السلام عليكم بنات
ذاك اليوم رحت المريديان واكلت كبسة تجنن مدري شلون سووها بس لكني فكرت وفكرت وعرفت بنفسي صج ماصارت مثلها بالضبط لكن ،، تقريبا نفس الشي
المقادير:
كيلو ربيان جامبو كبير منظف ومسلوق نص سلقه في ماء وست حبات ثوم مقطعين
ثلاث اكواب رز او اربع ،، ماركة تلدا
نص زبده
ملح ، فلفل ابيض ، شوي كركم ،
ماء ساخن ومغلي
2 بصل ابيض مفروم ناعم
الطريقه
في قدر حطي الزبده ذوبيها واضيفي البصل وخليه يذبل بعدين حطي الربيان عليه وحركيه وقلبيه لين يتغير لونه بعدين حطي البهارات مع الملح ،، وصبي الماي الساخن ،، طبعا الماي هني بتحطينه على حسب الرز اللي بتظيفينه عليه ،، وغطي القدر لي بعد ربع ساعه شوفي الربيان نضج ،، ثم حطي الرز وخليه على نار هاديه، لين يتكمر الرز زين ،،
بعدين قدميه في صحن وزينيه بفلفل اخضر واحمر مفرومين مكعبات ،، مع بقدونس مفروم ،، وبالهناء والشفاء ،،،،،،،،،،،،،،،،،،،،،،،،
ان شالله تعجبكم
حلوة مربربة @hlo_mrbrb
عضوة فعالة
يلزم عليك تسجيل الدخول أولًا لكتابة تعليق.
قطر الدين
•
الصفحة الأخيرة