السعودية - جده
كوافيره في جده بطلب
تسريحه,مكياج,صبغه,ميش,حلاوة,تنيظيف بشره,بدكير ومنكير,واكس للحجز واتس
              

السعودية - جده
كوافيره في جده بطلب
تسريحه,مكياج,صبغه,ميش,حلاوة,تنيظيف بشره,بدكير ومنكير,واكس للحجز واتس
إضافة رد
 
أدوات الموضوع انواع عرض الموضوع
قديم 17-04-1426 هـ, 10:42 مساءً   #1
THALIA_EMPIRE

عضوة نشيطة
 
الصورة الرمزية THALIA_EMPIRE
 
تاريخ التسجيل: 21-02-1425 هـ
المشاركات: 436


مايتعلق بمنتجات زين الأتات .. شعر .. بشرة .. جسم .. أرجو التثبيت

مايتعلق بمنتجات زين الأتات .. شعر .. بشرة .. جسم .. أرجو التثبيت

السلام عليكم
مرحبا حبيباتي بنات حواء الجميلات والأنيقات والساعيات وراء الجمال والرشاقة
ندخل بالموضوع على طول .. وأتمنى الكل يشارك من عضوات ومشرفات ومراقبات وزائرات .. وأرجوا تثبيت الموضوع
وهذا ليس لصالحي فقط وإنما لصالح جميع أخواتنا في الله .. ولنقطع الشك بالبيقين
ونحدد جميع أنواع منتجات زين الأتات من نواحي كثيرة أهمها :
الإيجابيات و السلبيات _ مفعول المنتج _ فترة ظهور النتائج المراده _ الأسعار مناسبة أو غير مناسبة _ الإقبال على هذه المنتجات _ المصداقية من

ناحية منتجاته <<< تذكروا هالمقطع بنرجع له في آخر الموضوع.

طبعا قبل ماأبدأ بالتحدث عن منتجات زين الأتات .. بتكلم عن أمور حصلت وأحب أذكركم فيها أوكي

بسم الله الرحمن الرحيم

في الآونه الأخيرة كثرت محلات ومراكز العطارة والأعشاب والطب البديل في جميع نواحي الدول العربية
وبالأخص في دول الخليج
وطبعا هالمحلات أو هالمراكز هذي مستمرة في الولادة بشكل جديد وبمنتجات جديدة وبإعلانات تلفزونية بشتى الطرق ليس لتحقيق حلول للمشكلات أو لعلاج

بعض الأمراض الشائة أو المنتشرة في هذه الأيام بعيد الشر عنكم .. وإنما لتحقيق أهدافهم وأهدافهم هي اللعب بعقول الناس و سلب ونهب أموال هؤلاء

الناس الأبرياء اللي كل ماشافوا إعلان أو دعاية أو علاج أو دواء .. ( وطبعا أنا وحده منهم ) .. إنبهروا بهذا السحر والكلام والمصداقية الملفقة

من كل النواحي .. وتلقين الوحده ماصدقت .. على طول خذت التلفون أو موبايلها .. ألو السلام عليكم شركة المنتج الفلاني أبغي هالطلبية ..

وتطلب وتوصل الطلبية وتدفع المبلغ طبعا المبلغ أكيد بيكون غالي إذا كانت الشركة دعايتها بالتلفزيون
وطبعا هيه مايهمها غالي ولا رخيص الدعاية عامتنها وهات يازوجي وهات يابويه ولا هاتي ياأمايه من هالبيزات .. ويسألونها ليش هالبيزات كل يوم وكل مره

.. ليش بعد هالسؤال أصلا مايحتاي يسألون أكيد حق منتج يديد وتستخدم هالمنتج .. مع الوقت وهيه فرحانه مشتريه منتج من شركة عالمية ودعاياتها

مليانه بالتلفزيون .. وآخرتها تكتشف إن هالمنتج كله جذب بجذب ( كذب بكذب ) مانفع معاها ولا جاب أي نتيجه , وبعدين تسمع من الناس إن

هالمنتج بالمستقبل يعرض الإنسان للأمراض ومنها الأمراض الخبيثه والعياذ بالله.أوكي خلصنا من سالفة الشركات والتلفزة .. الحين نوصل حق محلات

ومراكز العطارة والأعشاب والطب البديل .. اللي تارسة إعلاناتها بالمجلات والجرايد ومن البوسترات والبروشورات
طبعا خواتنا الله يهديهم .. وطبعا أنا معاهم .. وهم بالسيارة ويا أهلهم أو مع الزوج يجوفون البياعين اللي عند كل إشارة .. وطبعا تجوفه الوحده

تقول إفتحوا الدريشه ( النافذه ) إفتحوها بسرعه قوله نبغي جريدة ونبغي البروشورات اللي عنده أكيد في أعشاب ولا منتجات يديدة بتنفعنا .. وهات من

هالجرايد وهالبروشورات وهالمجلات
وتروح البيت وتتصل ألو السلام عليكم وين مكانكم وشو منتجاتكم وكم أسعار منتجاتكم .. وقبل ماتخلص مكالمتها .. جهزلي هالمنتج وهالمنتج وهالمنتج

الخ .. الإخت من كثر الفرحه لقت الحلول عندهم قالت ألحق آخذ كل شي قبل لا تخلص هالمنتجات ... وبعدين تروح ومشترية كمية ضخمه من

المنتجات ومنها :كريم التبيض - كريم الهالات السوداء - كريم الكلف والنمش - كريم حب الشباب - كريم للزواوين - كريم تبيض الكرب

والأكواع - كريم تبييض الإبط - كريم إزالة الشعر غير المرغوب فيه - كريم للتشققات - كريم لتفتيح لون الشفايف - زيت تطويل الشعر -زيت

تنعيم الشعر - زيت إخفاء الشيب -بلا بلا بلا الخ يعني
وهاتي يابنت هالمنتجات وكل يوم حطي من هالمنتجات .. يوم ويومين إسبوع وإسبوعين وشهر أي شهر أقل من شهر إلا المنتجات راح تخلص من كثر

الإستعمال اليومي عليها .. هذيج الساعه تقول أوف جيه ماصرت بيضه وليش ويهي ماصار صافي وليش الزواوين ماإختفت وليش الهالاات السوداء مكانها

وليش وليش وليش ؟؟؟؟؟؟
وبعدين بتقول ياليتني ماإشتريت وياليتني مادفعت وياليتني ماصدقت
أوكي بنقول البنت وحليلها خلاص تابت .. لكن ترجع مره ثانية وتقع في نفس الخطأ .. تعرفون وش هذا الخطأ .. إن كل بنت تركض وتروح

تصدق أي مركز أو محل عطارة أو أعشاب جديد .. منتجاته ساحره ولكن نتائجها فاشله
والله حرام .. إلى متى سوف ندع الناس أصحاب النوايا والقلوب السوداء وضعيفي الإيمان وليس لديهم ضمير
يتحكمون بعقولنا ويسحروننا بالقيل والقال
إلى هنا وسوف أتوقف عن هذه المحلات والمراكز الزائفة

وندخل الآن بموضوع منتجات زين الأتات
طبعا منتجات زين الأتات عليها إقبال كبير وشديد من شعب الخليج وإقبال ضخم جدا من الشعب اللبناني بنفسه وطبعا هذا الشي ليس دليل بإن إعلاناته تارسه

التلفزيون
بالعكس أنا أجوف زين الأتات إعلاناته مش مكثفه وإنما بقناتين .. تخص الإذاعة اللبناية
والصراحه من كثرة تجارب اللبنانيين وتجارب بعض خواتنا هنا بالمنتدى والنتائج المبهره والطبيعية والحلول لجميع مشكلاتهم اللي إنتهت بنهاية سعيدة
قلت الحمد لله على كل حال .. لين الحين في ناس مثل زين الأتات عندهم ضمير وقلب في مساعدة الناس من مشكلاتهم اللي يعانون منها
وطبعا طلبتكم يابنات كل وحده بعد قرائتها موضوعي تكتب تجربتها اللي جربتها من منتجات زين الأتات ومن جميع النواحي اللي ذكرتها في بداية الصفحه وهي

الإيجابيات و السلبيات _ مفعول المنتج _ فترة ظهور النتائج المراده _ الأسعار مناسبة أو غير مناسبة _ الإقبال على هذه المنتجات _ المصداقية من

ناحية منتجاته
يابنات أنا هذا الموضوع ماكتبته ولا تعنيت أكتبه إلا لصالحنا جميعا
وإن شاء الله نفيد بعض بهذا الموضوع
وإذا ماعجبكم موضوعي إحذفوه
في إنتظار ردودكم
بروح أرتاح شوي وبعدين برد أجوف ردودكم
مع السلامه




THALIA_EMPIRE غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر


17-04-1426 هـ, 11:34 مساءً
#2
سبحان الله
ولا رد ولا حتى كلمة شكرا .. يالله هب مشكله .. بصبر .. إن شاء الله بلقى ولو رد واحد



17-04-1426 هـ, 11:44 مساءً
#3
انا اخذت كورس التقشير والآن لي اسبوع فقط من الإستخدام بداء التقشير من ثاني يوم
والإحمرار واحس ان البقع بدت تخف لكن بشكل بسيط انا اعاني من بقع حبوب وكلف ويارب
تكون النتائج حلوة وسعره 300ريال .و***** الله ناويه اشتري كريم الأكواع والركب لكن
بعد مرور شهر من الكورس ..



17-04-1426 هـ, 11:49 مساءً
#4
مشكوووووووووورة كل اللي قلتيه صدق



17-04-1426 هـ, 11:50 مساءً
#5
عني انا ما جربت شي ,, بتريا البنات وبشوف شو تجاربهم



18-04-1426 هـ, 01:06 صباحاً
#6
مرحبا
67 قارئة ماشاء الله زين زين
وإثنين بس يردون هب مشكله بعد بنصبر

نبدأ

الأحمرية
أشكرج إختي على المرور أولا .. ثانيا الحمد لله على النتيجة الأكثر من رائعه اللي حصلتي عليها .. وألف شكر لج على المعلومات المهمه .. وننتظر النتيجه النهائية من بعد الكورس ياإختي والله يوفقج ياربي ماقصرتي .
هذي لج


^بنت العين^
ألف شكر لج حبووبتي بنت العين على المرور أولا .. ثانيا العفوا وهذا الواقع اللي حاصل في مجتمعنا ولازم نزيد الوعي ونكثر منه عساس نكون على يقضه أكثر من النصابين
ويزاج الله ألف خير .
أهم شي إنج رديتي ولو بكلمة .. وإن شاء الله تستفيدين ويستفيدون الجميع
وهذي لج


وبعدنا مستمرين وننتظر ردود جميع البنات
يالله شدوا حيلكم



18-04-1426 هـ, 01:12 صباحاً
#7
مرحبا أنا جربت كريم التنحيف وجاب نتيجة ملحوظة من ثالث يوم بس المهم اتبعي الخطوات وهو مو غالي 80 ريال بس ويمكن اجرب الزهورات بعد بس لسة ماشريتها



18-04-1426 هـ, 01:27 صباحاً
#8
مرحبا
أمورة2003
هلا والله إختي أمورة
ألف شكر لج على المرور أولا .
وألف مبروك على النتايج ياإختي وإن شاء الله إلى الأمام ياربي
ومشكورة على المعلومات
هذي لج


وإن شاء الله الحماس يزيد .. ونعرف تجاربكم أكثر وأكثر .. والإطمئنان يكون أكثر وأكثر
يالله ياخواتي شدوا الهمه



18-04-1426 هـ, 01:37 صباحاً
#9
موضوعك حلو خيو.. يعطيك العافيه

استخدمت من عنده واقي الشمس جدا حلو ممتاااااااز

استخدمت زعتر زين وهو شراب مركز من الزعتر واعشاب اخرى له فوايد كثيره منها تنشيط الجسم وتطهيره وتطهير المعده ..... ولله ماني ذاكره الباقي بس كان ممتاز برضوو..

امممممم واخيرا كريم منع نمو الشعر... بس للاسف ماداومت عليه فما عطاني النتيجه المرجوه... لكن اقدر اقولك ان الشعر طلع اخف من قبل بس مو بكثير.. لان مثل ماقلت لك ماستخدمته باانتظام يعني يادوب مره او مرتين بعد نزع الشعر<<<<<<<< عاجزه ماكووو فايده

بااااااااااي



18-04-1426 هـ, 01:44 صباحاً
#10
مشكوره اختي بس ماجربته منتجاته ..وما اظن بجربها ..



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 12:53 .