السلام عليكم
كل عام وانتم بخير حبيباتي ورمضان كرييم
بسم الله ..<<شمرو عن السواعد ..
اليوم جبت لكم عجينة تصلح لفطيرة التفاح قمممة في السهوولة واللذة بصراحة هالوصفة من الوالدة الله يحفظها تقدرون تسمونها عجينة الثلاث مقادير ..!
خلونا نبططل هذرة وندخل في الموضوع <<:22:خخخ
المقادير :: عدو معاي
1. (اصبع زبدة لين "مو سايحة زي الزيت لا تكون ليينة ومتماسكة ") = 100 غرام<<انا استعملت لورباك احسها اطعم
2. حبتين جبنة كيري
3. كاسة دقيق ابيض <بكاسة الجبنة السائلة
الطريقة ::
1. اخلطي الجبنة والزبدة ويفضل بالعجانة
2. اضيفي كاسة الدقيق
ملحوظة: اذا لاحظتي ان العجينة ناشفة اضيفي شوية زيت ... بالنسبة للقوام بتكون العجينة لينة بس متماسكة على فكرة في ناس يحبونها تكون زي الفتات بس انا ما افضل هالنوع لانها تطلع مررة مفتته وما تتماسك <<وتفشلنا عند خلق الله:hahaha:ههههههه تتنثر وتخرب البرستيج
...
المهم خلونا نكمل ...
بعد ما تخلصين من العجين
تقسمينها نصين النص الاول.. ينفرد في الصينية
والنص الثاني : يكور ويتلبس بكيس وينحط في الفريزر من ربع ساعه الى ساعه حسب سماحة الوقت
طيب .. في الوقت اللي تتجمد العجين فيه تسوين الحشوة
وهي عبارة عن:-
حبتين تفاح :احمر او اخضر عاادي "مقشرة مبشورة ( اذا خلصتي لا تغسلين المبشرة)
تخلطين عليها..
ملعقتين سكر بني واذا ما فيه الابيض يصلح
وملعقة قرفة مطحونة
تفردين النص الاول في الصينية
وتحطين الحشوة عليها
اذا جمدت العجينة تبشرينها في المبشرة في المقاس الكبير طبعا مو لازم تغطين كل الوجه لان العجينة بتذووب شوي
تحطينها في الفرن على حرارة 200 - 250 لمدة من 30 -35 دقيقة او لحد ما تحمر
تخرجينها وتنثرين عليها سكر مطحون
وبالعافية ..
ممكن تسوينها بهالطريقة او ممكن تحطين العجينة كور صغار تفردينها في صينية اكواب ارتفاعها قصير وتحشينها بنفس الطريقة وتبشرين عليها .. الخ كله زي الللي فووق
أتمنى تكون عجبتكم
ما ابي منكم الا دعوة في ظهر الغيب تحقق لي مناي
اختكم : نسمات ود
نسمات ود @nsmat_od
عضوة جديدة
أسهل العجاين بسس لمحبات فطيرة التفاح <تصدقون حبيتها لسهولتها
41
14K
يلزم عليك تسجيل الدخول أولًا لكتابة تعليق.
نسمات ود
•
اتمنى اشوف ردود سنعة عشان اتحمس وانزل لكم عجينتي في الدونات
الصفحة الأخيرة