي عايش/عايشة علي الحليب فقط
sahatak1.478596
فاليك اايتها الام بعض النصايح قبل ذكر حلول لمشاكل عدم اكل الاطفال
1/ تبدا تغذية الطفل من الشهر السادس من
العمر بمعني بعد ان يكمل الشهر السادس
وليس اول يوم يدخل فيه الشهر السادس.
اكيد حتسالو وتقولو ليش امهاتنا وجداتنا واكلو عيالهم من 4 شهور وعادي
بس في دراسات حديثة اثبتت انه عند اعطاء الاطفال
اكل قبل 6 شهور يكون لدي هؤلاء الاطفال
قابلية اكثر للاصابة بالحساسية سواء كانت حساسية انف او صدر او جلد
لانو وجدو انا جدار معدة الرضيع يكون ضعيف في الشهور الاولي ويسمح بتسرب الاكل للجلد
وبالتالي يسبب الحساسيةاما بعد 6 شهور يكون اكتمل نمو الجدار
2/لازم يبدا يوم الرضيع برضعة حليب وينتهي برضعة حليب والاكل في باقي اليوم
3/الطفل الرضيع نعرض عليه نوع واحد من الاكل
كل 5 ايام حتي نعرف ايش اليحبو وايش الينفع معاه
واذا رفض الطفل الاكل نعرضو عليه مرة تانية وثالثة لان
و حلمات التذوق الموجودة باللسان تتغير كل اسبوع
وبالتالي ممكن الاكل الرفضو الطفل يتقبلو مرة تانية
4/اذا كان طفلك يحب الاكل الحالي
(لا اقصد الحلويات وانما الاكل اليميل للحلاوة مثلا القرع)
او الاكل المالح
اعطيه الاكل اليحبو واستمري عليه
اتذكر مرة سمعت استشاري اطفال في برنامج طبي اتابعه يقول
ولده الكبير كان يحب البطاطس وهو صغير
بطريقة تجنن ولا ياكل شئ غيره حتي سموه احمد بطاطس
فاذا ابنك يحب شوربة معينة –زبادي-جبنة-أي كان اعطيه ايه ان شاء الله كل يوم
5/لازم نعود اطفالنا علي الغذاء الصحي
والسليم مثلا في اطفال يحبون البطاطس المحمر ممكن
نشويه بالفرن بدون مايدرون ونبتعد بقدر الامكان عن
الحلويات الكتيرة والشوكولاته لانها بتضرهم
اكتر ماتنفعهم اول شئ اكل الحالي يسد النفس ومايخليهم لايتغدون ولايتعشون
وتاني شئ يخرب اسنانهم اللبنية المفروض نحافظ عليها للين تسقط وتظهر الاسنان الدائمة
وانا انظف اسنان بنتي بقطعة من الشاش مبلولة بماء يميل
للبرودة عشان انظف لها اسنانها وفي نفس الوقت
الماء يرطب لها لثتها ويخفف عليها اللام التسنين
6/الاكل الخاص بالاطفال نقلل الملح فيه
قدر الامكان ويستحسن يكون فيا لاول بدون ملح
لان اجهزة الطفل من كلي وكبد وغيرها لم يكتمل نموها ويكتمل بغد عمر السنتين
7/هذه اهم نقطة اذا عندك اكل خاص
مسوياه لطفلك/طفلتك لاتعرضيه عليه مع اكلكم لانو بيرفضو
وبكون عاوز ياكل من اكلكم اعرضيه عليه قبل اكلكم مثلا انا بنتي اسوي لها شوربة خاصة
اعطيها لها قبل غدانا يعني اذا بنتغدا الساعة2 ظهر اعطيها الشوربة الساعة1ونص ظهرا
وبكذا تضمني طفلك اكل شئ مفيد حتي اذا مارضي يتغدا من غداكم بكون اكل اكل ينفعو
الحين
نجي للحلول للاكل للاطفال
الاطفال من عمر 6 شهور للين سنة
مثل ماقلت نبدا اليوم برضعة وننهي اليوم برضعة
الاكل ممكن اعطيه تفاح مسلوق 5 دقايق ومخلوط بالخلاط
نعمل شوربة خضار كوسة وجزر وبطاطس واسلقهم(الافضل بدون ملح)
واخلطهم واعطيه وبعد اسبوع ادخل معاها صدر دجاج وبعد اسبوع ادخل اللحوم وممكن اضيف شوية مكرونة
وممكن نعملها بكميات كبيرة وافرزنها
زبادي(بدون سكر)
سريلاك
*في الفترة الاول يعني عمر 6 شهور و7 شهور للين 10 شهور يكون اكلهم مرة قليل وبعتمدو اكتر
علي الحليب بس لازم نعطيهم الاكل حتي يتعودو
الاطفال من سنة الي 3سنوات
دول هم العذاب في العند والرفض ولازم مانغصبهم لانهم بزيدو عناد ورفض
وهنا نستخدم معاهم الحيلة والصبر وطولة البااااااااااال
انا مثلا عن بنتي عمرها سنة و8شهور احاول الهيها بقناة الاطفال الهي بتحبها واكلها
او افتح لها اللاب توب واشغل لها أي شئ تحبه
بس بنتي من كملت سنة ونص صار التعامل اصعب والاكل بعناد مرررررة وترفض تاكل اكلها
الشوربة والزبادي عشان كذا انا اعطيها الشوربة قبل غدانا والزبادي قبل العشاء
وهي اصلا لاتتغدا معنا ولاتتعشي بس تعاند تذوق الاكل كم لقمة وخلاص عشان كذا اصر انها تاكل الشوربة والزبادي
الايام هذه عرفت حيلة جديدة عشان انها تاكل وطبعا عرفتها بالصدفة البحتة>>>متعوب عليها الكلمة هذه خخخخخ
بنتي من صغيرة ماتحب الجبن والله يكرمكم لو اكلته تتفهاو تقرب تتقيا
فمرة كنت جوعانة عملت سندويتش جبن وانا حاطة في بالي انها مابتحب الجبن
الا جات الفصعونة وقالت ادااااا ادااااا عطيتها من السندويتش فاكلت ماصدقت حالي خليت اكلي وبقيت اكلها
ومرة سويت لي شاي بالحليب واكلت معه بسكوت نخالة وبنتي مابتحب البسكوت بس جاتني
وقالتلي اداااااااا سويت لها شاي حليب وبسكوت رفضت استغربت عطيتها من حقي اكلت
فعرفت انو هي تبي تاكل الانا اكله وبس>>>فديتها تحب امها
وبقيت اتحايل عليها اذا ابيها تاكل شئ ماناديها اجيبه عادي واكل منه وهي تجي وتاكل
رغم انو اكلها قليل بس الحمدلله كم لقمة احسن من العدم
*فانتو ممكن تجربو طريقة انكم تطنشوهم وتعملو الاكل كانه لكم وهم الاطفال بطبيعتهم يحبون أي شئ
في ايدين امهاتهم
الاطفال من 3 سنوات فما فوووووووق
دوووووووووول اكتر اكتر اكتر فئة عنيدة ومابينفع معهم اسلوب الحيلة لانهم اذكياء
فانتو اجتهدو بقدر الامكان بافكار لتزين الاكل سواء كان بالعاب يحبونها او شخصيات في مسلسلات كرتون
واليكم بعض الافكار لتزيييييييييييييين الاكل للاطفال
mwDw3
mwDw2
mwDw1
mwDw
mwDw5
mwDw4
اتمني انو موضوعي يكون عجبكم وافادكم
تحياتي
ام رهوووووفة
مشكووورة ماقصرررتي
*فانتو ممكن تجربو طريقة انكم تطنشوهم وتعملو الاكل كانه لكم وهم الاطفال بطبيعتهم يحبون أي شئ
في ايدين امهانهم
صاااادقة كنت ومازلت احيان اسووي هالحررركة مع بنتي