~سويت عملية شفط دهون البطن بالليزر وهذي النتيجه ~ - منتديات عالم حواء
أخبار حواء:
«    »
                               

السعودية - جميع دول الخليج
كتاب نكهة الأطباق
يتوفر الكتاب الرائع ذو الوصفات الشهية في عدد من المدن تجديها في الموقع
              

السعودية - جميع دول الخليج
كتاب نكهة الأطباق
يتوفر الكتاب الرائع ذو الوصفات الشهية في عدد من المدن تجديها في الموقع
قديم 07-10-1432 هـ, 07:36 مساءً   #1
فـــــدوى

عضوة نشيطة
 
الصورة الرمزية فـــــدوى
 
تاريخ التسجيل: 10-02-1432 هـ
المشاركات: 290


Cool ~سويت عملية شفط دهون البطن بالليزر وهذي النتيجه ~

مساء الخير
اسعد الله اوقاتكم بكل خير ..

طبعا باحد المواضيع وعدت اني اكتب تجربتي بعد عملية الليزر (شفط دهون البطن)

بس ماحبيت استعجل لانه كان مالي الا3 اسابيع وقلت لازم اصبر واشوف بعد كم شهر وبعد مااشيل المشد

وقبل كل شي يشهد علي الله اني ماكتبت الموضوع الا ابغى النفع لااخواتي
ولاابيهم يستعجلون بمثل هالامور ويستخيرون اكثر من مره ..

اخذت عهد على نفسي اي شي اجربه او اسويه انقل تجربتي لااخواتي
سواء بالسلب او الايجآب لاني ماابي غير دعوه بظهر الغيب ,,


بداية تجربتي بالعمليه كنت متردده مره الى ان شافني الدكتور (علا) اللي في العيادات الاستشاريه
في الرياض
وقال بطنك صغير وترهله جدا بسيط مايحتاج وقت كثير والعمليه نسبة نجاحها 75 %
يعني عطاني نسبه فوق النص وهذا شي حلو
اتفقنا ع السعر مع المشد (11) احدى عشر الف ريال
توكلت على الله وجيت ع الموعد اللي عطاني اياها الساعه 8الصباح
لانه قال لازم تجين قبل بساعه يجهزونك الممرضات
وجيت ع الوقت تمام ..ومن هنا بدت معاناتي .. تخيلو جيت للمركز مافيه احد الا عمال النظافه
يعني فوق هم وخوف العمليه +خوف اني لحالي
وشرفوا حضراتهم ع الساعه 9

جو اللمرضات وجهزوني وجاء الدكتور وصور بطني وطمني
وع الساعه 11 بدت العمليه
طبعا غرفة العمليات مش ولابد اي كلام

والممرضات جالسين يجهزون الابر والحوسه هذي كلها قدامي تخيلو كيف نفسيتي وقتها ؟؟

سلمت امري لله وبدا الدكتور
وطريقة البنج دخل مثل الليات ببطني فيها ابر عريضه منها كان يضخ البنج
وغطى عيوني بشاش ..

ذقت الموت وانا حيه قسم بالله وكل مااتألم مع العلم اني صبووووره لدرجه كبيره بس الالم ذبحني
كان كل ماشاف وجهي اتألم ضخ البنج بس والله كنت اموت باللحظه الف مره
واحاول افكر بالنتائج واتحمل

خلصت العمليه ع الساعه 1 الظهر
ولفو بطني بالشاش وشال الشاش اللي على عيوني وقال الحمدالله ع السلامه خلصتي
انا كنت قلت لك نسبة نجاح العمليه 75% صح قلت ايه : قال لا ياستي نسبتها 95%
طرت من الفرح بس قلت مااستعجل الى ان اشوف بعيوني

طبعا اول مافتحت طالعت الدهون اللي شفطها والله الذي لااله الاهو يابنات ماتصدقون شفتو كوب الجبن الكرافت الصغير قسم بالله نصه يعني حاجه ماتذكر ابد !!!!!

الم وعذاب وابر خرمت جسمي واخرتها هالكميه !!!
طيب ليش من البدايه مارفض وقال لا ماتحتاجين ؟

المهم طلعت وعطاني مضادات ومسكنات وكنت اخذها بانتظام ..وتمارين رياضيه سويتها
حتى الاكل خففت وسويت دايت عشان ماخرب اللي سويته ...

وكل اسبوع اروح اسوي ضماد وكل ماقلت دكتور مافي نتائج قال : مع الايام تبين ..

مرت الايام والشهور وبطني ماتغير الابنسبة 15% بس تخيلو انصعقت وانقهرت وحزنت
فوق هذا فتحات الابر شوهت بطني 4 فتحات اسفل بطني 2 وعلى الجوانب 2
والى الان وانا اكتب الموضوع صار لي تقريبا 8 شهور وهي موجوده ولونها بني غامق لان بشرتي بيضاء
وشافتها دكتوره قالت لازم تقشير

اضافه الى ان بطني من الجهه اليسرى صار انحف شوي من اليمنى تخيلو المنظر
الله الله ناقصين
هههههههههههههههههه

ويوم سئلت دكتوره قالت احمدي ربك جت على كذا غيرك يتشوه انتي مو مبين ؟؟؟

واحس فيه مثل القساوه غريبه كانه مورم خاصه فتحات الابر
وياويل اللي يمسكني مع هالمنطقه والا يمزح معي اصرخ لاشعوري
بتقولون تبالغين
!!!
بقول الله لايوفقني ان كذبت عليكم بحرف
بس خلاص معاد ابغى احد يلعب علينا تعبنا ندفع ونتخسر ولافيه فايده !!!!!!!

غير هذا ماعندهم انضباط بالمواعيد وهذي النقطه اللي عانيت منها معهم لدرجة دخلت على مدير المركز شخصيا وكلمته وكان انسان راقي وتفهم وضعي ....


كتبت تجربتي للفائده ..

اتمنى اكون افدت غيري

وانصح اي غاليه بتسوي مثل هالعمليات لاتروح الاللدكتور مختص ومعروف لو في اخر الدنيا
ترى موب كل مره تسلم الجره ...

تمنياتي لي ولكم بآجسام رشيقه وقوآم ممشوق

سمو كل وحده تشمها وتعطيها اللي بعدها
هههههههههههههههههههه

السعودية - جميع دول الخليج
كتاب نكهة الأطباق
يتوفر الكتاب الرائع ذو الوصفات الشهية في عدد من المدن تجديها في الموقع



سبحآن الله وبحمده
سبحان الله العظيم
فـــــدوى غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر


قديم 07-10-1432 هـ, 07:41 مساءً   #2
*غنــوجــه*
عضوة شرف في عالم حواء
 
تاريخ التسجيل: 19-03-1426 هـ
المشاركات: 10,110



الحمد الله علي سلامتك

ليس كل مايتمناه المرء يدركة
انا سويت شفط ليزر لكذا منطقة
عند دكتور غير دكتورك
والنتيجه مشي حالك خخخخخخخخخخخخخ



وما كان الله معذبهم وهم يستغفرون

استغفر الله الذي لا اله الا هو الحي القيوم واتوب اليه
*غنــوجــه* غير متواجد حالياً رد مع اقتباس

قديم 07-10-1432 هـ, 07:43 مساءً   #3
مجروحة بطبعي

عضوة نشيطة
 
تاريخ التسجيل: 02-04-1432 هـ
المشاركات: 432


الله يعينك ويعافيك ماتشوفي شر اختي


مجروحة بطبعي غير متواجد حالياً رد مع اقتباس

قديم 07-10-1432 هـ, 07:47 مساءً   #4
أم وسيم**

محررة
 
الصورة الرمزية أم وسيم**
 
تاريخ التسجيل: 08-11-1430 هـ
المشاركات: 1,619


الله يوفقك ي قلبي.................
من جد قهر الواحد يخسر ع الفاااااضي ويدفع ولا يلاقي نتيجه..
الله يسعدك ويشفيييييييك..............
الله لايحرمك اجر نصحك لخواتك ي قلبي..........



اللــــــهم لكـ الحمد حتّى ترضى ولكـ الحمد اذا رضيت ولك الحمد بعد الرضى....
أم وسيم** غير متواجد حالياً رد مع اقتباس

قديم 07-10-1432 هـ, 07:56 مساءً   #5
فـــــدوى

عضوة نشيطة
 
الصورة الرمزية فـــــدوى
 
تاريخ التسجيل: 10-02-1432 هـ
المشاركات: 290


هلا والله وغلا

غنوجه : هههههههههههههههه ياعيوني الله يرحم حالنا نلاحق هالزين ملاحق

مجروحه بطبعي : الشر مايجيك ياعسل

ام وسيم : ربي يسعدك ع الدعوات الحلوه ولك بالمثل يارب


منورين حبايبي


فـــــدوى غير متواجد حالياً رد مع اقتباس

قديم 07-10-1432 هـ, 08:13 مساءً   #6
جمال الكون 2008

عضوة فعالة
 
الصورة الرمزية جمال الكون 2008
 
تاريخ التسجيل: 01-12-1428 هـ
المشاركات: 936


حمداللله ع السلامه
وماتشوفين شر ياقلبي
والله يخلف عليك



جمال الكون 2008 غير متواجد حالياً رد مع اقتباس

قديم 07-10-1432 هـ, 08:20 مساءً   #7
miss_english

عضوة نشيطة
 
تاريخ التسجيل: 27-12-1427 هـ
المشاركات: 459


الف حمدلله ع سلامتك مشكور ع كتابت تجربتك كم كان ووزنك قبل لاتسوينها وكم طولك؟ واذا سويتيها معاد تحملين ؟؟وشكررا


miss_english غير متواجد حالياً رد مع اقتباس

قديم 07-10-1432 هـ, 08:38 مساءً   #8
فـــــدوى

عضوة نشيطة
 
الصورة الرمزية فـــــدوى
 
تاريخ التسجيل: 10-02-1432 هـ
المشاركات: 290


هلا بكم والله
والله يسلمكم من كل شر يارب

وزني كان 70 تقريبا وقتها وطولي 170

والحمل عادي تحملين ماعندك مشكله لانها مو جراحه فتح بطن مثل العمليات الكبيره لا
اخف بكثير ...


فـــــدوى غير متواجد حالياً رد مع اقتباس

قديم 07-10-1432 هـ, 09:49 مساءً   #9
hnf

كبيرة محررات
 
تاريخ التسجيل: 08-05-1427 هـ
المشاركات: 7,167


اعوذ باالله . يارب سترك .

جشع الاطباء والمستشفيات فوق صحة المريض .. يااختي الحمدلله على سلامتك .. وشكرا على طرح تجربتك وتحذيرك ..

لكن للاسف صار النحف هوس غطى على عقول النساء تبي تنحف باي طريقه . حتى لو كلفها بعض صحتها .. انتبهوا ياناس .. خففوا اكل وسووا رياضه افضل من العمليات .. شكرا مره اخرى يافدوى ..





hnf غير متواجد حالياً رد مع اقتباس

قديم 07-10-1432 هـ, 10:14 مساءً   #10
عذبه المشاعر

محررة برونزية
 
تاريخ التسجيل: 03-01-1429 هـ
المشاركات: 2,392


تسلمين ياقلبي على ذكر تجربتك
كنت متحمسه اسويها لزنودي لانها اكبر من جسمي
بس النتائج تحطم

الحمدلله على سلامتك والحمدلله اللي جت سليمه



برنامج روعه تطلع لك مربعات صغيره تذكرين فيها الله وتحميله ماراح ياخذ منكم وقت
http://www.islamware.com/download/Azkary.exe


ادخلوا الرابط راح تلقون مفاجئه لسواد
http://www.shbab1.com/2minutes.htm
عذبه المشاعر غير متواجد حالياً رد مع اقتباس

إضافة رد







أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 10:30 .


شات عالم حواء
تابعونا على Google+
تابعونا على instagram
تابعونا على twitter
تابعونا على Facebook